Exodo 3:14 - Tagbanwa

¹⁴ Maat siꞌ it Ampuꞌang Diyus, “Aku i Ampuꞌang Diyus, nga egay giyaringan, egay katupusan. Aaten mu sira nga tiyaꞌeg ka it Ampuꞌang Diyus nga egay giyaringan, egay katupusan.

Exodo 3:14 Iomraidhean Croise

Exodo 3:13

“Ta in atkayan,” maat ni Moises, “in beteꞌ aduꞌunun kuy mga Israelita baw aaten ku sira nga tiyaꞌeg akuytu it Ampuꞌang Diyus it mga kagiyaringanan tami, daꞌga mingkut sira nga in siyuy ngaran it nagtaꞌeg it aken. Unuy itubag ku?”

Exodo 6:2

Miyampang siꞌ i Ampuꞌang Diyus. Maat yat ki Moises, “AMPUꞌANG DIYUS aku nga matuud.

Exodo 6:3

Nagpakikita aku it ki Abraham, ki Isaac baw ki Jacob. Ipiyagsugid ku nga aku i Ampuꞌang Diyus nga landaw nga gunaan. Temed egay ipiyalteg ku it kanira nga adat ku nga magbayaꞌ it ngaran ku nga AMPUꞌANG DIYUS, adat ku nga magtuman it ipiyakiꞌupakat ku.

Isaias 42:8

Aku lamang nga AMPUꞌANG DIYUS i kamatuudan nga Ampuꞌan it muꞌsa. Ega ipalugut ku nga agawun it beken i kabantugan ku, u sambaen it maski siyu i mga pagbete-beteꞌen nga diyus.

Mateo 18:20

Sabap maski ari nga may magtingped nga maski duwa u tulu lamang nga kataawan nga mga taawan ku, duꞌun aku naga nga iba nira.”

Mateo 28:20

Baw itulduꞌ it kanira nga sunudun i muꞌsa nga ipiyagꞌurdin ku it imyu. Baw dedemdemen mi nga iba mi aku nga pirmi seked it umur nat banwa.”

Juan 8:24

Aypaꞌ matuud tuy ipagꞌaat ku ngaytut imyu, nga matay kamu it ega napasinsiya i kasalaꞌan mi. Basta ega pakimatuudun mi i pamatuud ku nga in siyu aku talaga, simpri matay kamu it ega napasinsiya i kasalaꞌan mi.”

Juan 8:28

Aypaꞌ maat siꞌ ni Jesus it kanira, “Basta makapatindeg mi na i krus nga pagraransangan it kanya nga Taga Langit nga Ipiyanganak it Taw, sikayan payan matantuwan mi nga talagang matuud i ipagsugid ku nga in siyu aku. Maꞌrutan mi nga egaytuy pagbuwaten ku nga kat sadili ku na lamang, in daꞌga pagꞌampangen ku, iyan nga ipagtulduꞌ it aken it Amaꞌ ku.

Juan 8:58

Katubag siꞌ si Jesus, maat ya, “Ituy kamatuudan nga isugid kut imyu, parabir ipiyanganak si Abraham, may aku nang lagi.”

2 Corinto 1:20

Yay matuud, muꞌsa nga isiyanggup it Ampuꞌang Diyus, duꞌut ki Jesu-Cristo i katumanan ya. Aypaꞌ, sabap it pagtuman ya ngaytu, pagkilalaen tami baw ipagpamatuud nga kamatuudan talagay kanya, kat ikabantug it Ampuꞌang Diyus.

Hebreo 13:8

Si Jesu-Cristo ngaytu nga piyamayaꞌ nira, ega talagay pagꞌugadan ya. In magꞌuꞌunu kanya it tagnaꞌ, atkayan naga kayti baw seked it kaꞌnu-kaꞌnu.

Mga Ipiyalteg 1:17

Pagkalteg kut kanya ngayti, simnuꞌsub aku na duꞌut aꞌay ya. Ega nakariꞌe-riꞌeng aku ka subuk ega nay giginawa ku. Temed tiyapal ya aku it iwanan nga alima ya baw inaat ya, “Ayaw kat iꞌlam. Aku i uꞌnat muꞌsa baw aku nagay kat sinauryan. Talagang kat pamegbeg ku i muꞌsa.

Mga Ipiyalteg 1:4

Aku nga si Juan i magsurat asat imyu, mga gurupu it mga magpamayaꞌ baw magsarig it Ampuꞌan kat pitung rugar nga sakep it Asia. Ipagpanalangin ku nga sana asat imyu nga pirmi i ildaw baw kaꞌimbengan it nakem nga ipagbegay it Diyus Amaꞌ, baw Ampuꞌan nga si Jesu-Cristo baw Espiritu Santo. Diyus Amaꞌ ngaytu, egen it egay kaskedan, ka garing it tagnaꞌ paꞌ may kanya na, pati kayti baw seked it kaꞌnu-kaꞌnu may kanya ga lamang. Baw Espiritu Santo ngaytu, tuluꞌ tu kanya it Ampuꞌang Diyus ngayting magꞌaꞌdung duꞌun it araꞌdungan ya kat pagkaꞌadiꞌ.

Mga Ipiyalteg 1:8

Maat it Ampuꞌang Diyus, “Akuy uꞌna it muꞌsa baw aku naga i kat sinauryan. May aku naga garing it tagnaꞌ paꞌ, baw seked it kaꞌnu-kaꞌnu may aku paꞌ. Talagang egay kasbung it guna ku.”

Mga Ipiyalteg 4:8

Tagꞌeꞌenem i elad it epat ngayti nga giyuna nga may ginawa, baw ta yanayti mata nang muꞌsa i bilug nira, pati kat sirib it mga elad nira. Talagang egay tatantanan it baꞌbaꞌ nirat delem-aldaw it pagbantug nga magꞌaat, “Ega babasta-bastaen baw talagang alaid kat muꞌsang kasalaꞌan i Ampuꞌang Diyus nga landaw nga gunaan. Garing it tagnaꞌ paꞌ may kanya na. Pati kayti baw seked it kaꞌnu-kaꞌnu may kanya ga lamang.”