Exodo 3:4 - Tagbanwa

⁴ Temed desa maat nga elpen na ni Moises, piyataꞌwagan kanya it Ampuꞌang Diyus, nga duꞌun na it sugu ngayti i pagseraꞌan, nga magꞌaat, “Moises, Moises!” “Wayni aku,” katubag si Moises ngayti.

Exodo 3:4 Iomraidhean Croise

Genesis 22:1

Nagtaꞌlib i mga taꞌun, siyukdanan it Ampuꞌang Diyus si Abraham. Tiyaꞌwagan kanyat Ampuꞌang Diyus, nga magꞌaat, “Abraham!” “Wayni aku, Agalen ku,” maat i tubag ya.

Genesis 22:11

sakaliꞌ nga nakagneg kanyat taꞌwag nga duꞌun it langit i garing. Anghil it AMPUꞌANG DIYUS i magpataꞌwag it kanya, nga magꞌaat, “Abraham, Abraham!” Maat i tubag ya, “Wayni aku, Agalen ku.”

Genesis 28:16

Pagkasulag ni Jacob, maat ya, “Palan situ kaytu gasing rugar i AMPUꞌANG DIYUS! Ega lamang naꞌrutan ku.”

Genesis 46:2

Pagdelem, piyakisugi-sugidan kanya it Ampuꞌang Diyus nga subuk tiyagaynep ya. Miyampang, nga magꞌaat, “Jacob, Jacob!” “Wayni aku,” maat i tubag ya.

Exodo 19:3

Pagkapagbalay-balay nira, timnungul si Moises duꞌut Bukid ngaytit Sinai ka pakisugi-sugid kanya it Ampuꞌang Diyus. Timnaꞌwag i AMPUꞌANG DIYUS nga garing duꞌut siyagpawan it bukid, nga magꞌaat, “Ituy aaten mu kat mga Israelita, nga mga tungtung-inapuꞌ ni Jacob.

Exodo 3:2

Iyan duꞌun na kanya it tiꞌngir ngayti, nagpakikita it kanya i Anghil it AMPUꞌANG DIYUS. Temed yay naltegan ni Moises, subuk deleg it apuy nga duꞌun it tengaꞌ it esang kayu-kayu nga aba-ababaꞌ. Talagang pagletga-letganan ni Moises i magsugu ngayti nga magdiklap-diklap temed ega magkaꞌanteng i kayu-kayu ngayti.

Exodo 33:12

Pagpakisugi-sugid siꞌ ni Moises duꞌun it AMPUꞌANG DIYUS, maat ya, “Ipiyagꞌaat mu it aken nga panguꞌnaan kuy Israelita ngaytu it paꞌaduꞌun it banwa nga isiyanggup mu. Temed egay gintaꞌ mu nga in siyuy taꞌgen mu nga katimbang ku. Iyan lamang i inaat mu it aken, nga pagkilalaen mu aku baw pagsagyaan mu naga aku.

Exodo 4:5

“Atkayan na i buwaten mu isaꞌun mamayaꞌ sira nga nagpakikita aku it imu, aku nga Ampuꞌang Diyus it mga kagiyaringanan mi, nga si Abraham, si Isaac baw si Jacob,” maat siꞌ it AMPUꞌANG DIYUS ngayti.

Mga Binwat 10:13

Bawnga may nagnegan ya nga ampang nga magꞌaat, “Sigi, Pedro. Kumarniꞌ ka, ka kaꞌnen mu.”

Mga Binwat 10:3

Kaꞌsang aldaw nga mga kabaling alaid, lamang ega magꞌigaꞌ kanya, subung kanyat magpanagaynep. Maꞌyag nga naltegan ya i esang anghil it Ampuꞌang Diyus nga miyabut duꞌut kanya baw miyampang. Maat ya, “Cornelio!”

Mga Binwat 9:4

Simnuꞌsub nga lagi kanya duꞌut lugtaꞌ bawnga may nagnegan ya nga esang gaꞌmaran nga magpakisugid it kanya, nga magꞌaat, “Saulo, Saulo, unuka atkaytuy buwat mu nga pagpakuriꞌan mu aku?”

1 Samuel 3:10

Nagpaꞌadeꞌdeng nay AMPUꞌANG DIYUS duꞌun it ki Samuel, bawnga tiyaꞌwagan ya siꞌ. Munaꞌaw na ngayti ni Eli i itiyubag ni Samuel. Maat ya, “Mampang ka lamang, AMPUꞌANG DIYUS. Magpapagneg aku na bayning manigsirbi mu.”

1 Samuel 3:4

tiyaꞌwagan kanya it AMPUꞌANG DIYUS, nga magꞌaat, “Samuel, Samuel!” “Wayni aku,” maat i tubag ni Samuel.

1 Samuel 3:6

Tiyaꞌwagan siꞌ kanyat sumaꞌup it AMPUꞌANG DIYUS. Nagbangun siꞌ si Samuel, naꞌaduꞌun siꞌ it ki Eli. “Unu bayan?” maat ya. “Pagtaꞌwagan mu aku.” Maat siꞌ i tubag ni Eli, “Ega bayan pagtaꞌwagan ku ikaw, anak. Ayaw kat pasasaw it igaꞌ mu.”

1 Samuel 3:8

Tulung bisis i taꞌwag it ki Samuel ngayti. Yanayti kada taꞌwagan, pagbangun ya, diri-diritsu kanya duꞌun it ki Eli. Pagꞌabut yat ikatlu ngayting aduꞌun ya, maat ya, “Waytu aku. Subung bat pagtaꞌwagan mu aku.” Sikayti napikir ni Eli nga magtaꞌwag it ki Samuel ngayti, egay belag, AMPUꞌANG DIYUS.