Exodo 34:6 - Tagbanwa

⁶ Simnarimbay i AMPUꞌANG DIYUS duꞌut sarungaan ni Moises. Magsarimbay, magpanggaꞌmaran nga maat ya, “Aku i AMPUꞌANG DIYUS. Aku i Ampuꞌang Diyus nga talagang masanguꞌ baw maꞌildaw. Daꞌku madali-daliꞌ miseg. Talagang ega magkaꞌugad-ugad i kararas ku it imyu baw egaytu magbaꞌgu-baꞌgu aku.

Exodo 34:6 Iomraidhean Croise

Genesis 24:27

Maat i inampang ya, “Talagang mabantug i AMPUꞌANG DIYUS ni Abraham nga agalen ku! Pagꞌildawan ya nga matuud i agalen ku ngayti, baw talagang ega paglilipatan ya i mga isiyanggup ya. Inibaan ya akung banar it naꞌasini isaꞌun iyan palan i abutan ku, balay nagat mga kaduguꞌan it agalen ku ngayti.”

1 Mga Adiꞌ 19:11

Maat i tubag it AMPUꞌANG DIYUS it inampang ngayti ni Elias, “Manliꞌwan ka na, ka timindeg ka kat adapan ku duꞌun it bukid ngaytu.” Pagkaꞌampang ya kayti, nanarimbay nay AMPUꞌANG DIYUS. Uꞌnang miyabut, eyep it deres nga ereꞌeret nang sebeg. Napunggar i bukid ngayti baw namagkarmek i mga batu, temed ega pay duꞌut deres ngayti nga AMPUꞌANG DIYUS. Sumubli siꞌ, yimnegyeg i lugtaꞌ, temed ega pay AMPUꞌANG DIYUS duꞌun.

Exodo 20:5

Kuydaw mu masalyaan it panluudan nga sambaen i mga iyan ngayan, ka aku nga AMPUꞌANG DIYUS mu, maꞌimun. Talagang rigaen ku i muꞌsa nga pablag it aken, pati mga anak nira seked it ikaꞌpat nga tungtung-inapuꞌ.

Exodo 33:19

“Ta in atkayan,” maat it AMPUꞌANG DIYUS, “ipalteg kut imu i kabantugan ku. Ipasarimbay ku lamang asan it imu, dengan it getaꞌen ku i ega basta-bastang ngaran ku kat adapan mu. Ka aku, AMPUꞌANG DIYUS. Magsanguꞌ aku it in siyuy ireg ku nga sanguꞌan. Magꞌildaw aku gasiꞌ it in siyuy ireg ku nga ildawan.

Mga Panganin-anin 3:23

Aldaw-aldaw ipagpaꞌabut ya situt aten i kaꞌildaw ya ngaytu. Adat mu ngaytu nga maꞌildaw, AMPUꞌANG DIYUS, talagang ega magꞌugad-ugad.

Joel 2:13

Eeꞌ baꞌ, ega desang rasiken mi i pakayan mi nga maat tandaꞌ it kasmek, in daꞌga masmekan mi it kamatuudan i kasalaꞌan mi. Pasakep kamu siꞌ it AMPUꞌANG DIYUS mi, ka talagang masanguꞌ kanya baw subraꞌ nga maꞌildaw. Ega madali-daliꞌ kanya miseg baw ega magkaꞌugad-ugad i kararas yat imyu. Pirmi nga magꞌaꞌareg yay pasinsiya ya baw ega basta-basta manriga kanya.

Juan 1:17

Sabap ibinggay it Ampuꞌang Diyus i mga urdin ya duꞌut ki Moises nga ipiyagꞌurdin yat aten, temed iyan ildaw ya baw kamatuudan pasar it sadili ya, ipiyatantu yat aten duꞌun it ki Jesu-Cristo.

Roma 2:4

Barang tanud mi, mga taw kamu na nga pagsagyaan nga pirmi it Ampuꞌang Diyus sabap it kadakulat ildaw yat imyu, baw kapalulusan ya nga pagpataꞌnan ya lamang it kaꞌlay ngaytu i mga kasalaꞌan mi. Temed subuk ega pagꞌabutun it pikiran mi nga, buwat ya nga atkaytu, sana yay tumaban it imyu it magsinguliꞌ baw mangindiꞌ it muꞌsa ngaytung mga kasalaꞌan mi.

Santiago 5:11

Daꞌga baꞌ, pagꞌaaten ta nga magkasagya i magpaneꞌteꞌ kat pamayaꞌ ya? Siguru nagnegan mi na i pasar it paneꞌteꞌ ni Job baw kagayenan nga ipiyagꞌildaw it Ampuꞌang Diyus it kanya, iyan naꞌlay na nga paneꞌteꞌ ya ngayti. Ka Ampuꞌang Diyus, dakulaꞌ talagay pagmaꞌal baw ildaw ya.