Exodo 5:2 - Tagbanwa

² Temed maat i tubag it adiꞌ ngayti, “Ay siyuy AMPUꞌANG DIYUS? Siyu kanya nga magꞌurdin-urdin it aken nga ipalugut ku nga mapanaw i mga Israelita? Egay kilala ku nga paꞌaaten ngayan nga AMPUꞌANG DIYUS. Talagang ega, ega maat ipasugu-sugut ku nga mapanaw i mga Israelita ngaytu!”

Exodo 5:2 Iomraidhean Croise

Exodo 3:19

Temed ta, talagang magkaꞌrutan ku nga daꞌkamu yan ipalugut it adiꞌ ngayan, basta ega maregesan.

Exodo 7:17

Aypaꞌ itu siꞌ i tugun it AMPUꞌANG DIYUS. May buwaten ya na isaꞌun makilalaan mu in siyuy AMPUꞌANG DIYUS ngaytu nga paꞌaaten. Pakpaken ku nay danum it Nilo it pagseskelen ku ngaytu nga sungkud ku. Bawnga danum ngaytu, magbalyung duguꞌ.

Daniel 3:15

Ta, begayan ku naga kamu it rugar nga sumunud it ipiyagꞌurdin ku ngaytu. Basta magnegan mi siꞌ i tingeg it mga pagꞌeypan baw mga turugtugun nga ipatingeg, in manluud kamu ka sumamba it ipiyabwat ku nga tiyaw-taw, magayen. Temed in daꞌkamu paꞌ sumamba, siguradu nga ibuntal kamu na duꞌun it pagdidingdingen nga dakulang apuy nga magdidigalang it panugu-sugu. Letganan ku in siyung diyus i makaribri it imyu kat alima ku.”

Juan 16:3

Talagang buwaten niraytu sabap it ega magkakilalaan nira aku, atnagay Amaꞌ.

Roma 1:28

Ta, it ipiyabetang na nira nga egay kakapulusan it kamatuudan pasar it Ampuꞌang Diyus, egay beken piyabayaꞌan ya na sira kat pikiran nga maraꞌway, nga yay tumaban it kanira kat mga pagbuwaten nga purus na gasiꞌ mararaꞌway.

2 Tesalonica 1:8

Uyut nagat pangabut ya i magdidigalang nga apuy, baw rigaen yat kamatuudan i kumpur ega magkilala it Ampuꞌang Diyus baw ega magpamayaꞌ it Magayen ngaytung Baritaꞌ pasar it Ampuꞌan tami ngaytu nga si Jesus.

Mga Pagbayaꞌen 2:10

Temed pagpatay ni Josue baw mga kaꞌebay-ebayan ya, yamanay naꞌped, mga baꞌgu manang taw nga ega nay pagkilala nirat AMPUꞌANG DIYUS baw egay uru-urut nira it mga kagayenan nga binwat ya duꞌun it bangsa nira ngayti nga Israel.