Exodo 3:17 - Tagbanwa

¹⁷ Baw isiyanggup ku na nga ipaliꞌwan ku sira kat bangsa nga magpakuriꞌ it kanira. Tabanen ku sira duꞌun it malayaw nga banwa, nga magayen i lugtaꞌ baw bastanti i ipagkaꞌgen, nga banwa it mga Cananeo, Heteo, Amorreo, Perezeo, Heveo baw mga Jebuseo.

Exodo 3:17 Iomraidhean Croise

Genesis 46:4

Ibaan ta yan kamu it paꞌaduꞌun baw ipapaꞌuliꞌ ku naga yan kamu situ. Baw in matay ka na, si Jose naga i mamaalaꞌ it panlebeng it imu.”

Genesis 50:24

Iyan atnakayti i kagurang ni Jose, maat yat mga sulsug ya ngayti, “Siguru daꞌku naytu paꞌlayen situt banwa. Temed maski na, ayaw kamut kasusa ka tarimaen kamu naga it Ampuꞌang Diyus, baw paꞌuliꞌen kamu naga duꞌut banwa nga isiyanggup it Ampuꞌang Diyus it mga apuꞌ ta nga si Abraham baw si Isaac, atnagay amaꞌ ta ngaytu nga si Jacob.”

Genesis 50:25

Pagkaꞌampang ya kayti, ipiyan-gun ya it mga sulsug ya i buwaten nira in matay na kanya. Maat yat kanira, “Isumpa mi situt aken nga in mabut nay timpu nga ildawan kamu nat Ampuꞌang Diyus nga makaꞌuliꞌ kamu na duꞌut Canaan, garing situt itu nga banwa, tabanen mi naga i mga tuꞌlang ku.”

Exodo 32:34

Kayti panguꞌnaan mu naga sira duꞌut rugar nga ipiyagꞌaat ku it imu. Kat uꞌnaan mi nagayan i anghil ku. Temed mabut yan i aldaw nga rigaen kuy mga Israelita ngaytu sabap it kasalaꞌan nira.”

Exodo 33:3

Paꞌaduꞌun kamu na it banwa ngayti nga sakyan i muꞌsa. Takaꞌ daꞌku nayan mangiba it imyu, ka mga lamwat kamu. Barang simikrab pay iseg ku it imyu, mapuuꞌ ku paꞌ kamu duꞌun it pagpanawan mi!”

Exodo 6:6

Aypaꞌ, ituy iꞌaat mu it mga Israelita. Aaten mu nga maat ku, ‘AMPUꞌANG DIYUS aku nga matuud. Talagang iribri ku kamu kat pakuriꞌ it mga taga Egipto. Ipatanud ku it mga taga Egipto ngaytu i beꞌgat it alima ku. Rigaen ku talaga sira. Temed iyan kamu, ipaliꞌwan ku na kamu kat panguripen nira it imyu.

Mga Bilang 13:27

Maat i tuturan nira, “Talagang inabut namen i banwa ngayting piyasundaan mit amen. Magayen talaga i iting banwa. Sakyan i muꞌsang bagay duꞌun. Kamatuudan, ungaytu gay kagagayen it buwaꞌ ngaytu nga duꞌun naytuy garing.

Deuteronomio 6:3

Aypaꞌ kamu nga mga Israelita, pagneg kamu. Kaꞌilangan, idawaꞌ mit magayen kat ulu mi i mga itu ngaytu baw sunudun mi it magayen. Sikayan magmagayen yan i kabetangan mi baw dumakulaꞌ i bangsa mi duꞌun it banwa ngayan nga isiyanggup it imyu it AMPUꞌANG DIYUS it mga kagiyaringanan mi, banwa ngayan nga sakyan i muꞌsang bagay.

Josue 24:11

Bawnga nandipag kamu it kadanuman it Jordan, baw nakaꞌbut kamu duꞌun it Jerico. Piyakibunuꞌan kamu it taga Jerico baw mga Amorreo, mga Perezeo, mga Cananeo, mga Heteo, mga Gergeseo, mga Heveo baw mga Jebuseo, temed piyapandaꞌeg ku kamu it kanirang muꞌsa.