Exodo 34:5 - Tagbanwa

⁵ Limnampud i AMPUꞌANG DIYUS kat seled siꞌ it kunum, duꞌun it siyagpawan it bukid ngayti, baw miyuwistuꞌ duꞌut umid ni Moises. Bawnga gintaꞌ yay ngaran ya nga AMPUꞌANG DIYUS.

Exodo 34:5 Iomraidhean Croise

Exodo 19:18

Talagang Bukid ngaytit Sinai, pagbubuꞌtungan nat tabuk ka limnampud nay AMPUꞌANG DIYUS duꞌun, nagpasbung kanya it apuy. Timnindeg nay tabuk nga subung nat tabuk it piyakadakulang duruk, baw bukid ngayti, magyegyeg nat atnang keseg.

Exodo 19:9

Maat siꞌ it AMPUꞌANG DIYUS it ki Moises, “Pakikita aku siꞌ it imu kat maꞌpal nga kunum isaꞌun magnegan it mga taw nga pagpakisugidan ku ikaw, isaꞌun teꞌteꞌ nga mamayaꞌ sira it imu.” Bawnga nakasugid na ni Moises duꞌut AMPUꞌANG DIYUS i inaat ngayti it mga taw.

Exodo 33:19

“Ta in atkayan,” maat it AMPUꞌANG DIYUS, “ipalteg kut imu i kabantugan ku. Ipasarimbay ku lamang asan it imu, dengan it getaꞌen ku i ega basta-bastang ngaran ku kat adapan mu. Ka aku, AMPUꞌANG DIYUS. Magsanguꞌ aku it in siyuy ireg ku nga sanguꞌan. Magꞌildaw aku gasiꞌ it in siyuy ireg ku nga ildawan.

Exodo 33:9

Basta yan duꞌun nat seled si Moises, magpasalu yan duꞌun manggid it salakwatan it Balay ngayti nga Papagsugi-sugidan i kunum ngayti nga subung it panindeg it arigi. Sikayti nay pagpakisugi-sugidan it AMPUꞌANG DIYUS it ki Moises.

Isaias 1:10

Mga pagbayaꞌen it Jerusalem, sang kamuwan it mga sinakepan mi, nga ipagpasbung nat Sodoma baw Gomorra, pagnegan mi i pagꞌampangen it AMPUꞌANG DIYUS tami. Pagnegan mit magayen i ipagꞌurdin ya ngaytut aten.

1 Samuel 3:18

Ta egay beken, itiyuturan na ni Samuel, ipiyuꞌsa yat tumuturan. Egay itiyaguꞌ ya. Pagkatupus it tuturan ya kaꞌampang si Eli, maat ya, “Ta it kanya i AMPUꞌANG DIYUS, masunud i kumpur kaꞌirgan ya.”