Exodo 4:5 - Tagbanwa

⁵ “Atkayan na i buwaten mu isaꞌun mamayaꞌ sira nga nagpakikita aku it imu, aku nga Ampuꞌang Diyus it mga kagiyaringanan mi, nga si Abraham, si Isaac baw si Jacob,” maat siꞌ it AMPUꞌANG DIYUS ngayti.

Exodo 4:5 Iomraidhean Croise

Genesis 12:7

temed nagpakikita i AMPUꞌANG DIYUS it ki Abram baw maat ya, “Ibgay kut kaꞌanak-anakan mu i itung banwa.” Aypaꞌ binwat ni Abram duꞌun, nagpatindeg it esang papangantengan it ipagsamba duꞌun it AMPUꞌANG DIYUS nga nagpakikita it kanya.

Genesis 17:1

Iyan siyam nang puluꞌ baw siyam nga taꞌun i idad ni Abram, nagpakikita siꞌ i AMPUꞌANG DIYUS it kanya. Maat i inaat ya, “Aku i Ampuꞌang Diyus nga landaw nga gunaan. Kayti, ituy ipagꞌaat kut imu, mangaꞌgenan ka it uyun kat kaꞌirgan ku. Magpakataldeng ka.

Genesis 18:1

Saꞌup siꞌ nga pakikita it AMPUꞌANG DIYUS it ki Abraham, duꞌun it pagbabalayan ngayti na Abraham nga duꞌut kakakayuwan ni Mamre, kaꞌsang magꞌaꞌdung si Abraham duꞌun it salakwatan it balay ya ngayting magkapuru-purun. Magpaderes-deres kanya ka masgay aldaw.

Genesis 26:2

Ka nagpakikita it ki Isaac i AMPUꞌANG DIYUS baw inaat kanya, “Isaac, ayaw kat paꞌaduꞌun it Egipto. Duꞌun i aduꞌunan mu it rugar nga iꞌaat ku it imu ka duꞌun i taꞌidan mu.

Genesis 28:13

Duꞌun it ulun-ulunan it agdan ngayti, duꞌun magtitindeg i AMPUꞌANG DIYUS. Miyampang kanya nga magꞌaat, “Aku i AMPUꞌANG DIYUS it apuꞌ mu nga si Abraham baw amaꞌ mu nga si Isaac. Kayti, rugar ngaytung naꞌigaꞌan mu, ibgay kuytu it imu baw mga anak-inapuꞌ mu.

1 Mga Adiꞌ 18:36

Desang kabali nang alaid, nga uras na it pagbuwat it ipagsamba duꞌut AMPUꞌANG DIYUS, timnindeg si Elias duꞌut sarungaan it papangantengan ngaytit ipagsamba bawnga nanalangin. Maat ya, “AMPUꞌANG DIYUS ni Abraham, ni Isaac baw ni Jacob, ipatantu mu talaga kayti nga ikaw talagay matuud nga Ampuꞌang Diyus it Israel baw aku ngayni, manigsirbi mu. Binwat kuyni i atkayni ka yay taꞌeg mu it aken.

Exodo 19:9

Maat siꞌ it AMPUꞌANG DIYUS it ki Moises, “Pakikita aku siꞌ it imu kat maꞌpal nga kunum isaꞌun magnegan it mga taw nga pagpakisugidan ku ikaw, isaꞌun teꞌteꞌ nga mamayaꞌ sira it imu.” Bawnga nakasugid na ni Moises duꞌut AMPUꞌANG DIYUS i inaat ngayti it mga taw.

Exodo 3:15

Aaten mu i mga Israelita nga AMPUꞌANG DIYUS it mga kiyaꞌapuꞌ-apuꞌan nira nga si Abraham, si Isaac baw si Jacob, iyan i nagtaꞌeg it imu. Ngaran ngaytung ituꞌun i panggetaꞌ nirat aken it magtungtung-magꞌinapuꞌ seked it kaꞌnu-kaꞌnu.

Exodo 3:16

Mapanaw ka na. Pagꞌabut mu, tingpeden mu i mga ginuꞌu it mga Israelita. Iꞌaat mu it kanira nga nagpakikita aku it imu, aku nga AMPUꞌANG DIYUS ni Abraham, ni Isaac baw ni Jacob. Nagpakikita aku sabap magkaltegan ku i pakuriꞌ it kanira it mga taga Egipto.

