Exodo 30:8 - Tagbanwa

⁸ Atkayan nagay buwaten ya in delem na, pagpagket it mga tidaw, manteng siꞌ it kamangyan. Kaꞌilangan nga aldaw-aldaw seked it magtungtung-magꞌinapuꞌ, atkaytu nay pagbuwaten nga may antengen nga kamangyan duꞌun it adapan it AMPUꞌANG DIYUS.

Exodo 30:8 Iomraidhean Croise

2 Cronica 26:18

Pagꞌabut nira, siyulang-sulang nira nga magꞌaat, “Uzias, ega mapakay nga buwaten mu yan i magꞌanteng ngayan it kamangyan duꞌun it AMPUꞌANG DIYUS. Ka daꞌga baꞌ mga tungtung-inapuꞌ lamang ni Aaron i ipiyasiguru kat iyan nga buwaten? Aypaꞌ kaꞌilangan limiꞌwan ka. Kasalaꞌan mu yan i iyan nga binwat mu. Talagang ega yan masagyaan it AMPUꞌANG DIYUS.”

Exodo 12:6

Arigraen mi nat magayen seked it ikasang puluꞌ may epat nga aldaw it bulan ngaytu. Bawnga in magsedep nay aldaw it iti nga aldaw, imatayen na sira it kadakel it mga Israelita.

Exodo 27:21

Puwistuꞌ it mga tidaw ngaytu, duꞌun it sangbat ngayan nga seled nga ayun kat liꞌwan it kurtinaꞌ ngayan nga magbabagiꞌ it seled, temed patuꞌ naga it paglilingben nga Kaban it Pakiꞌupakat. Si Aaron baw mga anak ya nga lalaki i magꞌarigra it mga tidaw ngaytu. Kada apu-apun, pagketan na, baw parngen mana in aldaw. Kaꞌilangan, maglinag it susgu duꞌut adapan it AMPUꞌANG DIYUS. Itung urdin, kaꞌilangan nga sunudun it mga Israelita seked it magtungtung-magꞌinapuꞌ.”

Exodo 30:7

Maat pay beken nga ipiyagꞌurdin it AMPUꞌANG DIYUS, “Kada kadedelman, manteng si Aaron it kamangyan duꞌun in arigraen yay mga tidaw.

Exodo 30:9

Ayaw kamut anteng duꞌun it itung papangantengan it kamangyan nga belag kat ipiyagꞌaat ku. Ega antengan mi it belag nga bagay in daꞌga kamangyan lamang.

Roma 8:34

Aypaꞌ talagang ega na mapakay nga betanganan tami paꞌ it ukuman it maski siyu duꞌun it adapan it Ampuꞌang Diyus. Ka ipiyaturuꞌ ni Cristo Jesus i duguꞌ ya sabap it kasalaꞌan tami. Baw ega lamang iyan in daꞌga inggen kanyat paꞌuliꞌ, nga binggayan na kanyat ega basta-bastang kabantugan duꞌun it iwanang ayun it Ampuꞌang Diyus. Baw kayti pirmi ya kitang pagpanindegan duꞌun.

1 Tesalonica 5:17

baw mapiyanalangin kamu gasiꞌ nga pirmi.

Hebreo 7:25

Aypaꞌ, sabap it muꞌsa ngaytu, kayang-kaya ya nga iribri it kaꞌustuꞌang karibriyan i muꞌsa nga, kat keseg it pamayaꞌ nirat binwat ya, magpasakep duꞌut Ampuꞌang Diyus. Magkapanindegan ya sirang pirmi ka egen kanya it egay kaskedan.

Hebreo 9:24

Sabap, si Cristo, ega maat duꞌun i sinledan ya it Ega Basta-bastang Seled it Templo ngayti situt banwa, nga taw lamang i minwat baw ladawan lamang it matuud nga papagsambaan, in daꞌga talagang langit i sinledan ya. Ta kayti, duꞌun na kanyat adapan it Ampuꞌang Diyus, magpanindeg it aten.