Exodo 3:11 - Tagbanwa

¹¹ “Aa bilaꞌ!” maat i tubag ni Moises. “Ay siyu aku na nga makaꞌadap nat adiꞌ ngayti baw paliꞌwan it mga Israelita duꞌun it Egipto?”

Exodo 3:11 Iomraidhean Croise

1 Mga Adiꞌ 3:7

Kayti, AMPUꞌANG DIYUS ku, piyapagꞌadiꞌ mu aku nga ganti ni Amaꞌ, temed ta, banwaen aku paꞌ baw talagang egay kakayaan ku.

1 Mga Adiꞌ 3:9

Sana pagꞌangutun ku nga pabastantiyan mu aku it kasepsep isaꞌun kapagꞌadiꞌ akut magayen kat mga taawan mu ngaytu, baw isaꞌun magkakilalaan ku i mataldeng baw maraꞌe-raꞌet. Sabap siyuy makakaya it magꞌadiꞌ kat mga taw ngaytu nga piniliꞌ mu nga ereꞌeret na ngaytu nga kadakel?”

Exodo 6:12

Pagkagneg ni Moises, “Abaa,” maat ya, “magꞌuꞌunu nayan it daꞌku na pagpagnegan it mga Israelita? Daꞌga subraꞌ na siguru i adiꞌ ngayti, beken it pangangampangan ku, magꞌengke-engkeꞌ ngaytu?”

2 Corinto 2:16

Ta kat mga taw nga ega magꞌintindi it karibriyan, subuk pagringuruꞌan nira nga magkaꞌarek, aypaꞌ yay magtaban it kanira duꞌun it kamatayneng panriga nga egay kaskedan. Temed kat mga maribri, mabanglu, aypaꞌ kaꞌgenang egay kaskedan i abutun nirat kanira. Ta it atkayan, siyu i may kakayaan nga mabwat yat magayen i buwat ngaytung magpangadal it Magayeng Baritaꞌ?

2 Corinto 3:5

Ka in kat sadi-sadili namen na lamang ega talagay kakayaan namen nga mabwat i itu ngaytu. Ipiyagꞌildaw tu it amen it Ampuꞌang Diyus.

Mga Pagbayaꞌen 6:15

Maat siꞌ ni Gedeon ngayti, “Agalen, magꞌuꞌunu iribri ku i mga Israelita, it amen nang kaꞌanak-anakan i piyakadekeyeꞌ kat kuyunang mga tungtung-inapuꞌ ni Manases, baw aku na ngaytu i piyakatimawaꞌ kat seled it pamalay-balay namen?”