Exodo 34:16 - Tagbanwa

¹⁶ Baw gasiꞌ, in pakiꞌamigus kamu na, simpri makaꞌasawa nay mga anak mi nga lalaki it mga babay nira duꞌun. Ta baraꞌan kayan, mataban na sirat pakisamba in magsamba sira it pagbete-beteꞌen nirang mga diyus.”

Exodo 34:16 Iomraidhean Croise

Genesis 24:3

Ireg ku nga sumumpa ka, nga pagdedngegen it AMPUꞌANG DIYUS, kanya nga magbebegbeg it banwa may langit. Isumpa mu nga ega situt Canaan ngaytung pagtataꞌidan ta kayti i piliꞌan mut asawaen it anak ku nga si Isaac.

1 Mga Adiꞌ 11:1

Temed ta, dakel na nga mga babay nga taga belag nga bangsa i naꞌirgan ni Solomon ngayti nga inasawa ya. Puyra pat anak ngayti it adiꞌ it Egipto, nangasawa kanya it mga babay nga taga Moab, taga Edom, bawnga babay it mga Sidonio baw mga Heteo.

1 Mga Adiꞌ 21:25

Yay matuud, it pagsulsulan kanya ni Jezebel, pangtasan nang banar it buwat it karaꞌe-raꞌetan si Acab ngayti kat panleteg it AMPUꞌANG DIYUS.

Nehemias 10:30

Maat i ipiyagsurat nga sanggup namen, ‘Ega palugtan namen nga makaꞌasawa u asawaen i mga anak namen it mga anak it mga beken nga bangsa nga mamagtataꞌid kat rugar namen.

Nehemias 10:31

In tumaban i mga dayuꞌan it tirigu u maski unu nga paninda in Aldaw it Kapaꞌnaan u mga beken nga aldaw nga ipagpabetang nga ega basta-basta, daꞌkami malang it paninda nira ngaytu. Kada ikapitu nga taꞌun, ega luwakan namen i mga pagluwakan namen, baw puwasen na lamang i mga paꞌutang namen.

Mga Pagbayaꞌen 14:3

“Unuka duꞌun pay ireg mu nga pangasawaan it mga kadugu-duguꞌan it mga taw ngayting Filisteo nga ega seled kat urdin nga pagturiꞌ? Unu, ega nay mapiliꞌ mu nga asawaen situt aten nga kadugu-duguꞌan u mga kabanwa ta ngaytu?” maat i tubag it mga giyaringan ya ngayti. Katubag si Samson, maat ya, “Basta iti ireg ku nga asawaen.”