Exodo 3:12 - Tagbanwa

¹² “Yay matuud,” maat siꞌ it Ampuꞌang Diyus, “talagang daꞌka pabaya-bayaꞌan ku. Baw itu i katandaꞌ nga aku i magtaꞌeg it imu. Sikaytu nagang bukid i sambaan mi it aken in makapaliꞌwan mu na duꞌut Egipto i mga taawan ku.”

Exodo 3:12 Iomraidhean Croise

Genesis 15:1

Garing sikayti ega naꞌlay, nagpakikita i AMPUꞌANG DIYUS it ki Abram nga bilang pagtagaynepen ya. Nagnegan ni Abram i inaat it Ampuꞌang Diyus, nga magꞌaat, “Ayaw kat iꞌlam, Abram. Talagang tatarimaen ku ikaw nga akuy bilang kalasag mu kat kaꞌiꞌilang. Baw aku ngaytu i magkapisiꞌan mut ega basta-bastang kamanggadan nga ipagtumbas kut imu.”

Genesis 15:8

Maat siꞌ i tubag ni Abram, “Tabiꞌ, Agalen ku, unuy kamatuudan it talagang maꞌaken i itung banwa?”

Genesis 26:3

Baw mintras duꞌun ka, ildawan baw tarimaen ku ikaw. Sabap itung mga banwa ngaytu, ibgay ku it imu, nga subliyen it anak-inapuꞌ mu. Talagang tumanen ku i isiyanggup ku it amaꞌ mu nga si Abraham.

Genesis 31:3

Ta kat iti nga timpu, inaat nat AMPUꞌANG DIYUS si Jacob. Maat ya, “Muliꞌ ka na duꞌun it banwa it mga giyaringan mu baw duꞌun it mga kaduguꞌan mu. Tatarimaen ku naga ikaw.”

Exodo 18:5

Pagkabaritaꞌ ni Jetro it muꞌsa ngayti, napikir ya nga pakikita. Pagpanaw ya, piyabayaꞌ yay anak ya ngayti nga asawa ni Moises baw apuꞌ ya ngayting duwa, ka naꞌaduꞌun sira it pamaglalangsanan ngayti na Moises duꞌut rugar nga kapupuyangtan, nga duꞌun ngayti it ipagpabetang nga bukid it Ampuꞌang Diyus.

Exodo 3:1

Ta it nakatakenaꞌ na si Moises duꞌut Madian, kanya na i manigꞌeper it mga tupa it punyangan ya ngayti nga si Reuel, nga esa gasiꞌ nga ngaran ya, si Jetro, nga esa kanya nga sasirduti duꞌut Madian ngayti. Kaꞌsa diyaran ya duꞌut sang bali it kapupuyangtan nga rugar. Nakaꞌbut kanya duꞌun it Horeb, nga esang bukid nga ipagpabetang nga bukid it Ampuꞌang Diyus.

Exodo 3:13

“Ta in atkayan,” maat ni Moises, “in beteꞌ aduꞌunun kuy mga Israelita baw aaten ku sira nga tiyaꞌeg akuytu it Ampuꞌang Diyus it mga kagiyaringanan tami, daꞌga mingkut sira nga in siyuy ngaran it nagtaꞌeg it aken. Unuy itubag ku?”

Exodo 33:14

Maat i tubag it AMPUꞌANG DIYUS, “Aku mismu i mangiba. Talagang ibaan ta kamu seked duꞌun it banwa nga abutun mi, baw ipasakep ku yan it imyu.”

Exodo 4:12

Aypaꞌ mapanaw ka na. Tabangen ta yan ikaw isaꞌun makaꞌampang ka it magayen baw itulduꞌ ku it imu i ampangen mu.”

Exodo 4:15

Muꞌsa ngaytu nga ipiyagꞌaat ku it imu, iꞌusay mu nga muꞌsa duꞌut kanya, bawnga usayen ya gasiꞌ duꞌut mga kabilug mi. Tabangen ta kamu kat pagꞌampangen mi baw itulduꞌ ku it imyu in unu may unu i buwaten mi.

Exodo 8:27

Aypaꞌ kaꞌilangan mapanaw kami seledat tulung aldaw, duꞌut rugar nga kapupuyangtan. Bawnga duꞌun i sambaan namen it AMPUꞌANG DIYUS namen, nga subung it ipiyagꞌurdin ya.”

