Exodo 40:7 - Tagbanwa

⁷ Ibtang mu gasiꞌ kat piyagtengaꞌan it papangantengan ngaytut ipagsamba baw Tabirnakulu i palangganaꞌ baw betangan mut danum.

Exodo 40:7 Iomraidhean Croise

Exodo 40:6

Ipiyasigi it AMPUꞌANG DIYUS i munaꞌaw ya, nga magꞌaat, “Iyan tumbaga ngayan nga papangantengan it ipagsamba, asan i betangan mu it sarungaan it Tabirnakulu ngaytu nga patuꞌ it salakwatan ya.

Exodo 40:8

Pagkaꞌman mu, kaliputputun mu nat mga kurtinaꞌ baw ikabit mu nay kurtinaꞌ it salakwatan ya.

Zacarias 13:1

Maat pay paꞌugdun it AMPUꞌANG DIYUS, “Kat aldaw ngayan, paburusun kuy tumbud nga ipaglimpiyuꞌ it kasalaꞌan baw karaꞌe-raꞌetan it muꞌsang mga kaduguꞌ-duguꞌan ni David, baw mga magtataꞌid duꞌun it Jerusalem.”

Tito 3:5

Ka ipiyagribri ya kita, ega sabap it may nabwat tami nga mataldeng kat panleteg ya, in daꞌga sabap it kadakulat ildaw ya. Ipiyagribri ya kita, nga subuk ipiyanganak tami sit sumaꞌup kat buwat it Espiritu Santo nga panlimpiyuꞌ baw pagbaꞌgu it mga adat ta.

Hebreo 10:22

Aypaꞌ ka ayaw ta nat pangangaliꞌ, in daꞌga madap tami na duꞌun it adapan it Ampuꞌang Diyus it ega lugud-lugud lamang, in daꞌga kamatuudan, baw mapaꞌgen i pagsarig baw pamayaꞌ tami it kanya. Sabap yanay magdadaꞌeg kat nakem tami, nga limpiyuꞌ tami na kat muꞌsang kasalaꞌan, ka subuk piniꞌtikan ni Jesus it duguꞌ ya, baw subuk inugasan ya na kita it danum nga ega basta-basta.

1 Juan 1:7

Temed in pirmi ta nga magpangaꞌgenan uyun kat kaꞌyagan, nga alaid kat kasalaꞌan, subung nagat Ampuꞌang Diyus, nga kanya, purus kat kaꞌyagan talaga, magayen talagay pakiꞌiba-iba tami nga magpamayaꞌ it kanya. Baw iyan timnuruꞌ nga duguꞌ ni Jesus nga Anak ya, paglimpiyuꞌun ya kita, ka pagꞌawaꞌen yay muꞌsang kasalaꞌan ta.