Exodo 4:16 - Tagbanwa

¹⁶ Kanya i buwaten mu nga manigpakisugi-sugid it mga taw. Baw ikaw na i subuk aken, nga Ampuꞌang Diyus, nga magꞌaat it kanya in unu i aaten ya kat mga taw.

Exodo 4:16 Iomraidhean Croise

Exodo 18:19

Pagnegan muy napikir ku ngaytu, baw pagsisiguruun ku nga tabangen ka it Ampuꞌang Diyus. Kayti magayen tuy buwat mu ngaytu nga ikaw i manigꞌadap it Ampuꞌang Diyus sabap it kanira, ka ikaw i manigsugid duꞌut kanya it piyagbarisukaran nira.

Exodo 4:12

Aypaꞌ mapanaw ka na. Tabangen ta yan ikaw isaꞌun makaꞌampang ka it magayen baw itulduꞌ ku it imu i ampangen mu.”

Exodo 4:30

Pagkatingped nira, muꞌsa ngayti nga inaat it AMPUꞌANG DIYUS it ki Moises, isiyugid na ni Aaron it kanira. Bawnga minwat na kanya it mga kalililuꞌang bagay duꞌut adapan nira nga muꞌsa.