Exodo 32:8 - Tagbanwa

⁸ Piyaswayan nira nga lagi i mga urdin ku. Minwat na sira it ipiyasbung it uꞌuybun it bakaꞌ nga bulawan i binwat. Iyan na i pagsambaen nira kayti baw pagꞌantengan it panalisi nga ipagsamba. Ka maat nira, ‘Waytu na i ladawan it Ampuꞌang Diyus tami nga nagpaliꞌwan it aten duꞌut Egipto.’

Exodo 32:8 Iomraidhean Croise

1 Mga Adiꞌ 12:28

Aypaꞌ ka, pagkapakirunding ya it mga katimbang ya, nagpatunaw kanya it bulawan nga buwaten nga ipasbung it uꞌuybun it bakaꞌ. Duway ipiyabwat ya. Bawnga maat ya it mga sinakepan ya, “Iyan ayaw kamu nat pasasaw it paJerusalem, ka waytu na, bangsa nga Israel, i mga ladawan it Ampuꞌang Diyus mi nga nagpaliꞌwan ngayan it imyu kat pagkaꞌuripen mi duꞌun it Egipto.”

Exodo 32:4

Pagkatanggap ni Aaron, binwat ya, tiyunaw ya na. Pagkatunaw, itinggis ya na duꞌun it urnuwan. Binwat ya nga ipiyasbung it uꞌuybun it bakaꞌ, bawnga piyalinuꞌ ya. Iyan nagayen-gayen ya na, maamaatan i kadakel ngayti, “Ta, waytu na i ladawan it Ampuꞌang Diyus tami, nga nagpaliꞌwan it aten duꞌut Egipto.”

Exodo 34:15

Iyan ayaw kamut pakiꞌamigus it mga datiyan nga taga duꞌun, ka madaran nira kamu it kumaꞌen it mga ipiyagsalisi nira in magsamba sira it pagbete-beteꞌen nira nga mga diyus.

Jeremias 31:32

Nga itu ngaytu nga pakiꞌupakat, ega na subung it pakiꞌupakat ku ngayti it mga kagiyaringanan nira, iyan ipiyaliꞌwan ku na sira kat pagkaꞌuripen nira duꞌun it Egipto. Ka tagnaꞌ ngayti nga ipiyakiꞌupakat ku, riyanggaꞌ nira maski namuyaan na niray kagayen it pangarigra ku it kanira, nga subung nat pangarigra it esang lalaki it pagraa-rarasan ya nga asawa.

Mga Pagbayaꞌen 2:17

Temed ta, ega naga pagpagnegan nira i mga pagbayaꞌen nira ngayti, ka inindiꞌan nira naga i AMPUꞌANG DIYUS baw ega na kat ulu nira i mga urdin ya nga pagsunudun it mga kagiyaringanan nira. Ka yanay riyaga nirang pagsambaen baw pagsirbiyan, pagbete-beteꞌen na nga mga diyus.