Exodo 3:18

Pagnegan ka yan it mga Israelita. Bawnga pabayaꞌen mu i mga ginuꞌu ngayan it paꞌaduꞌun it adiꞌ it Egipto. Aaten mu it kanya, ‘Nagpakikita it amen i AMPUꞌANG DIYUS namen nga mga Hebreo. Aypaꞌ, asi-asi pat imu, magpamꞌun kami baytu ka pagpapanawun ya kami duꞌun it rugar nga kapupuyangtan isaꞌun sumamba it kanya nga AMPUꞌANG DIYUS namen. Kaꞌalaid it panawan namen, tulung aldaw i ikaꞌbut.’

Exodo 3:4

Temed desa maat nga elpen na ni Moises, piyataꞌwagan kanya it Ampuꞌang Diyus, nga duꞌun na it sugu ngayti i pagseraꞌan, nga magꞌaat, “Moises, Moises!” “Wayni aku,” katubag si Moises ngayti.

Exodo 3:6

Aku i Ampuꞌang Diyus it mga kiyaꞌapuꞌ-apuꞌan mu nga si Abraham, si Isaac baw si Jacob.” Pagkagneg ni Moises, tiyagnepan ya i rupa ya, ka magꞌiꞌlam kanya lemteg duꞌun it Ampuꞌang Diyus ngayti.

Exodo 4:1

“Ta unu yay buwaten ku,” maat ni Moises, “in daꞌga mamayaꞌ it aken i mga Israelita, in pakiꞌambut sira nga daꞌka nagpakikita it aken?”

Exodo 4:31

Egay beken namayaꞌ i muꞌsa ngayting mga Israelita. Bawnga iyan naꞌrutan nira nga siyanguꞌan na sira it AMPUꞌANG DIYUS, baw ega ngayti magkataguꞌ it kanya i muꞌsang pagbuwaten it mga taga Egipto nga pakuriꞌ it kanira, binwat nira, namagpanluud ka namagsamba sira it AMPUꞌANG DIYUS.

Exodo 4:4

Temed maat siꞌ it AMPUꞌANG DIYUS it ki Moises, “Seklen mu asat ikug i dukul ngayan.” Singkel nga matuud ni Moises, magkaskel ya nagꞌuliꞌnan siꞌ nga sungkud.

Juan 11:15

Temed sabap it imyu, masagya aku nga daꞌku duꞌun, isaꞌun pamayaꞌnen mi aku kat buwaten ku. Ta kayti paꞌaduꞌun tami nat kanya.”

Juan 11:42

Talagang magkaꞌrutan ku nga pirmi mu aku nga pagpapagnegan. Takaꞌ pagꞌampangen kuy atkaytu sabap it mga taw ngayni nga kaꞌibaan ku kayti, isaꞌun mamayaꞌ sira nga ikaw nga matuud i nagtaꞌeg it aken.”

Juan 20:27

Bawnga inaat ya si Tomas, “Letganan muy mga alima ku, baw iruꞌuk mu nay tutulduꞌ mu sinit bungad nga piyanawan it ransang. Ilaꞌut mu na gasiꞌ i alima mu sinit kilid ku. Ayaw ka nat pakiꞌambut. Pamayaꞌnen mu na.”

Juan 20:31

Temed iyan mga magsusurat situ, isiyurat tu ka isaꞌun mamayaꞌ kamu nga si Jesus na ngaytu i isiyanggup nga Manriribri baw kanyay Anak it Ampuꞌang Diyus. Baw kat pamayaꞌ baw pakilagpit mit kanya, siguradu nga maꞌimyu i kaꞌgenan nga egay kaskedan.

Juan 5:36

Temed may pamatuud pasar it aken nga subraꞌ paꞌ it pamatuud ngaytu ni Juan. Iyan mga pagbuwaten ku nga ipagpabwat it aken it Amaꞌ ku, iyan i magpamatuud nga aku, tiyaꞌeg it Amaꞌ it paꞌasitu.

Mga Binwat 7:2

Timnubag si Esteban, maat ya, “Mga kagiyaringanan ku baw kasulsugan, asi-asi pat imyu, pagnegan mit magayen i ampangen ku. Iyan Ampuꞌang Diyus nga subrang mabantug, nagpakikita kanya duꞌun it kiyaꞌapuꞌ-apuꞌan ta nga si Abraham, iyan duꞌun paꞌ kanya it Mesopotamia, nga ega paꞌ nagpaꞌugad duꞌut Haran.

Hebreo 11:16

Temed ega, in daꞌga subraꞌ pang magayen nga banwa i pagpaꞌbutun nira, nga egay beken, langit tuy paꞌaaten ngaytu. Aypaꞌ talagang ega ipagꞌeyaꞌ it Ampuꞌang Diyus nga mataꞌwag kanya nga kanirang Ampuꞌan, sabap talagang inargan ya sira it pirmaminting banwa nga mataꞌidan nira.