Exodo 3:10 - Tagbanwa

¹⁰ Aypaꞌ kayti, papaꞌaduꞌunun ku ikaw it adiꞌ it Egipto ngayti, ka ipaliꞌwan mu duꞌun i mga taawan ku ngayti nga mga Israelita.”

Exodo 3:10 Iomraidhean Croise

Genesis 15:13

Bawnga piyakisugidan siꞌ kanya it AMPUꞌANG DIYUS. Maat i inaat ya, “Ituy kamatuudan, mga tungtung-inapuꞌ mu, manumpang sira duꞌut banwat beken. Ega lamang desang manumpang, magsirbi gasiꞌ sira ka uripnen duꞌun. Talagang ipabetang sira it makuriꞌ, seledat epat nga gatus nga taꞌun.

Genesis 15:14

Temed iyan banwa ngayang muripen it kanira, talagang rigaen ku. Garing sikayan makaliꞌwan na sira. Limiꞌwan sirat may dakulang kamanggadan.

Exodo 33:12

Pagpakisugi-sugid siꞌ ni Moises duꞌun it AMPUꞌANG DIYUS, maat ya, “Ipiyagꞌaat mu it aken nga panguꞌnaan kuy Israelita ngaytu it paꞌaduꞌun it banwa nga isiyanggup mu. Temed egay gintaꞌ mu nga in siyuy taꞌgen mu nga katimbang ku. Iyan lamang i inaat mu it aken, nga pagkilalaen mu aku baw pagsagyaan mu naga aku.

Exodo 33:13

Kayti, in matuud nga pagsagyaan mu aku, sana ipatantu mu it aken i mga pabetang-betang mu, isaꞌun maꞌrutan ku, isaꞌun magsisigi nga pagsagyaan mu aku. Dedemdemen mu gasiꞌ nga mga Israelita ngaytu, piniliꞌ mu nga taawan mu.”

Mga Binwat 7:34

Talagang magkaltegan ku i muꞌsang pakuriꞌ it mga taga Egipto kat piniliꞌ ku ngaytu nga mga taawan. Magkagnegan ku talaga i mga pangabang nira. Aypaꞌ limnampud aku na ka naꞌbut nay timpu nga iribri ku sira. Ta kayti, papaꞌuliꞌen ku ikaw duꞌun it Egipto.’”

Mga Binwat 7:36

Eeꞌ baꞌ, si Moises ngayti i nagpaliꞌwan it kanira duꞌun it Egipto. Dakel i nabwat ya nga tandaꞌanan nga kalililuꞌang bagay duꞌun it Egipto ngayti, baw duꞌun it Madarag nga Dagat, baw kat seledat epat nga pulung taꞌun nga pagpanguꞌnaan ya sira duꞌun it kapupuyangtan nga rugar.

Mga Binwat 7:6

Baw ipiyagꞌaat gasit Ampuꞌang Diyus it kanya, nga maat ya, ‘Ituy kamatuudan, nga mga tungtung-inapuꞌ mu, manumpang sira duꞌut banwat beken. Ega lamang desang manumpang, magsirbi gasiꞌ sira ka uripnen. Talagang ipabetang sirat makuriꞌ, seledat epat nga gatus nga taꞌun.

Mga Binwat 7:7

Temed, iyan banwa ngayang muripen it kanira, talagang rigaen ku. Garing sikayan makalꞌid na sira duꞌun, ka kaꞌuliꞌ sira siꞌ situt banwa ngaytu. Bawnga aku nga Ampuꞌang Diyus, sambaen nira siꞌ situ.’

Mga Pagbayaꞌen 6:14

Inaat kanya it AMPUꞌANG DIYUS, “Manliꞌwan ka na kayti ka gamiten muy pagkalalaki mu kat ikaribri it mga Israelita. Ka akuytuy magtaꞌeg it imu.”