Exodo 32:1 - Tagbanwa

¹ Temed ta, it nakakaꞌlay si Moises duꞌut siyagpawan it bukid ngayti, binwat it mga Israelita, naꞌaduꞌun sira it ki Aaron, ka maat nira, “Muwat ka it mga ladawan it Ampuꞌang Diyus nga manguꞌna it aten nga ganti ni Moises, ka egaytu magkaꞌrutan tami in naꞌunu naytu si Moises ngaytu nga nagpaliꞌwan ngaytut aten duꞌut Egipto.”

Exodo 32:1 Iomraidhean Croise

Genesis 19:14

Pagkagneg ni Lot kayti, nanliꞌwan kanya nga lagi. Inaduꞌun yay mga kamiyagadan ya nga mga asawa it mga anak ya nga babay. Maat yat kanira, “Dali-daliꞌen mi. Limꞌid tami situ kaytung rugar sabap ranggaꞌen naytu it AMPUꞌANG DIYUS!” Temed ega piyamayaꞌ kanya it mga kamiyagadan ya, ka tanu-tanud nira maglugud-lugud lamang kanya.

Genesis 39:8

“Aa bilaꞌ,” maat ni Jose, “ayaw kat ampang it atkayan. Iyan agalen ku, ega nay pagpasasawan ya nga maski unu ka ipiyabaalaꞌ ya nat aken i muꞌsa ya.

Genesis 44:15

Miyampang si Jose, maat ya, “Unuytuy binwat mi ngaytung atkaytu? Siguru ega magkaꞌrutan mi nga taw nga subuk aken ngaytu, may kiyaꞌrutan nga mamimintuꞌ, aypaꞌ ega nataguꞌ it aken i binwat mi ngaytu.”

Genesis 44:4

Temed daꞌsira paꞌ nakaꞌalaid duꞌut siyudad ngayti, ipiyagtaꞌeg ni Jose it sarig-sarigan ya ngayti, nga maat ya, “Usigen muy mga taw ngayan nga gimnaring situt aten. In maꞌbutan mu na, aaten mu sira, ‘Unuka atkayan i itiyumbas mi it kagayen namen nga ipiyalteg namen it imyu?

Exodo 13:21

Talagang sira ngayti nga mamagpanaw, pagtatarimaen it AMPUꞌANG DIYUS it delemen, aldawun. Kamatuudan, in aldawun, may subuk kunum nga magtitindeg duꞌut uꞌnaan nira nga yanayti i pagbayaꞌen nira. Ta in delemen, subung siꞌ it apuy i magtitindeg ngayti nga yanayti i piyakatidaw nira.

Exodo 14:11

Baw ta, si Moises na ngayti, tiyemek-temek nira nga magꞌaat, “Salaꞌ muytu! Unu, ega nay malbengan it amen duꞌut Egipto, aypaꞌ ka tiyaban mu na kami situt kapupuyangtan ngaytung rugar, nga sikaytu nay patayan nameng muꞌsa? Ta letganan mu kaytu! In daꞌkami paꞌ riniwak-riwak mu duꞌun it Egipto, ega atkaytuy mabetangan namen.

Exodo 16:3

Magꞌaat siꞌ nira, “Magayen paꞌ talaga in inimatay kami na lamang it AMPUꞌANG DIYUS duꞌun it Egipto. Ka duꞌun, pagsekdan namen i pagsedaꞌ baw maski unu nga pangaꞌen. Takaꞌ in situt itung rugar nga tiyabanan mi it amen, baraꞌan ya kaytu pamuyangten kami nang muꞌsa!”

Exodo 24:12

Inaat siꞌ it AMPUꞌANG DIYUS it ki Moises, “Tumungul ka siꞌ situt bukid ngaytu, kakaꞌla-kaꞌlay ka yan sinit aken. Ibgay ku it imu i daku-dakulang dapiꞌpis nga batu nga siyuratan ku it mga urdin ku nga itulduꞌ mu it mga taw.”

Exodo 24:18

Pagtungul ni Moises, siyakep na kanya it kunum ngayti. Epat nga pulung aldaw baw delem i kaꞌlay ya duꞌun.

Exodo 32:11

Temed nagpasanguꞌ-sanguꞌ si Moises duꞌun it Ampuꞌang Diyus ya. “AMPUꞌANG DIYUS,” maat ya, “ayaw beteꞌ, ega isgan mu i mga taawan mu ngaytu, sira nga ipiyaliꞌwan mu duꞌut Egipto kat keseg it guna mu.

