Exodo 30:7 - Tagbanwa

⁷ Maat pay beken nga ipiyagꞌurdin it AMPUꞌANG DIYUS, “Kada kadedelman, manteng si Aaron it kamangyan duꞌun in arigraen yay mga tidaw.

Exodo 30:7 Iomraidhean Croise

2 Cronica 26:18

Pagꞌabut nira, siyulang-sulang nira nga magꞌaat, “Uzias, ega mapakay nga buwaten mu yan i magꞌanteng ngayan it kamangyan duꞌun it AMPUꞌANG DIYUS. Ka daꞌga baꞌ mga tungtung-inapuꞌ lamang ni Aaron i ipiyasiguru kat iyan nga buwaten? Aypaꞌ kaꞌilangan limiꞌwan ka. Kasalaꞌan mu yan i iyan nga binwat mu. Talagang ega yan masagyaan it AMPUꞌANG DIYUS.”

2 Cronica 29:7

Iyan mga salakwatan nga pagseldan, isiyari na nira it siradu. Kaꞌlay ngaytu, ega na pagpagketan nira i mga titidawan duꞌun it seled, baw ega na magꞌanteng sira it kamangyan. Baw ega na gasiꞌ magpamgay sira duꞌun it Ampuꞌang Diyus it bangsa nga Israel it mga pagꞌantengen nga ipagsamba duꞌun it Ega Basta-bastang Seled.

Exodo 30:8

Atkayan nagay buwaten ya in delem na, pagpagket it mga tidaw, manteng siꞌ it kamangyan. Kaꞌilangan nga aldaw-aldaw seked it magtungtung-magꞌinapuꞌ, atkaytu nay pagbuwaten nga may antengen nga kamangyan duꞌun it adapan it AMPUꞌANG DIYUS.

Lucas 1:9

Ta, it kaꞌugaliꞌan it mga sasirduti nga magpintuꞌan in siyuy manteng it kamangyan, si Zacarias ngayti i napintuꞌ. Aypaꞌ ka siminled na kanya duꞌun it esang seled it Templo nga duꞌun i papangantengan it kamangyan ngayti.

Mga Binwat 6:4

Ka kami ngaytu, iyan i dakulaꞌ nga pagsarungaen namen, magpanalangin baw magpanulduꞌ na ngaytut ampang it Ampuꞌang Diyus.”

1 Samuel 3:3

Si Samuel ngayti, magꞌigaꞌ na gasiꞌ. Kanyang pagꞌigaꞌan, ayun duꞌun it Kaban it Pakiꞌupakat ka yanayti duꞌun na ngayti kanya it Balay ngayti nga Papagsambaan. Ta, it delemen paꞌ, nga siging susgu it tidaw duꞌut patuꞌ it Kaban ngaytit Pakiꞌupakat,