Exodo 32:7 - Tagbanwa

⁷ Ta, it atkayti na, maat it AMPUꞌANG DIYUS it ki Moises, “Uliꞌen mu kayti i mga Israelita nga kabilug mu ngayan nga ipiyaliꞌwan mu duꞌut Egipto. Kayting-kayti egay beken nga buwat nira, mamagparaꞌe-raꞌet na it sadili nira.

Exodo 32:7 Iomraidhean Croise

2 Cronica 27:2

Muꞌsang mga binwat it adiꞌ nga si Joatam, purus magayen kat panleteg it AMPUꞌANG DIYUS. Giyuru ya naga i mga magayen nga binwat it amaꞌ ya ngayti nga si Uzias. Iti nga ipiyagkasalaꞌan it amaꞌ ya nga siminled duꞌun it Templo nga salyaen it muwat i buwat it sasirduti, ega talaga siyalya ni Joatam it muwat. Salaꞌ lamang, pasigi paꞌ i maraꞌe-raꞌet nga pagbuwaten it mga taw nga magsamba sira it mga pagbete-beteꞌen nga diyus.

Exodo 32:1

Temed ta, it nakakaꞌlay si Moises duꞌut siyagpawan it bukid ngayti, binwat it mga Israelita, naꞌaduꞌun sira it ki Aaron, ka maat nira, “Muwat ka it mga ladawan it Ampuꞌang Diyus nga manguꞌna it aten nga ganti ni Moises, ka egaytu magkaꞌrutan tami in naꞌunu naytu si Moises ngaytu nga nagpaliꞌwan ngaytut aten duꞌut Egipto.”

Exodo 32:11

Temed nagpasanguꞌ-sanguꞌ si Moises duꞌun it Ampuꞌang Diyus ya. “AMPUꞌANG DIYUS,” maat ya, “ayaw beteꞌ, ega isgan mu i mga taawan mu ngaytu, sira nga ipiyaliꞌwan mu duꞌut Egipto kat keseg it guna mu.

Exodo 32:4

Pagkatanggap ni Aaron, binwat ya, tiyunaw ya na. Pagkatunaw, itinggis ya na duꞌun it urnuwan. Binwat ya nga ipiyasbung it uꞌuybun it bakaꞌ, bawnga piyalinuꞌ ya. Iyan nagayen-gayen ya na, maamaatan i kadakel ngayti, “Ta, waytu na i ladawan it Ampuꞌang Diyus tami, nga nagpaliꞌwan it aten duꞌut Egipto.”

Exodo 33:1

Inaat siꞌ it AMPUꞌANG DIYUS si Moises. Maat ya, “Tananan mi nay itung rugar, ikaw baw mga taw ngayan nga ipiyaliꞌwan mu duꞌut Egipto. Paꞌaduꞌun kamu na it banwa nga isiyanggup ku it ki Abraham, ki Isaac baw ki Jacob. Isiyanggup kut kanira nga ibgay ku it mga tungtung-inapuꞌ nira.

Isaias 1:4

Abaa, subraꞌ nga mabeꞌgat i magꞌaꞌareg it imyu, bangsa nga makasalaꞌan, nga ubas nang ubas it karaꞌe-raꞌetan. Masusutil kamu nga magpanrayak gasiꞌ it masigkataw duꞌun it karaꞌe-raꞌetan. Inindiꞌan mi na i AMPUꞌANG DIYUS. Tinibabaꞌ mi na i ega basta-basta nga AMPUꞌANG DIYUS it bangsa mi nga Israel. Baw talagang inindiꞌan mi na it indiꞌ it kiyaꞌnan.

Mga Pagbayaꞌen 2:19

Temed basta yan natay i pagbayaꞌen nira ngayti, buwaten it mga Israelita, paꞌuliꞌan nira siꞌ i pagsambaen nira ngayti nga pagbete-beteꞌen nga mga diyus. Subraꞌ paꞌ it karaꞌe-raꞌetan it mga kagiyaringanan nira i kanira nga mga pagbuwaten. Talagang namagpategas sira nga ega indiꞌan nira i karaꞌe-raꞌetan nira ngayti.