Exodo 3:13 - Tagbanwa

¹³ “Ta in atkayan,” maat ni Moises, “in beteꞌ aduꞌunun kuy mga Israelita baw aaten ku sira nga tiyaꞌeg akuytu it Ampuꞌang Diyus it mga kagiyaringanan tami, daꞌga mingkut sira nga in siyuy ngaran it nagtaꞌeg it aken. Unuy itubag ku?”

Exodo 3:13 Iomraidhean Croise

Genesis 32:29

“In mapakay,” maat ni Jacob, “sana ireg ku nga maꞌrutan in siyuy imu nga ngaran.” “Aaꞌ, unuka ireg mu paꞌ nga maꞌrutan?” maat i tubag yat ki Jacob. Ega na isiyugid yay ngaran ya. Piyatdekan ya na lamang it ampang nga may guna si Jacob.

Exodo 3:12

“Yay matuud,” maat siꞌ it Ampuꞌang Diyus, “talagang daꞌka pabaya-bayaꞌan ku. Baw itu i katandaꞌ nga aku i magtaꞌeg it imu. Sikaytu nagang bukid i sambaan mi it aken in makapaliꞌwan mu na duꞌut Egipto i mga taawan ku.”

Exodo 3:14

Maat siꞌ it Ampuꞌang Diyus, “Aku i Ampuꞌang Diyus, nga egay giyaringan, egay katupusan. Aaten mu sira nga tiyaꞌeg ka it Ampuꞌang Diyus nga egay giyaringan, egay katupusan.

Exodo 3:15

Aaten mu i mga Israelita nga AMPUꞌANG DIYUS it mga kiyaꞌapuꞌ-apuꞌan nira nga si Abraham, si Isaac baw si Jacob, iyan i nagtaꞌeg it imu. Ngaran ngaytung ituꞌun i panggetaꞌ nirat aken it magtungtung-magꞌinapuꞌ seked it kaꞌnu-kaꞌnu.

Exodo 7:16

Aaten mu kanya, ‘Piyaꞌasitu akut imu it AMPUꞌANG DIYUS namen nga mga Hebreo. Maat bay tugun ya situt imu, “Ipalugut mu na nga mapanaw nay mga taawan ku nga mga Hebreo ka sumamba sira it aken duꞌun it rugar nga kapupuyangtan. Temed seked kayti, ega paꞌ pagsambungan mu.”

Isaias 7:14

Aypaꞌ AMPUꞌANG DIYUS na ngaytu i megay it imyu it imandaꞌan, imandꞌan nga dumarugmatiꞌ i esang babay nga ega paꞌ naglabay it lalaki. Sumakit nga anak ya, lalaki. Emmanuel i ipangaran it kanya.”

Isaias 9:6

Sabap ipiyanganak situt aten i esang waꞌwaꞌ. Ipiyagbegay i itung lalaki kat ikagayen tami. Kanya na i mamaalaꞌ it aten. Kanya ngaytu, kilalaen nga “Kalililuꞌan nga Manigpadisir,” “Ampuꞌang Diyus nga Gunaan,” “Amaꞌ tami nga Egay Pinꞌunan, Egay Kaskedan,” baw “Manigpamegbeg nga Magbegay it Kamatuudan nga Kaꞌimbengan.”

Jeremias 23:6

Kat timpu it pagꞌadiꞌ ya ngaytu maꞌawaꞌ i muꞌsang ipagkagulu it mga taga Juda, baw maꞌimbeng nga magpangaꞌgenan i bangsa ngaytu nga Israel. Baw itu i ipangaran it kanya, ‘AMPUꞌANG DIYUS nga pagpanggaringan it kataldengan tami.’”

Mateo 1:21

Lalaki yan i sumakit. Si Jesus i ipangaran mu, sabap kanya i rimibri it mga taawan ya kat mga kasalaꞌan nira.”

Mateo 1:23

“Dumarugmatiꞌ i esang umba-umbay paꞌ nga ega paꞌ nakalabay it lalaki. Sumakit nga anak ya, lalaki. Taꞌwagen kanya nga Emmanuel (nga ireg sugiden, kaꞌiba-iba tami na i Ampuꞌang Diyus).”

Mga Binwat 3:13

Yay matuud, gunaytu it Ampuꞌang Diyus it mga kiyaꞌapuꞌ-apuꞌan ta nga si Abraham, si Isaac baw si Jacob. Ka Ampuꞌang Diyus ngaytu it mga kagiyaringanan tami, binggayan ya nat ega basta-bastang kabantugan i manigsirbi ya nga si Jesus, kanya naga nga ipiyaꞌalima mi duꞌun it gubirnadur nga si Pilato. Eeꞌ baꞌ, daꞌga basaꞌan maski napikir na ni Pilato ngayti nga ipaliꞌwan ya si Jesus, temed magpanduwa-duwa nay pandaꞌga mi?