Exodo 4:15 - Tagbanwa

¹⁵ Muꞌsa ngaytu nga ipiyagꞌaat ku it imu, iꞌusay mu nga muꞌsa duꞌut kanya, bawnga usayen ya gasiꞌ duꞌut mga kabilug mi. Tabangen ta kamu kat pagꞌampangen mi baw itulduꞌ ku it imyu in unu may unu i buwaten mi.

Exodo 4:15 Iomraidhean Croise

Exodo 3:12

“Yay matuud,” maat siꞌ it Ampuꞌang Diyus, “talagang daꞌka pabaya-bayaꞌan ku. Baw itu i katandaꞌ nga aku i magtaꞌeg it imu. Sikaytu nagang bukid i sambaan mi it aken in makapaliꞌwan mu na duꞌut Egipto i mga taawan ku.”

Exodo 4:12

Aypaꞌ mapanaw ka na. Tabangen ta yan ikaw isaꞌun makaꞌampang ka it magayen baw itulduꞌ ku it imu i ampangen mu.”

Exodo 4:28

Ta, isiyugid na ni Moises it ki Aaron i muꞌsa ngayti nga inaat it AMPUꞌANG DIYUS it kanya, pati mga kalililuꞌan ngayting bagay nga ipagpabwat it kanya.

Exodo 4:30

Pagkatingped nira, muꞌsa ngayti nga inaat it AMPUꞌANG DIYUS it ki Moises, isiyugid na ni Aaron it kanira. Bawnga minwat na kanya it mga kalililuꞌang bagay duꞌut adapan nira nga muꞌsa.

Mateo 28:20

Baw itulduꞌ it kanira nga sunudun i muꞌsa nga ipiyagꞌurdin ku it imyu. Baw dedemdemen mi nga iba mi aku nga pirmi seked it umur nat banwa.”

Lucas 21:15

Sabap aku ngaytu i megay it imyu it pangangampang mi nga may ega basta-bastang kasepsep, nga ega kaya nga tubagan u pakidaꞌgan it maski siyu nga mga kakuntraꞌ mi.

1 Corinto 11:23

Saꞌupun ku siꞌ i panulduꞌ garing duꞌun it Ampuꞌan, nga ipiyangadal it aken baw ipiyangadal kut imyu it tagnaꞌ pasar it pagbuwaten nga pagdemdem it kamataynen ya. Iyan delem nga idiyagang na duꞌun it mga kuꞌimatay it kanya i Ampuꞌan nga si Jesus, iyan mamagkaꞌen na sira, kimnuꞌmit kanya it tinapay.

1 Corinto 15:1

Ta kayti ipagpamatuud ku siꞌ it imyu, mga sulsug ku kat pamayaꞌ, i Magayen ngaytung Baritaꞌ nga ipiyangadal ku asat imyu it tagnaꞌ, nga piyakimatuud mi baw inunayan mi nat pamayaꞌ mi.

Deuteronomio 18:18

May ipatindeg ku kat mga kabilug nira nga esang prupitaꞌ nga subung nagat imu. Ipanakem ku it kanya i ipagpaꞌampang ku it kanya. Bawnga kumpur ipagꞌurdin ku, isugid yat imyu.’

1 Samuel 16:3

Pagꞌabut mu duꞌun imbitaren mu si Jesse. Bawnga itulduꞌ kut imu in unuy buwaten mu baw in siyuy paturuꞌan mut lana.”