Exodo 28:3 - Tagbanwa

³ Taꞌgen mu i mga manigtaiꞌ nga binggayan kut itu nga kiyaꞌrutan, nga buwatan nira si Aaron it ega basta-basta ngaytu nga pakayan nga imandaꞌan it ipiyasiguru kanya kat katengdanan ya nga sasirduti nga magsirbi it aken.”

Exodo 28:3 Iomraidhean Croise

Exodo 35:10

Tiꞌmesen mi i muꞌsang makakaꞌrut muwat it atkaytung buwat, kumpur ipiyagꞌurdin ngaytut AMPUꞌANG DIYUS nga buwaten.

Isaias 11:2

Pasarum duꞌun it kanya i Espiritu Santo it AMPUꞌANG DIYUS, nga yay tumaban it kanya it kasepsep it muꞌsang bagay. Kat keseg gasiꞌ it Espiritu Santo ngaytu, kumaꞌrut kanya nga banar, paꞌiguꞌ-iguꞌ kanya it magayen, baw magmaꞌiseg i nakem ya kat pagsarunga it katengdanan ya it may kamatuudan nga galang nga may iꞌlam ya it AMPUꞌANG DIYUS.

Efeso 1:17

Ka pagꞌangutun ku duꞌun it Amaꞌ tami nga mabantug, kanya nga Ampuꞌang Diyus it Ampuꞌan tami nga si Jesu-Cristo, nga kat keseg it Espiritu Santo nga magsasarum kat bilug mi, sana begayan ya kamu nga subraꞌ kamung kumaꞌrut baw kasepsep isaꞌun makilalaan mi nga banar i adat baw mga pabetang-betang ya.

Deuteronomio 34:9

Ta si Josue ngayti nga anak ni Nun, talagang masepsep nga taw baw kaya ya nga mamaalaꞌ, sabap tiyapal naga kanya ni Moises, nga tandaꞌ it kanya nay sumubli. Aypaꞌ siyunud naga kanya it mga Israelita. Pagbuwaten nira i muꞌsang ipiyagꞌurdin it AMPUꞌANG DIYUS duꞌut ki Moises.

Santiago 1:17

Ampuꞌang Diyus i puꞌun it muꞌsang kagayenan, baw purus magayen i ipagbegay ya. Ega talagay kakurangan it ildaw nga magpanggaring duꞌun it Amaꞌ ta ngaytu nga gimnuna it muