Exodo 4:1 - Tagbanwa

¹ “Ta unu yay buwaten ku,” maat ni Moises, “in daꞌga mamayaꞌ it aken i mga Israelita, in pakiꞌambut sira nga daꞌka nagpakikita it aken?”

Exodo 4:1 Iomraidhean Croise

Exodo 2:14

“Bilaꞌ, siyuy nagpatindeg it imu nga pagbayaꞌen baw manigꞌukuman it amen? Siguru kuꞌimatayen mu gasiꞌ aku subung it binwat mu ngayan katꞌapun it taga Egipto ngayti!” maat i tubag it kanya it sang kataawan. Miniꞌlam si Moises, pagkagneg ya kayti. “Aaꞌ, iyan palan,” kat nake-nakem ya, “nataksiꞌan naga i binwat ku ngayan it taga Egipto.”

Exodo 3:15

Aaten mu i mga Israelita nga AMPUꞌANG DIYUS it mga kiyaꞌapuꞌ-apuꞌan nira nga si Abraham, si Isaac baw si Jacob, iyan i nagtaꞌeg it imu. Ngaran ngaytung ituꞌun i panggetaꞌ nirat aken it magtungtung-magꞌinapuꞌ seked it kaꞌnu-kaꞌnu.

Exodo 3:16

Mapanaw ka na. Pagꞌabut mu, tingpeden mu i mga ginuꞌu it mga Israelita. Iꞌaat mu it kanira nga nagpakikita aku it imu, aku nga AMPUꞌANG DIYUS ni Abraham, ni Isaac baw ni Jacob. Nagpakikita aku sabap magkaltegan ku i pakuriꞌ it kanira it mga taga Egipto.

Exodo 3:18

Pagnegan ka yan it mga Israelita. Bawnga pabayaꞌen mu i mga ginuꞌu ngayan it paꞌaduꞌun it adiꞌ it Egipto. Aaten mu it kanya, ‘Nagpakikita it amen i AMPUꞌANG DIYUS namen nga mga Hebreo. Aypaꞌ, asi-asi pat imu, magpamꞌun kami baytu ka pagpapanawun ya kami duꞌun it rugar nga kapupuyangtan isaꞌun sumamba it kanya nga AMPUꞌANG DIYUS namen. Kaꞌalaid it panawan namen, tulung aldaw i ikaꞌbut.’

Exodo 4:10

Kaꞌampang siꞌ si Moises, maat ya, “Agalen ku, yay matuud, daꞌku baytu matalastas mampang garing pat tagnaꞌ baw maski kayti nga pagpakisugi-sugidan mu ngaytu aku. Magsurkut-surkut i pangangampangan ku ka mabeꞌgat i dilaꞌ ku mampang.”

Exodo 4:30

Pagkatingped nira, muꞌsa ngayti nga inaat it AMPUꞌANG DIYUS it ki Moises, isiyugid na ni Aaron it kanira. Bawnga minwat na kanya it mga kalililuꞌang bagay duꞌut adapan nira nga muꞌsa.

Exodo 4:31

Egay beken namayaꞌ i muꞌsa ngayting mga Israelita. Bawnga iyan naꞌrutan nira nga siyanguꞌan na sira it AMPUꞌANG DIYUS, baw ega ngayti magkataguꞌ it kanya i muꞌsang pagbuwaten it mga taga Egipto nga pakuriꞌ it kanira, binwat nira, namagpanluud ka namagsamba sira it AMPUꞌANG DIYUS.

Exodo 6:12

Pagkagneg ni Moises, “Abaa,” maat ya, “magꞌuꞌunu nayan it daꞌku na pagpagnegan it mga Israelita? Daꞌga subraꞌ na siguru i adiꞌ ngayti, beken it pangangampangan ku, magꞌengke-engkeꞌ ngaytu?”

Mga Binwat 7:25

Tanud ni Moises nga masepsepan it mga kabilug ya ngayti nga kanya i gamiten it Ampuꞌang Diyus nga paliꞌwan it kanira kat pagkaꞌuripen nira. Temed ta, ega nasepsepan nira.

Mga Pagbayaꞌen 6:17

Katubag siꞌ si Gedeon ngayti, maat ya siꞌ, “In talagang pagsagyaan mu aku, paltegan mu aku it esang tandaꞌanan nga ikaw i magtaꞌeg it aken.