Exodo 40:10 - Tagbanwa

¹⁰ Bawnga isunud mu nga paꞌidan i papangantengan ngaytut ipagsamba baw mga kagamitan ya, isaꞌun magꞌega basta-basta nga banar.

Exodo 40:10 Iomraidhean Croise

Exodo 40:11

Paꞌidan mu gasiꞌ it lana ngaytu i palangganaꞌ baw magtitindeg nga dadaꞌtunan ya, isaꞌun ega gasiꞌ basta-basta, in daꞌga ipiyasiguru nga kat AMPUꞌANG DIYUS gasiꞌ.

Isaias 11:2

Pasarum duꞌun it kanya i Espiritu Santo it AMPUꞌANG DIYUS, nga yay tumaban it kanya it kasepsep it muꞌsang bagay. Kat keseg gasiꞌ it Espiritu Santo ngaytu, kumaꞌrut kanya nga banar, paꞌiguꞌ-iguꞌ kanya it magayen, baw magmaꞌiseg i nakem ya kat pagsarunga it katengdanan ya it may kamatuudan nga galang nga may iꞌlam ya it AMPUꞌANG DIYUS.

Lucas 1:35

Katubag i anghil ngayti, “Talagang matuud i inaat mu. Temed kat tabang it Espiritu Santo magbaraꞌ tu. Aypaꞌ ka dumarugmatiꞌ ka sabap it guna it Ampuꞌang Diyus nga Subrang Piyakamataꞌas. Aypaꞌ ka ipanganak mu ngayan, alaid nga alaid kat kasalaꞌan ka Anak kanya it Ampuꞌang Diyus.

Juan 17:19

Baw sabap it kanira, ipasiguru ku nay sadili ku nga sunudun kung banar i muꞌsang kaꞌirgan mu, isaꞌun masiguru gasiꞌ sira nga imu nang matuud, nga alaid na kat kasalaꞌan.”

Juan 3:34

Sabap iyan nga tiyaꞌeg it Ampuꞌang Diyus, simpri egay beken nga ipagsugid ya in daꞌga iyan ipagpasugid nagat Ampuꞌang Diyus, sabap may Espiritu Santo na duꞌut kanya nga egay kaskedan it tabang ya.

1 Corinto 1:30

Maski kita, talagang garing duꞌut Ampuꞌang Diyus i magpakilagpit ta ngaytu it ki Cristo Jesus. Baw si Cristo Jesus ngaytu i binwat it Ampuꞌang Diyus nga ikakilala tami it kamatuudan nga kasepsep, nga kasepsep ngaytu nga paꞌaaten, mataldeng tami na kat panleteg it Ampuꞌang Diyus, ka ipiyagribri ta na kat panguripen it kasalaꞌan it aten, isaꞌun mangaꞌgenan tami na nga alaid kat muꞌsang kasalaꞌan.

2 Corinto 5:21

Ka, maski egay kakasalaꞌan ni Cristo, ipiyabetang kanya it Ampuꞌang Diyus nga makasalaꞌan sabap it aten nga mga taw, isaꞌun mapakay nga ipabetang ya kita nga mataldeng kat panleteg ya sabap it kamataynen ni Cristo ngayti.

Hebreo 7:26

Kanya i Piyakamataꞌas nga Sasirduti nga bagay talaga it aten nga kaꞌilangan. Ka alaid nga pirmi i nakem ya kat muꞌsang kasalaꞌan. Ega talagay karaꞌe-raꞌetan nga magpangbit kat nakem ya, baw egay maski unu nga magkaꞌiway it kanya. Dakulay piyagbelagan it kanya baw aten nga makasalaꞌan baw kayti, binggayan na kanyat Ampuꞌang Diyus it piyakamataꞌas nga pudir duꞌun it langit.