Exodo 32:22

Katubag si Aaron, maat ya, “Ayaw ka daꞌat iseg it aken, Agalen ku, ka urut mu nay adat it itung mga taw. Talagang marway sira muwat it karaꞌe-raꞌetan.

Exodo 32:23

Ka maat nira it aken, ‘Muwat ka it mga ladawan it Ampuꞌang Diyus nga manguꞌnat aten nga ganti ni Moises, ka egaytu magkaꞌrutan tami in naꞌunu naytu si Moises ngaytu nga nagpaliꞌwan ngaytut aten duꞌut Egipto.’

Exodo 32:7

Ta, it atkayti na, maat it AMPUꞌANG DIYUS it ki Moises, “Uliꞌen mu kayti i mga Israelita nga kabilug mu ngayan nga ipiyaliꞌwan mu duꞌut Egipto. Kayting-kayti egay beken nga buwat nira, mamagparaꞌe-raꞌet na it sadili nira.

Exodo 33:3

Paꞌaduꞌun kamu na it banwa ngayti nga sakyan i muꞌsa. Takaꞌ daꞌku nayan mangiba it imyu, ka mga lamwat kamu. Barang simikrab pay iseg ku it imyu, mapuuꞌ ku paꞌ kamu duꞌun it pagpanawan mi!”

Mateo 24:43

Dedemdemen mi tu. In beteꞌ magkaꞌrutan lamang it tagbalay in unung uras it delem mabut i mananakaw, simpri sipiꞌan ya. Ega yan pataꞌnan ya na lamang nga masled i balay ya.

Mateo 24:48

Temed in beteꞌ maraꞌe-raꞌet i adat it uripen ngayti, yay kat nakem ya, ‘Siguru maꞌlay baytuy iꞌuliꞌ it agalen ku ngaytu.’

Mga Binwat 17:29

Ta, it kita, subuk ipiyanganak it Ampuꞌang Diyus, dapat nga ega pikiren ta nga subung kanya lamang it tiyaw-taw nga bulawan u pirak nga binwat u batu nga piyarparan. Ka mga ladawan ngaytu, uyun lamang kat kakayaan baw kiyaꞌrutat taw.

Mga Binwat 19:26

Temed, kayti, magkamuyaan baw magkabaritaꞌan mi na in unu may unu i pagbuwaten it taw ngaytung pagpangaranat ki Pablo. Pagꞌaaten ya nga ega talagay kakapulusan it pagsamba tamit mga diyus nga binwat it taw. Dakel na talagay napapamayaꞌ ya baw nakumbinyu ya, it ega lamang situt Efeso ngaytu, in daꞌga agen-agen it lemkep naytut muꞌsang Asia.

Mga Binwat 7:40

Aypaꞌ ka inupakat nira si Aaron, nga maat nira, ‘Muwat ka it mga ladawan it Ampuꞌang Diyus, nga yay manguꞌnat aten nga ganti ni Moises, ka egaytu magkaꞌrutan tami in naꞌunu naytu si Moises ngaytu nga nagpaliꞌwan it aten duꞌut Egipto.’

Deuteronomio 31:8

AMPUꞌANG DIYUS mismu i magpanguꞌna it imu, baw talagang pagtatarimaen ya ikaw nga pirmi. Daꞌka pablagan u tananan ya. Aypaꞌ ayaw ka it iꞌlam baw panlubay.”

Josue 7:13

Sigi, timindeg ka na, ka aaten muy kadakel nga ipasiguru nira i sadili nira duꞌun it aken, ka madap sirat aken dedelem. Sabap ituytu i ipagsugid kut kanira kayti, aku nga AMPUꞌANG DIYUS it bangsa mi nga Israel. May esat imyu nga timnaguꞌ it mga bagay nga ipiyagꞌaat ku ngayan nga panyaꞌ. Yay matuud, daꞌkamu mandaꞌeg it mga kalaban mi mintras ega yan naꞌawaꞌ situt imyu i panyaꞌ ngayang mga bagay.

2 Pedro 3:4

Ka maat yan i aaten nira, “Daꞌga baꞌ sanggup ni Cristo nga paꞌuliꞌ naga kanya? Ta ari na, ka daꞌga paꞌ kayti? Magkaꞌubus nat matay i mga giyaringan tami, temed ungaytu ega pay kanya. Talagang ega bay piyagbelagan, ka isan bat magpanunsun nagay muꞌsa it pabetang-betang it banwa garing it pagguna.”