Exodo 40:12 - Tagbanwa

¹² Si Aaron baw mga anak ya nga lalaki, tabanen mu sira asat salakwatan it Tabirnakulu, bawnga panlimpiyuꞌun mu sirat danum duꞌun.

Exodo 40:12 Iomraidhean Croise

Exodo 40:11

Paꞌidan mu gasiꞌ it lana ngaytu i palangganaꞌ baw magtitindeg nga dadaꞌtunan ya, isaꞌun ega gasiꞌ basta-basta, in daꞌga ipiyasiguru nga kat AMPUꞌANG DIYUS gasiꞌ.

Mateo 3:16

Iyan nabawtis na si Jesus, nga magpatingdal na, sakaling miyabri i langit. Naltegan ya i Espiritu Santo it Ampuꞌang Diyus nga magpapasalu duꞌun it kanya, nga subung it kalapatiꞌ i pamabilug.

Lucas 1:35

Katubag i anghil ngayti, “Talagang matuud i inaat mu. Temed kat tabang it Espiritu Santo magbaraꞌ tu. Aypaꞌ ka dumarugmatiꞌ ka sabap it guna it Ampuꞌang Diyus nga Subrang Piyakamataꞌas. Aypaꞌ ka ipanganak mu ngayan, alaid nga alaid kat kasalaꞌan ka Anak kanya it Ampuꞌang Diyus.

Juan 3:34

Sabap iyan nga tiyaꞌeg it Ampuꞌang Diyus, simpri egay beken nga ipagsugid ya in daꞌga iyan ipagpasugid nagat Ampuꞌang Diyus, sabap may Espiritu Santo na duꞌut kanya nga egay kaskedan it tabang ya.

Roma 8:3

Talagang, pagsunud it taw it mga urdin, ega ikapisit kataldengan kat panleteg it Ampuꞌang Diyus u ikaliꞌwan it taw kat pamegbeg it kasalaꞌan. Ka egay magkasunud it kaꞌustuꞌan it mga urdin ngaytu, sabap it singkadan tang kaꞌiꞌirgan nga maraꞌe-raꞌet nga magbabanwa na kat muꞌsang taw. Temed maski atkayan, may ipiyabetang-betang it Ampuꞌang Diyus nga yanay nakapabaraꞌ it ega ngayan nakapabaraꞌ it pagsunud it taw it mga urdin. Ka binwat it Ampuꞌang Diyus, ipiyalampud ya i sadili yang Anak nga nagbalyung taw isaꞌun kasbung nga banar it aten nga makasalaꞌan. (Temed kanya, egay kakasalaꞌan.) Bawnga, kat binwat ya nga tiyanggung ya i kasalaꞌan tami nga mga taw, riyanggaꞌ ya talaga i pamegbeg it aten it kasalaꞌan.

Galacia 4:4

Temed iyan naꞌbut nay ipiyagtirminu nga timpu, tiyaꞌeg it Ampuꞌang Diyus i Anak ya nga paꞌasitu. Nagbalyu kanya nga taw nga ipiyanganak it esang babay, baw nangaꞌgenan kanya kat pagpasakep it mga ipiyagꞌurdin it Ampuꞌang Diyus duꞌun it mga Judio,