Exodo 32:25 - Tagbanwa

²⁵ Namuyaan ni Moises nga, mga taw ngayti, talagang pagsariyen na nira it sumbayaꞌ i muꞌsang mararaꞌway nga kaꞌirgan nira, beken it piyalugtan na ngayti ni Aaron, ega piyaar ya, aypaꞌ sudi-sudiyen naytu sira it mga bangsa nga kalaban nira.

Exodo 32:25 Iomraidhean Croise

Genesis 3:10

Timnubag i lalaki ngayti, maat ya, “Nabatiꞌan ku bayay panaw mu ngayan situt kalulwakan ngaytu. Nagpatataguꞌ aku ka magꞌiꞌlam akut imu ka maglelbas aku.”

1 Mga Adiꞌ 12:28

Aypaꞌ ka, pagkapakirunding ya it mga katimbang ya, nagpatunaw kanya it bulawan nga buwaten nga ipasbung it uꞌuybun it bakaꞌ. Duway ipiyabwat ya. Bawnga maat ya it mga sinakepan ya, “Iyan ayaw kamu nat pasasaw it paJerusalem, ka waytu na, bangsa nga Israel, i mga ladawan it Ampuꞌang Diyus mi nga nagpaliꞌwan ngayan it imyu kat pagkaꞌuripen mi duꞌun it Egipto.”

Exodo 32:26

Aypaꞌ binwat ni Moises, timnindeg kanya duꞌut salakwaten it pagbabalay-balayan nira ngayti baw nanggesang-gesang, nga maat ya, “Melep sinit aken i muꞌsa nga kampiꞌ paꞌ it AMPUꞌANG DIYUS!” Minlep nga muꞌsa duꞌut kanya i mga Levita nga mga tungtung-inapuꞌ ni Levi.

Roma 6:21

Temed ta, unuy napulus mi it iti nga mga bagay nga pagbuwaten mi katꞌesa it pagꞌeyaꞌan mi naga kayti? Ka yay matuud, uliꞌan-uliꞌan ya kaytu, kamataynen.

Mga Ipiyalteg 16:15

“Pagneg kamu!” maat it Ampuꞌan nga si Jesu-Cristo. “Talagang manluꞌsut aku kat uras nga ega magkaꞌru-kaꞌrutan mi, nga subung it buwat it mananakaw. Aypaꞌ magkasagya i subuk magsusulag ka pagpaꞌbutun yay agalen ya. Baw ega paglelbasen yay pakayan ya isaꞌun, in mabut na, ega maglelbas baw kaꞌeyaꞌ-eyaꞌ nga sumusmu kanya.”