Exodo 3:1 - Tagbanwa

¹ Ta it nakatakenaꞌ na si Moises duꞌut Madian, kanya na i manigꞌeper it mga tupa it punyangan ya ngayti nga si Reuel, nga esa gasiꞌ nga ngaran ya, si Jetro, nga esa kanya nga sasirduti duꞌut Madian ngayti. Kaꞌsa diyaran ya duꞌut sang bali it kapupuyangtan nga rugar. Nakaꞌbut kanya duꞌun it Horeb, nga esang bukid nga ipagpabetang nga bukid it Ampuꞌang Diyus.

Exodo 3:1 Iomraidhean Croise

1 Mga Adiꞌ 19:19

Egay beken, napanaw na si Elias ngayti. Naparagan ya si Eliseo nga magꞌaradu. Sang puluꞌ may duwa sirang muꞌsa, kada sang kataawan tagduduway bakaꞌ nga magguyud it aradu. Si Eliseo nay maggiyaringan. Pagtaꞌlib ni Elias duꞌut ki Eliseo ngayti, ipiyasagmen ya nat ki Eliseo i gulamen ya, nga katandaꞌ it ipasubli it kanya i pagkaprupitaꞌ.

1 Mga Adiꞌ 19:8

Nagbangun siꞌ si Elias ka kimnaꞌen siꞌ. Pagkaꞌinum ya, kiminseg i ginawa ya. Sabap it pangaꞌen ngayti, ega ginteman kanya lamang naꞌlay nga luꞌug-luꞌug ya, ka kaꞌlay, epat nga pulung aldaw baw delem. Nakaꞌbut na kanya duꞌut Horeb nga pagpangaranan it Bukid it Ampuꞌang Diyus.

Exodo 17:6

Elaten ta kamu duꞌun it dakulang batu nga duꞌut Horeb. Pagꞌabut mi, bangkalen mu it sungkud mu i batu ngayan. Tumumbud yan i danum nga maꞌinum mi nga muꞌsa.” Ta, atkayti nga matuud i binwat ni Moises, nga pagleltegan it mga ginuꞌu ngaytit mga Israelita.

Exodo 18:12

Bawnga nagbuwat si Jetro it ipagsamba nga pagꞌantengen, baw beken nga mga panalisi baw pasalamat nga ipagsamba ya it Ampuꞌang Diyus. Naꞌaduꞌun it kanira si Aaron baw mga ginuꞌu ngayti it mga Israelita. Sang siraan nat punyangan ngayti ni Moises i namagkaraꞌnen it pistaꞌ nga pasalamat duꞌun it Ampuꞌang Diyus.

Exodo 19:11

Pagꞌikatlung aldaw, kaꞌilangan nga alistu na sira nga muꞌsa, sabap aku nga AMPUꞌANG DIYUS, lumampud aku situt Bukid it Sinai ngaytu kat mata it kadakel.

Exodo 19:2

Sabap pagpanaw nira siꞌ, nga garing duꞌun it Refidim ngayti, naꞌaduꞌun na sira it rugar nga kapupuyangtan nga duꞌut Sinai. Piyagbalay-balayan nira, duꞌun nat adeꞌdeng it siyangkedan it bukid.

Exodo 19:3

Pagkapagbalay-balay nira, timnungul si Moises duꞌut Bukid ngaytit Sinai ka pakisugi-sugid kanya it Ampuꞌang Diyus. Timnaꞌwag i AMPUꞌANG DIYUS nga garing duꞌut siyagpawan it bukid, nga magꞌaat, “Ituy aaten mu kat mga Israelita, nga mga tungtung-inapuꞌ ni Jacob.

Exodo 2:16

Ega naꞌlay, miyabut i pitung kababayan nga anak ni Reuel nga esang sasirduti duꞌut Madian ngayti. Mamagpanaꞌgeb sira ka ipaꞌinum nirat mga tupa it amaꞌ nira.