Isaias 43:2

Maski unu nga magkalabayan mi, ega yan pabaya-bayaꞌan ku kamu. In subuk luyud i mga kakuriꞌan nga magꞌabut it imyu, daꞌkamu yan malmes. U maski subuk dakulang apuy, egay kaꞌunuꞌan mi. Talagang daꞌkamu daꞌgen it maski sang unu na nga kabebeꞌgat it sukdan it imyu.

Isaias 7:14

Aypaꞌ AMPUꞌANG DIYUS na ngaytu i megay it imyu it imandaꞌan, imandꞌan nga dumarugmatiꞌ i esang babay nga ega paꞌ naglabay it lalaki. Sumakit nga anak ya, lalaki. Emmanuel i ipangaran it kanya.”

Mateo 28:20

Baw itulduꞌ it kanira nga sunudun i muꞌsa nga ipiyagꞌurdin ku it imyu. Baw dedemdemen mi nga iba mi aku nga pirmi seked it umur nat banwa.”

Marcos 16:20

Nanlekep-lekep na nga matuud i mga alagad ngayti, ka nangadal na kat paꞌari-aring rugar. Talagang pagtabangen naga sira it Ampuꞌan it iti nga buwaten. Ipagpamatuud yay ampang ngayti nga ipagpangadal it mga alagad kat kakayaan nga magkabwat it mga kalililuꞌan nga bagay, nga ipiyagꞌildaw yat kanira.

Mga Binwat 11:21

Baw dakulaꞌ i tabang it Ampuꞌan it kanira kat pangadal nira ngayti, aypaꞌ ka dakel nga dakel i namayaꞌ baw nagpasakep it Ampuꞌan.

Mga Binwat 7:7

Temed, iyan banwa ngayang muripen it kanira, talagang rigaen ku. Garing sikayan makalꞌid na sira duꞌun, ka kaꞌuliꞌ sira siꞌ situt banwa ngaytu. Bawnga aku nga Ampuꞌang Diyus, sambaen nira siꞌ situ.’

Roma 8:31

Ta it atkaytu na nga kampiꞌ na situt aten i Ampuꞌang Diyus, maꞌyag nga maꞌyag nga maski siyu i kakuntraꞌ ta, ega talaga daꞌgen nira kita.

Hebreo 13:5

Kaꞌilangan mangaꞌgenan kamu it ega kupagmanggad. Iyan i magayen, pagsagyaan mi na i kumpur magkaparagan mi, ega pagkudungagan nga pirmi. Sabap waytuy inaat it Ampuꞌang Diyus, maat ya, “Talagang ega pablagan u tananan ku kamu it seked kaꞌnu-kaꞌnu.”

Josue 1:5

Daꞌka yan daꞌgen it maski siyu mintras egen ka, ka in magꞌuꞌunu tiyarima ku si Moises, atkayan naga i buwaten ku it imu. Talagang daꞌka pabaya-bayaꞌan ku u tananan.

Mga Pagbayaꞌen 6:12

Pagpakikita it Anghil ngaytit AMPUꞌANG DIYUS duꞌun it ki Gedeon ngayti, miyampang kanya nga magꞌaat, “Pagtatarimaen ka it AMPUꞌANG DIYUS, ikaw nga ega babasta-bastaen nga mandadaꞌeg.”

Mga Pagbayaꞌen 6:16

Mampang siꞌ i AMPUꞌANG DIYUS, nga magꞌaat, “Makaparibri mu bayan i Israel ka tabangen ku ikaw. Talagang daꞌgen mu yan i mga Madianita ngayan. Subung na lamang it pandaꞌeg mut sang kataawan.”

Mga Pagbayaꞌen 6:17

Katubag siꞌ si Gedeon ngayti, maat ya siꞌ, “In talagang pagsagyaan mu aku, paltegan mu aku it esang tandaꞌanan nga ikaw i magtaꞌeg it aken.

Mga Pagbayaꞌen 6:21

Bawnga binwat it Anghil ngaytit AMPUꞌANG DIYUS, piyadiꞌkitan ya i pangaꞌen ngayti it subuk sungkud nga pagseskelen ya. Ta, miyapuy nga lagi baw naꞌanteng nay pangaꞌen ngayti. Nagsipat manay Anghil ngaytit AMPUꞌANG DIYUS.

Mga Pagbayaꞌen 7:11

Siguradu yan nga kemseg nay nakem mu, pagkagneg mu it pamagrundingen nira.” Ta, daꞌnay parbitik na Gedeon duwa ni Pura it namagpanaw nga naꞌaduꞌun it binit it kampu it mga Madianita ngayti.