Exodo 3:18 - Tagbanwa

¹⁸ Pagnegan ka yan it mga Israelita. Bawnga pabayaꞌen mu i mga ginuꞌu ngayan it paꞌaduꞌun it adiꞌ it Egipto. Aaten mu it kanya, ‘Nagpakikita it amen i AMPUꞌANG DIYUS namen nga mga Hebreo. Aypaꞌ, asi-asi pat imu, magpamꞌun kami baytu ka pagpapanawun ya kami duꞌun it rugar nga kapupuyangtan isaꞌun sumamba it kanya nga AMPUꞌANG DIYUS namen. Kaꞌalaid it panawan namen, tulung aldaw i ikaꞌbut.’

Exodo 3:18 Iomraidhean Croise

Genesis 12:1

Bawnga inaat it AMPUꞌANG DIYUS si Abram nga maat ya, “Limꞌid ka na situt pagtataꞌidan mu ngaytung banwa. Tananan mu nay mga kaduguꞌan mu, baw pamalay-balay it amaꞌ mu, ka paꞌaduꞌun kat banwa nga itulduꞌ ku it imu.

Genesis 14:13

Nabetangan ngayti ni Lot, nasugid it esang palagyu duꞌun it ki Abram ngayting dayuꞌan nga Hebreo, nga magtataꞌid duꞌut kakakayuwan ni Mamre. Si Mamre ngayting Amorreo baw mga sulsug ya nga si Escol baw si Aner, may upakat na nira ni Abram ngayti nga magtabang-tabangen in may kakuriꞌan it sang kataawan.

Genesis 15:1

Garing sikayti ega naꞌlay, nagpakikita i AMPUꞌANG DIYUS it ki Abram nga bilang pagtagaynepen ya. Nagnegan ni Abram i inaat it Ampuꞌang Diyus, nga magꞌaat, “Ayaw kat iꞌlam, Abram. Talagang tatarimaen ku ikaw nga akuy bilang kalasag mu kat kaꞌiꞌilang. Baw aku ngaytu i magkapisiꞌan mut ega basta-bastang kamanggadan nga ipagtumbas kut imu.”

Genesis 17:1

Iyan siyam nang puluꞌ baw siyam nga taꞌun i idad ni Abram, nagpakikita siꞌ i AMPUꞌANG DIYUS it kanya. Maat i inaat ya, “Aku i Ampuꞌang Diyus nga landaw nga gunaan. Kayti, ituy ipagꞌaat kut imu, mangaꞌgenan ka it uyun kat kaꞌirgan ku. Magpakataldeng ka.

2 Cronica 30:12

Temed miyuꞌsat manragiꞌ it pistaꞌ i taga Juda, sabap piyanakman sira it Ampuꞌang Diyus nga magꞌurunyun sira, nga sumunud it urdin nga ipiyanakem it AMPUꞌANG DIYUS it adiꞌ nira ngayti baw mga katimbang ya.

Exodo 10:3

Aypaꞌ naꞌaduꞌun siꞌ na Moises, duwa ni Aaron, it adiꞌ ngayti. Maat i inaat nira, “Pagnegan mu i ampang it AMPUꞌANG DIYUS namen nga mga Hebreo, nga magꞌaat, ‘Sang unu pay kaꞌlay bawnga pababaꞌ ka it aken? Kaꞌilangan ipalugut mu na nga mapanaw nay mga taawan ku ka sumamba sira it aken.

Exodo 17:5

Maat i tubag it AMPUꞌANG DIYUS, “Pabayaꞌ ka it pirang kataawan nga ginuꞌu it mga Israelita, ka muꞌna i panaw mi it kadakel it mga taw. Tabanen muy sungkud mu ngayan nga ipiyagpakpak mu it danum nga Nilo. Mapanaw kamu na.

Exodo 19:1

Iyan ikatlu nang bulan garing it liminꞌid i mga Israelita duꞌut Egipto, nakaꞌbut sira duꞌun it rugar nga kapupuyangtan nga duꞌut Sinai.

Exodo 25:22

Ta, duꞌun ku ikaw kitaen it Magkaꞌangutan ngaytut Ildaw nga Kapasinsiyaan kat piyagtengaꞌan it duwa ngaytung kerubin. Duꞌun ku ibgay it imu i muꞌsang mga urdin ku it mga Israelita.”

Exodo 3:12

“Yay matuud,” maat siꞌ it Ampuꞌang Diyus, “talagang daꞌka pabaya-bayaꞌan ku. Baw itu i katandaꞌ nga aku i magtaꞌeg it imu. Sikaytu nagang bukid i sambaan mi it aken in makapaliꞌwan mu na duꞌut Egipto i mga taawan ku.”

