Exodo 32:9 - Tagbanwa

⁹ Kayti urut ku nay adat it mga taw ngayan baw kapiyasngel nira.

Exodo 32:9 Iomraidhean Croise

2 Mga Adiꞌ 17:14

Temed ega inintindi nira. Maꞌunu intindiyen nira, namagpasngel ga sira nga subung it mga kagiyaringanan nira nga ega na talaga simnarig baw magpamayaꞌ it AMPUꞌANG DIYUS nira.

Exodo 33:3

Paꞌaduꞌun kamu na it banwa ngayti nga sakyan i muꞌsa. Takaꞌ daꞌku nayan mangiba it imyu, ka mga lamwat kamu. Barang simikrab pay iseg ku it imyu, mapuuꞌ ku paꞌ kamu duꞌun it pagpanawan mi!”

Exodo 33:5

Atkayti i binwat nira sabap it inaat it AMPUꞌANG DIYUS it ki Moises, nga magꞌaat, “Isugid mu it mga Israelita ngayan nga in mangiba aku pat imyu, barang puuꞌun ku kamu nga lagi sabap it masyadung madedsen i ulu mi. Aypaꞌ iriꞌen mi nay mga rurug it bilug mi bawnga ukumanan ku kamu.”

Exodo 34:9

Bawnga miyampang kanya nga magꞌaat, “Agalen ku, in talagang pagsagyaan mu aku, ipagpasanguꞌ-sanguꞌ ku nga bayaꞌen mu kami, maski atkayan na nga kadsen it ulu it itung mga taw. Pasinsiyaen mu naga kami it mga karaꞌe-raꞌetan baw kasalaꞌan namen baw ipabetang mu kami nga mga piniliꞌ mu nga taawan.”

Mga Binwat 7:51

Ta kayti”, maat ni Esteban, “mararapar i aken. Ka talagang kadsen it ulu mi! Baw adat mit imyu, subung talaga it mga taw nga egay pagkilala it Ampuꞌang Diyus, ka pagpasngelan mi lamang i ampang ya. Pagkuntraꞌen mi nga pirmi i Espiritu Santo, subung nagat buwat it mga kagiyaringanan mi.

Deuteronomio 10:16

Aypaꞌ kayti, kaꞌilangan nga talagang masunud kamu it kanya. Indiꞌan mi nay adat mi ngayan nga kabalisuꞌut baw kapiyasngel.