Exodo 32:4 - Tagbanwa

⁴ Pagkatanggap ni Aaron, binwat ya, tiyunaw ya na. Pagkatunaw, itinggis ya na duꞌun it urnuwan. Binwat ya nga ipiyasbung it uꞌuybun it bakaꞌ, bawnga piyalinuꞌ ya. Iyan nagayen-gayen ya na, maamaatan i kadakel ngayti, “Ta, waytu na i ladawan it Ampuꞌang Diyus tami, nga nagpaliꞌwan it aten duꞌut Egipto.”

Exodo 32:4 Iomraidhean Croise

1 Mga Adiꞌ 12:28

Aypaꞌ ka, pagkapakirunding ya it mga katimbang ya, nagpatunaw kanya it bulawan nga buwaten nga ipasbung it uꞌuybun it bakaꞌ. Duway ipiyabwat ya. Bawnga maat ya it mga sinakepan ya, “Iyan ayaw kamu nat pasasaw it paJerusalem, ka waytu na, bangsa nga Israel, i mga ladawan it Ampuꞌang Diyus mi nga nagpaliꞌwan ngayan it imyu kat pagkaꞌuripen mi duꞌun it Egipto.”

1 Mga Adiꞌ 12:32

Bawnga ipiyapanaw yay esang pistaꞌ nga subung it pamistaꞌ it taga Juda. Temed ipiyagꞌurdin ya nga kalubukan it ikawalung bulan i ipagpistaꞌ duꞌut kanira ngayti. Baw nangaas kanya muwat it buwaten lamang it sasirduti, ka duꞌut Betel ngayti nagꞌimatay kanya it ramu-ramu nga ipagsamba duꞌun it mga binwat ya ngayti nga ipiyasbung it uꞌuybun it bakaꞌ. Duꞌun gasit Betel ngayti, kada binwat ya nga papagsambaan duꞌun it kamumungsuꞌan, dinistinuwan ya it esang sasirduti ngayti nga riyumraan ya nga manigsirbi duꞌun.

Exodo 20:2

“Aku i AMPUꞌANG DIYUS mi, nga nagpaliꞌwan it imyu duꞌun it Egipto baw duꞌun it pagkaꞌuripen mi.

Exodo 20:4

Kuydaw ka it buwat it ladawan nga sambaen mu nga subung it ladawan it maski unu nga kat langit, kat banwa baw kat danum.

Exodo 32:1

Temed ta, it nakakaꞌlay si Moises duꞌut siyagpawan it bukid ngayti, binwat it mga Israelita, naꞌaduꞌun sira it ki Aaron, ka maat nira, “Muwat ka it mga ladawan it Ampuꞌang Diyus nga manguꞌna it aten nga ganti ni Moises, ka egaytu magkaꞌrutan tami in naꞌunu naytu si Moises ngaytu nga nagpaliꞌwan ngaytut aten duꞌut Egipto.”

Exodo 32:24

Aypaꞌ ka maat kut kanira nga in siyu may siyu i may bulawan nga rurug it bilug, awaꞌen na ka tabanen situt aken. Ta pagkatanggap ku, itiyalpak ku duꞌut apuy, baraꞌan ya, yanayan, subung ngayat baka-bakaꞌ.”

Exodo 32:3

Ta, atkayti nga matuud i binwat nira.

Exodo 32:35

Ta miyabut nga matuud i panriga ngayti, ka piyasarut it AMPUꞌANG DIYUS i mga katataawan sabap it ipiyabwat nira ngayti it ki Aaron nga ipiyasbung it uꞌuybun it bakaꞌ nga siyamba nira.

Exodo 32:5

Pagkamuya ni Aaron nga nasagyaan it kadakel i binwat ya ngayti, nagbuwat kanya it papangantengan duꞌun it sarungaan it bakaꞌ ngayti. Bawnga inaat ya i kadakel, “Dedelem pistaꞌan tami i AMPUꞌANG DIYUS.”

Exodo 32:7

Ta, it atkayti na, maat it AMPUꞌANG DIYUS it ki Moises, “Uliꞌen mu kayti i mga Israelita nga kabilug mu ngayan nga ipiyaliꞌwan mu duꞌut Egipto. Kayting-kayti egay beken nga buwat nira, mamagparaꞌe-raꞌet na it sadili nira.

Exodo 32:8

Piyaswayan nira nga lagi i mga urdin ku. Minwat na sira it ipiyasbung it uꞌuybun it bakaꞌ nga bulawan i binwat. Iyan na i pagsambaen nira kayti baw pagꞌantengan it panalisi nga ipagsamba. Ka maat nira, ‘Waytu na i ladawan it Ampuꞌang Diyus tami nga nagpaliꞌwan it aten duꞌut Egipto.’

Mga Binwat 17:29

Ta, it kita, subuk ipiyanganak it Ampuꞌang Diyus, dapat nga ega pikiren ta nga subung kanya lamang it tiyaw-taw nga bulawan u pirak nga binwat u batu nga piyarparan. Ka mga ladawan ngaytu, uyun lamang kat kakayaan baw kiyaꞌrutat taw.

Mga Binwat 7:41

Ta egay beken, namagbuwat na sirat ladawan nga ipiyasbung nira it uꞌuybut bakaꞌ. Pagkaꞌman, namagꞌanteng na sirat ipagpasalamat duꞌun it ladawan ngayti, langkuy it namagkasagyaan na, ka pagsagyaan nira talaga i binwat nira ngayti nga ladawan.

1 Corinto 10:7

Kamu gasiꞌ, paꞌalaidan mi i pagsamba it mga pagbete-beteꞌen nga diyus, nga yay kasalaꞌan it beken nga mga taawan ngaytit Ampuꞌang Diyus it tagnaꞌ. Ka magbebtang duꞌun it kasuratan nga, kat pagsamba nirat pagbete-beteꞌen nga diyus nira, “Nagkaraꞌnen-karaꞌnen i mga taw baw namagꞌinum-inum, langkuy it nagkasagyaan sirat maraꞌway nga pagkasagyaan.”