Exodo 3:2 - Tagbanwa

² Iyan duꞌun na kanya it tiꞌngir ngayti, nagpakikita it kanya i Anghil it AMPUꞌANG DIYUS. Temed yay naltegan ni Moises, subuk deleg it apuy nga duꞌun it tengaꞌ it esang kayu-kayu nga aba-ababaꞌ. Talagang pagletga-letganan ni Moises i magsugu ngayti nga magdiklap-diklap temed ega magkaꞌanteng i kayu-kayu ngayti.

Exodo 3:2 Iomraidhean Croise

Genesis 21:17

Nagnegan it Ampuꞌang Diyus i sugaw ngaytit waꞌwaꞌ. Pagkagneg ya, nanggaꞌmaran i Anghil it Ampuꞌang Diyusnga duꞌun it langit i garing it ampang ngayti. Maat ya, “Agar, unuy magkasmekan mu? Ayaw kat regen. Nagnegan it Ampuꞌang Diyus i sugaw it anak mu.

Genesis 22:11

sakaliꞌ nga nakagneg kanyat taꞌwag nga duꞌun it langit i garing. Anghil it AMPUꞌANG DIYUS i magpataꞌwag it kanya, nga magꞌaat, “Abraham, Abraham!” Maat i tubag ya, “Wayni aku, Agalen ku.”

Exodo 19:18

Talagang Bukid ngaytit Sinai, pagbubuꞌtungan nat tabuk ka limnampud nay AMPUꞌANG DIYUS duꞌun, nagpasbung kanya it apuy. Timnindeg nay tabuk nga subung nat tabuk it piyakadakulang duruk, baw bukid ngayti, magyegyeg nat atnang keseg.

Exodo 24:17

Kat panleteg it mga taw, subung it magdidigalang nga apuy duꞌut siyagpawan ngayti i magsingkar ngayti nga kabantugan it AMPUꞌANG DIYUS.

Exodo 3:16

Mapanaw ka na. Pagꞌabut mu, tingpeden mu i mga ginuꞌu it mga Israelita. Iꞌaat mu it kanira nga nagpakikita aku it imu, aku nga AMPUꞌANG DIYUS ni Abraham, ni Isaac baw ni Jacob. Nagpakikita aku sabap magkaltegan ku i pakuriꞌ it kanira it mga taga Egipto.

Isaias 43:2

Maski unu nga magkalabayan mi, ega yan pabaya-bayaꞌan ku kamu. In subuk luyud i mga kakuriꞌan nga magꞌabut it imyu, daꞌkamu yan malmes. U maski subuk dakulang apuy, egay kaꞌunuꞌan mi. Talagang daꞌkamu daꞌgen it maski sang unu na nga kabebeꞌgat it sukdan it imyu.

Daniel 3:27

Pagkaliꞌwan nira, minlep duꞌut kanira i mga katimbang it adiꞌ baw beken nga may mataꞌas nga katengdanan. Liniling nirat magayen temed maski adem, egay naltegan nira duꞌun it bilug it tulu ngayti. Egay maski sang dekeyeꞌ nga naꞌanteng nga buꞌuk nira, subung naga i pakayan nira. Baw maski kaꞌngit, egay naꞌarek nira.

Malakias 3:1

Maat siꞌ it AMPUꞌANG DIYUS nga landaw nga gunaan, “Yay matuud, may paꞌasanen ku nga taꞌgen ku. Kanyay makauꞌna it aken, ka asikasuun ya i panawan ku. Bawnga iyan Ampuꞌan nga pagtulusun mi, biglaꞌ yan nga mabut asan it Templo ya. Talagang mabut yan i pagꞌeꞌlaten mi ngayan, kanya nga patindeg it pakiꞌupakat ku,” maat it AMPUꞌANG DIYUS.

Marcos 12:26

Ta, sabap gasiꞌ it pagꞌegen ngaytu it paꞌuliꞌ it mga miyatay, unu, ega paꞌ nabasa mi duꞌun it kasuratan ni Moises i pasar it magsugu nga kayu-kayu nga magdiklap-diklap na? Daꞌga magꞌaat ngayan i magsusurat nga inaat it Ampuꞌang Diyus it ki Moises, ‘Aku i Ampuꞌang Diyus ni Abraham, ni Isaac baw ni Jacob.’

Lucas 20:37

Ta, sabap gasiꞌ it pagꞌegen ngaytu it paꞌuliꞌ it mga miyatay, maski basaꞌan si Moises, magpamatuud nga egnen talaga sirat paꞌuliꞌ. Sabap kat kanyang katuturanan pasar duꞌun it magsugu nga kayu-kayu nga magdiklap-diklap na, iyan Ampuꞌang Diyus, tiyaꞌwag ya nga Ampuꞌang Diyus ni Abraham, ni Isaac baw ni Jacob.

Juan 1:14

Si Jesus ngaytung pagpangaranat Ampang, nagbalyung taw bawnga nanaꞌidan situt banwa nga kaꞌibaan tami. Nagpasar tu kat mata namen i kabantugan ya, nga kabantugan ya ngaytu, kabantugan it paeꞌesa-esang Anak it Diyus Amaꞌ. Natantuwan namen gasiꞌ i kadakulat ildaw ya baw kamatuudan talaga i muꞌsang ipiyaliꞌwan ya.

Roma 8:3

Talagang, pagsunud it taw it mga urdin, ega ikapisit kataldengan kat panleteg it Ampuꞌang Diyus u ikaliꞌwan it taw kat pamegbeg it kasalaꞌan. Ka egay magkasunud it kaꞌustuꞌan it mga urdin ngaytu, sabap it singkadan tang kaꞌiꞌirgan nga maraꞌe-raꞌet nga magbabanwa na kat muꞌsang taw. Temed maski atkayan, may ipiyabetang-betang it Ampuꞌang Diyus nga yanay nakapabaraꞌ it ega ngayan nakapabaraꞌ it pagsunud it taw it mga urdin. Ka binwat it Ampuꞌang Diyus, ipiyalampud ya i sadili yang Anak nga nagbalyung taw isaꞌun kasbung nga banar it aten nga makasalaꞌan. (Temed kanya, egay kakasalaꞌan.) Bawnga, kat binwat ya nga tiyanggung ya i kasalaꞌan tami nga mga taw, riyanggaꞌ ya talaga i pamegbeg it aten it kasalaꞌan.

2 Tesalonica 1:7

Temed kamu nga pagpakuriꞌan, sang tamiyan nga awaꞌan it Ampuꞌang Diyus it muꞌsang mga kakuriꞌan, asan it ipaꞌuliꞌ ngayan it Ampuꞌan nga si Jesus nga garing duꞌun it langit, sang siraan it mga ega babasta-bastaen nga mga anghil ya.