Exodo 32:22 - Tagbanwa

²² Katubag si Aaron, maat ya, “Ayaw ka daꞌat iseg it aken, Agalen ku, ka urut mu nay adat it itung mga taw. Talagang marway sira muwat it karaꞌe-raꞌetan.

Exodo 32:22 Iomraidhean Croise

Genesis 44:18

Iyan atnakayti, nagpatpad nga banar si Juda duꞌut ki Jose baw maat ya, “Tabing galang it imu, wayni kat sagpaw it ampupuru ku, esang kagalang-galang nga mataꞌas nga subung it adiꞌ. Sana ega naga dalaꞌan muy ampangen ku ngaytu.

Exodo 14:11

Baw ta, si Moises na ngayti, tiyemek-temek nira nga magꞌaat, “Salaꞌ muytu! Unu, ega nay malbengan it amen duꞌut Egipto, aypaꞌ ka tiyaban mu na kami situt kapupuyangtan ngaytung rugar, nga sikaytu nay patayan nameng muꞌsa? Ta letganan mu kaytu! In daꞌkami paꞌ riniwak-riwak mu duꞌun it Egipto, ega atkaytuy mabetangan namen.

Exodo 15:24

Ta it atkayti, siyarasa it mga Israelita ngayti si Moises. Maat nira, “Ta unu naytuy imnun namen kaytu?”

Exodo 16:20

Temed iyan beken, ega namayaꞌ it ki Moises ka may ipiyaꞌped nira naga. Takaꞌ pagꞌeyag, inlud i ipiyaꞌped nira ngayti baw miyauꞌ na. Aypaꞌ ka miniseg si Moises it kanira.

Exodo 16:28

Ta it atkayti siꞌ, maat siꞌ it AMPUꞌANG DIYUS it ki Moises, “Seked it kaꞌnu baytu i pasngel mi it mga urdin ku ngaytu?

Exodo 32:1

Temed ta, it nakakaꞌlay si Moises duꞌut siyagpawan it bukid ngayti, binwat it mga Israelita, naꞌaduꞌun sira it ki Aaron, ka maat nira, “Muwat ka it mga ladawan it Ampuꞌang Diyus nga manguꞌna it aten nga ganti ni Moises, ka egaytu magkaꞌrutan tami in naꞌunu naytu si Moises ngaytu nga nagpaliꞌwan ngaytut aten duꞌut Egipto.”

Exodo 32:21

Bawnga siyarunga ya si Aaron ngayti. Maat ya, “Munut mga taw ngaytu ka siyumbayaꞌ mu? Daꞌga ipiyakursud mu na sira it mabeꞌgat ngaytu nga kasalaꞌan?”

1 Samuel 15:15

Maat i tubag ni Saul, “Mga rangpasan nira yan duꞌut mga Amalecita, ka buwat it mga taawan ku, pinsiꞌ i kumpur magagayeng mga tupa baw mga bakaꞌ ka buwateng isamba duꞌun it AMPUꞌANG DIYUS mu. Iyan ega nay mapulus, piyangimatay namen na, baw itiyuduꞌ namen naga duꞌun.”

1 Samuel 15:21

Sabagay piniliꞌ it mga taawan ku i piyakamagayen nga mga tupa baw mga bakaꞌ, ega ipiyaꞌuyut nirat mimatay it beken ngayting piyangimatay nira. Temed binwat niray atkayan ka tabanen nira duꞌun it Gilgal, ka buwaten nga isamba duꞌun it Ampuꞌang Diyus mu.”

1 Samuel 15:24

Pagkagneg ni Saul kayti, maat ya, “Matuud na. Nagkasalaꞌan aku na. Ka ega nga matuud siyunud ku i ipiyagꞌurdin it AMPUꞌANG DIYUS baw iyan nga mga itinggun mut aken. Nabwat ku bay atkaytu ka miniꞌlam akut mga taawan ku, aypaꞌ siyunud ku na i kaꞌirgan nira.