Exodo 2:18

Pagkaꞌuliꞌ it mga babay ngayti, iningkut sira it amaꞌ nira, “Unuka nakaꞌuliꞌ kamut semkad kayti?”

Exodo 2:21

Ta napakay ni Moises nga duꞌun nat iting mga taw i tiyaꞌidan ya. Naꞌlay na, naꞌasawa ya na si Zipora, nga esang anak ni Reuel ngayti.

Exodo 24:13

Aypaꞌ napanaw siꞌ si Moises, duwa ni Josue nga katabang ya, naꞌaduꞌun siꞌ it bukid ngaytit Ampuꞌang Diyus ka tumungul siꞌ si Moises.

Exodo 3:12

“Yay matuud,” maat siꞌ it Ampuꞌang Diyus, “talagang daꞌka pabaya-bayaꞌan ku. Baw itu i katandaꞌ nga aku i magtaꞌeg it imu. Sikaytu nagang bukid i sambaan mi it aken in makapaliꞌwan mu na duꞌut Egipto i mga taawan ku.”

Exodo 3:5

Maat it Ampuꞌang Diyus ngayti, “Ayaw kat patpad sini. Awaꞌen mu i talumpaꞌ mu ngayan, ka pagtitindegan mu ngaytu, egaytu babasta-bastaen nga lugtaꞌ ka liyampudan ku nga Ampuꞌang Diyus.

Exodo 33:6

Aypaꞌ egay beken, duꞌut Bukid ngaytit Sinai, iniriꞌ nat mga Israelita i muꞌsang mga rurug it bilug nira ka magpababaꞌ duꞌun it AMPUꞌANG DIYUS.

Exodo 4:18

Miyuliꞌ na si Moises ka namꞌun duꞌut punyangan ya nga si Jetro. Pagꞌabut ya maat ya, “Amay, kupangigaꞌ aku baytut maꞌla-maꞌlay duꞌut Egipto duꞌut mga kasulsugan ku isaꞌun maꞌrutan ku in maꞌuꞌunu naga i kanirang kabetangan.” Pagkagneg ni Jetro, ega diyaꞌga ya.

Exodo 4:27

Ta inaat it AMPUꞌANG DIYUS si Aaron, “Susmuun mu duꞌun it rugar nga kapupuyangtan si Moises.” Egay beken, siyusmu ni Aaron si Moises duꞌun it bukid ngayti nga ipagpabetang nga bukid it Ampuꞌang Diyus. Pagparag nira, inarkan ya.

Malakias 4:4

Dedemdemen mi i mga ipiyanulduꞌ ni Moises nga mga urdin baw kaꞌadatan, nga ipiyaskel ku it kanya duꞌun it Bukid it Horeb, nga iyan i sunudun it bangsa nga Israel.

Lucas 2:8

Iting delem, may mga manigꞌeper nga magtatandaꞌ it tupa nira duꞌun it pagpakaꞌnan nga rugar.

Mga Binwat 7:30

Iyan epat nang pulung taꞌun i kaꞌlay ni Moises duꞌun it Madian ngayti, kaꞌsang aldaw nga duꞌun kanyat tiꞌngir it Bukid it Sinai nga duꞌun it kapupuyangtan nga rugar, naltegan yay Anghil it Ampuꞌang Diyus, nga duꞌun it magsugu nga kayu-kayu nga magdiklap-diklap na.

1 Samuel 16:11

Pagkateptep it pitu ngayti, miningkut si Samuel it ki Jesse, maat ya, “Unu, ega nay anak mi nga beken? Unu, sira na lamang ngayan nga muꞌsa?” “May sangbat paꞌ bayang anak namen, si David, nga yanay kiyaꞌpusan,” maat ni Jesse ngayti. “Duꞌun kanya magꞌeper it mga tupa namen.” Maat ni Samuel, “Magayen ipapisiꞌ mu. Ega daꞌan buwaten tami i ipagsamba ngaytu nga pagꞌantengen basta ega paꞌ miyabut kanya.”