Exodo 3:16

Mapanaw ka na. Pagꞌabut mu, tingpeden mu i mga ginuꞌu it mga Israelita. Iꞌaat mu it kanira nga nagpakikita aku it imu, aku nga AMPUꞌANG DIYUS ni Abraham, ni Isaac baw ni Jacob. Nagpakikita aku sabap magkaltegan ku i pakuriꞌ it kanira it mga taga Egipto.

Exodo 4:1

“Ta unu yay buwaten ku,” maat ni Moises, “in daꞌga mamayaꞌ it aken i mga Israelita, in pakiꞌambut sira nga daꞌka nagpakikita it aken?”

Exodo 4:31

Egay beken namayaꞌ i muꞌsa ngayting mga Israelita. Bawnga iyan naꞌrutan nira nga siyanguꞌan na sira it AMPUꞌANG DIYUS, baw ega ngayti magkataguꞌ it kanya i muꞌsang pagbuwaten it mga taga Egipto nga pakuriꞌ it kanira, binwat nira, namagpanluud ka namagsamba sira it AMPUꞌANG DIYUS.

Exodo 5:1

Bawnga naꞌaduꞌun na na Moises duwa ni Aaron it adiꞌ it Egipto. Pagꞌabut nira, maat nira, “Kagalang-galang nga Adiꞌ, maat it AMPUꞌANG DIYUS namen nga mga Israelita, ‘Ipalugut mu i mga taawan ku ngaytu nga paꞌaduꞌun it rugar nga kapupuyangtan, ka pistaꞌan nira aku.’”

Exodo 5:3

Maat siꞌ na Moises, “Talagang nagpakikita it amen i Ampuꞌang Diyus namen nga mga Hebreo. Aypaꞌ asi-asi pat imu, ipalugut mu na kami it mapanaw. Tulung aldaw tuy panawan namen ngaytu duꞌut rugar nga kapupuyangtan ka muwat it ipagsamba duꞌun it AMPUꞌANG DIYUS namen. Ka in daꞌga mabwat namen i atkayti, paꞌabutan ya kami it sarut u maski kamataynen.”

Exodo 7:16

Aaten mu kanya, ‘Piyaꞌasitu akut imu it AMPUꞌANG DIYUS namen nga mga Hebreo. Maat bay tugun ya situt imu, “Ipalugut mu na nga mapanaw nay mga taawan ku nga mga Hebreo ka sumamba sira it aken duꞌun it rugar nga kapupuyangtan. Temed seked kayti, ega paꞌ pagsambungan mu.”

Exodo 8:1

Bawnga inaat siꞌ it AMPUꞌANG DIYUS it ki Moises, “Paꞌaduꞌun ka siꞌ it adiꞌ ngayti ka may ipagpasugid ku siꞌ it imu duꞌut kanya. Aaten mu nga, ‘Maat it AMPUꞌANG DIYUS, ipalugut mu na nga mapanaw i mga taawan ku ka sumamba it aken.

Exodo 8:20

Inaat siꞌ it AMPUꞌANG DIYUS si Moises, “Maꞌadlem ka dedelem, ka kitaen mu siꞌ i adiꞌ in padanum kanya. Isugid mu siꞌ duꞌut kanya i ampang ku ngaytu nga magꞌaat, ‘Maat it AMPUꞌANG DIYUS, ipalugut mu na nga mapanaw i mga taawan ku ka sumamba sira it aken.

Exodo 8:23

Bidaꞌen ku nagay akeng taawan baw taawan mu. Buwaten ku dedelem i kalililuꞌan ngaytung bagay.’”

Exodo 9:1

Inaat siꞌ it AMPUꞌANG DIYUS it ki Moises, “Paꞌaduꞌun ka siꞌ it adiꞌ. Isugid mu siꞌ i ampang ku ngaytu nga, ‘Ituy ipiyagꞌaat it imu it AMPUꞌANG DIYUS it mga Hebreo. Ipalugut mu nat mapanaw i mga taawan ku ka sumamba sira it aken.

Exodo 9:13

Inaat siꞌ it AMPUꞌANG DIYUS it ki Moises, “Dedelem nga kadedelman, maꞌadle-adlem ka nga pakikita it adiꞌ. Isugid mu siꞌ duꞌut kanya i ampang ku ngaytu. Aaten mu nga, ‘Itu siꞌ i inaat it AMPUꞌANG DIYUS it mga Hebreo. Ipalugut mu na nga mapanaw i mga taawan ku ka sumamba sira it aken.