Exodo 4:8 - Tagbanwa

⁸ Inaat siꞌ it AMPUꞌANG DIYUS, “Ta in daꞌka pamayaꞌnen nira it uꞌna ngayan nga kalililuꞌang bagay, siguru pamayaꞌnen ka nayan nira it ikadwa ngayan.

Exodo 4:8 Iomraidhean Croise

2 Mga Adiꞌ 5:7

Pagkabasa it adiꞌ ngaytit Israel, piyanrarasik yay pakayan ya. Maat ya, “Unu na bayning kabetang i atna kayni, adimaat akuy Ampuꞌang Diyus nga magkabwat yang paꞌlayen u ega i taw, ka kanyay magseskel it ginawa! Unuka piyapaꞌasitu yat aken i taw ngaytung mabangbangen bawnga maat pagayenen kuy sarakiten ya ngaytu? In daꞌga bat pagpapuꞌnan ya it isaꞌun magkapagbunuꞌ kami.”

Exodo 4:28

Ta, isiyugid na ni Moises it ki Aaron i muꞌsa ngayti nga inaat it AMPUꞌANG DIYUS it kanya, pati mga kalililuꞌan ngayting bagay nga ipagpabwat it kanya.

Exodo 4:7

“Ta,” maat siꞌ it AMPUꞌANG DIYUS, “isaꞌup mu siꞌ.” Piyamayaꞌ naga ni Moises. Pagsurut ya siꞌ it alima ya ngayti, egay maski unu nga bangbang.

Exodo 4:9

Takaꞌ in daꞌsira paꞌ magpamayaꞌ it imu u pagneg it imu, sumaꞌgeb ka it danum it Nilo, bawnga ilamaꞌ mu asat lugtaꞌ. Danum ngayan, magbalyu yan nga duguꞌ.”

Juan 12:37

Maski dakel na nga naltegan it mga katataawan ngayti nga binwat ni Jesus nga mga tandaꞌanan nga kalililuꞌang bagay, ega ga lamang pagpamayaꞌnen nira kanya.

Mga Pagbayaꞌen 6:17

Katubag siꞌ si Gedeon ngayti, maat ya siꞌ, “In talagang pagsagyaan mu aku, paltegan mu aku it esang tandaꞌanan nga ikaw i magtaꞌeg it aken.