Exodo 3:8 - Tagbanwa

⁸ Aypaꞌ nanlampud aku ka iribri ku sira kat alima it mga taga Egipto. Ipaliꞌwan ku sira duꞌun it banwa ngayti bawnga iduꞌlung ku sira duꞌun it banwa nga malayaw baw magayeng lugtaꞌ, baw bastanti i muꞌsang bagay. Ituy banwa it mga Cananeo, Heteo, Amorreo, Perezeo, Heveo baw Jebuseo.

Exodo 3:8 Iomraidhean Croise

Genesis 11:5

Temed nanlampud i AMPUꞌANG DIYUS nga subuk nanleteg it lansangan baw pagpaꞌabwatayen ngayting balay nga pagbuwaten nira.

Genesis 11:7

Magayen aduꞌunun ta na sira ka belag-belagen i ampang nira, isaꞌun daꞌsira na magsepse-sepsepen it pagꞌaaten.”

Genesis 15:13

Bawnga piyakisugidan siꞌ kanya it AMPUꞌANG DIYUS. Maat i inaat ya, “Ituy kamatuudan, mga tungtung-inapuꞌ mu, manumpang sira duꞌut banwat beken. Ega lamang desang manumpang, magsirbi gasiꞌ sira ka uripnen duꞌun. Talagang ipabetang sira it makuriꞌ, seledat epat nga gatus nga taꞌun.

Genesis 15:14

Temed iyan banwa ngayang muripen it kanira, talagang rigaen ku. Garing sikayan makaliꞌwan na sira. Limiꞌwan sirat may dakulang kamanggadan.

Genesis 18:21

Kayti paꞌaduꞌun aku ka letganan ku i muꞌsa ngaytu, in unuy kamatuudan it magꞌabut ngaytu duꞌut aken.”

Genesis 43:11

“Ayta,” maat ni Israel ngayti nga amaꞌ nira. “Ta it atkayan na, ka ega nay beken nga mabwat, magayen atkaytuy buwaten mi. Kaꞌilangan tumaban kamu it magagayeng bagay nga garing situ, nga ibgay mi it magpamaalaꞌ ngayting taw. Tumaban kamu it maski dekeyeng mabanglu nga balsamo, deges, mga babangluun baw mabanglu nga panraragiꞌ, mira, baw buwat kayu nga alponsigo baw almendro.

Genesis 46:4

Ibaan ta yan kamu it paꞌaduꞌun baw ipapaꞌuliꞌ ku naga yan kamu situ. Baw in matay ka na, si Jose naga i mamaalaꞌ it panlebeng it imu.”

Genesis 50:24

Iyan atnakayti i kagurang ni Jose, maat yat mga sulsug ya ngayti, “Siguru daꞌku naytu paꞌlayen situt banwa. Temed maski na, ayaw kamut kasusa ka tarimaen kamu naga it Ampuꞌang Diyus, baw paꞌuliꞌen kamu naga duꞌut banwa nga isiyanggup it Ampuꞌang Diyus it mga apuꞌ ta nga si Abraham baw si Isaac, atnagay amaꞌ ta ngaytu nga si Jacob.”

Exodo 12:51

Kat iti nagang aldaw, ipiyaliꞌwan it AMPUꞌANG DIYUS i mga Israelita duꞌun it Egipto.

Exodo 3:17

Baw isiyanggup ku na nga ipaliꞌwan ku sira kat bangsa nga magpakuriꞌ it kanira. Tabanen ku sira duꞌun it malayaw nga banwa, nga magayen i lugtaꞌ baw bastanti i ipagkaꞌgen, nga banwa it mga Cananeo, Heteo, Amorreo, Perezeo, Heveo baw mga Jebuseo.

Exodo 34:11

Ta kamu, kaꞌilangan sunudun mi i mga urdin ku ngaytu. Imugawun ku i mga Amorreo, mga Cananeo, mga Heteo, mga Perezeo, mga Heveo baw mga Jebuseo duꞌut aduꞌunan mi ngayti.

Exodo 5:23

Naꞌaduꞌun aku na it adiꞌ baw isiyugid kuy kumpur ipiyagꞌaat mu. Ta unupat gimnaring sikayan, subraꞌ na nga pagꞌigpitan yay mga taw ngaytu. Baw subung it ega nagay binwat mu nga tabang mu it kanira.”

Mga Bilang 13:18

Tili-tiliyen mit magayen i rugar ngayan. Leteg-letegan mi in makekseg u malulubay i mga taw ya, baw in dadaklan u ega.

Mga Bilang 13:19

Leteg-letegan mi gasiꞌ in maꞌunu nga kalasit rugar, in magayen u daꞌga i lugtaꞌ ya, baw in maꞌuꞌunu i mga kababalayan ya, in may mapapaꞌgen nga kutaꞌ it mga siyudad ya u ega.

Mga Bilang 13:27

Maat i tuturan nira, “Talagang inabut namen i banwa ngayting piyasundaan mit amen. Magayen talaga i iting banwa. Sakyan i muꞌsang bagay duꞌun. Kamatuudan, ungaytu gay kagagayen it buwaꞌ ngaytu nga duꞌun naytuy garing.

Juan 3:13

Egay magkaꞌrut in magꞌuꞌunu i duꞌut langit sabap egay nakaꞌbut duꞌun nga pakaꞌrut. Temed aku nga Taga Langit nga Ipiyanganak it Taw i magkaꞌrut ka, duꞌun i giyaringan ku.

Juan 6:38

Sabap nanlampud aku nga garing duꞌut langit, ega enged ku, buwaten ku i sadili ku nga kaꞌirgan, in daꞌga iyan kaꞌirgan it nagtaꞌeg it aken.

Deuteronomio 6:3

Aypaꞌ kamu nga mga Israelita, pagneg kamu. Kaꞌilangan, idawaꞌ mit magayen kat ulu mi i mga itu ngaytu baw sunudun mi it magayen. Sikayan magmagayen yan i kabetangan mi baw dumakulaꞌ i bangsa mi duꞌun it banwa ngayan nga isiyanggup it imyu it AMPUꞌANG DIYUS it mga kagiyaringanan mi, banwa ngayan nga sakyan i muꞌsang bagay.

Josue 9:7

Temed katubag i mga pagbayaꞌen ngaytit mga Israelita, “Daꞌkami bayan pakiꞌamigus it imyu ka barang taga situ kamu naga.”