Exodo 40:9 - Tagbanwa

⁹ Bawnga pisiꞌen mu i lana nga ipagpaꞌid, ka paꞌidan mu i Tabirnakulu ngaytu, pati muꞌsang mga buwat-buwat baw kagamitan ya. Atkaytu i buwaten mu isaꞌun, muꞌsa ngaytu, ega na babasta-bastaen, in daꞌga ipiyasiguru nga kat AMPUꞌANG DIYUS na.

Exodo 40:9 Iomraidhean Croise

Exodo 40:8

Pagkaꞌman mu, kaliputputun mu nat mga kurtinaꞌ baw ikabit mu nay kurtinaꞌ it salakwatan ya.

Isaias 11:2

Pasarum duꞌun it kanya i Espiritu Santo it AMPUꞌANG DIYUS, nga yay tumaban it kanya it kasepsep it muꞌsang bagay. Kat keseg gasiꞌ it Espiritu Santo ngaytu, kumaꞌrut kanya nga banar, paꞌiguꞌ-iguꞌ kanya it magayen, baw magmaꞌiseg i nakem ya kat pagsarunga it katengdanan ya it may kamatuudan nga galang nga may iꞌlam ya it AMPUꞌANG DIYUS.

Mateo 3:16

Iyan nabawtis na si Jesus, nga magpatingdal na, sakaling miyabri i langit. Naltegan ya i Espiritu Santo it Ampuꞌang Diyus nga magpapasalu duꞌun it kanya, nga subung it kalapatiꞌ i pamabilug.

Juan 3:34

Sabap iyan nga tiyaꞌeg it Ampuꞌang Diyus, simpri egay beken nga ipagsugid ya in daꞌga iyan ipagpasugid nagat Ampuꞌang Diyus, sabap may Espiritu Santo na duꞌut kanya nga egay kaskedan it tabang ya.

2 Corinto 1:22

Piyapasaruman ya paꞌ kita it Espiritu Santo nga yay bilang markaꞌ yat aten, nga imandaꞌan it talagang mga taawan ya na kita. Baw Espiritu Santo ngaytu i ipiyauꞌna it Ampuꞌang Diyus isaꞌun masiguru tami nga mabut i aldaw nga kumplituun ya i kagayenan nga magꞌaꞌareg it aten.

2 Corinto 1:4

Talagang daꞌtami pagpabaya-bayaꞌan ya kat mga kakuriꞌan tami, in daꞌga pagpasagyaen yay nakem tami, isaꞌun magkapasagya tami gasiꞌ it in siyu nga may kakuriꞌan. Ka in unuy ipagkasagya it nakem nga ipagbegay it Ampuꞌang Diyus it aten, iyan nagay ipagpasagya tami it nakem it mga maꞌiba ta nga magkakuriꞌan.

Hebreo 9:21

Inanuꞌan ya gasiꞌ it duguꞌ i balay ngayting papagsambaan baw muꞌsang mga kagamitan in magsamba.

1 Juan 2:20

Temed kamu, inildawan kamu na nga pagsasaruman kamu nat Espiritu Santo. Aypaꞌ ka magkatantuwan mi na i kamatuudan.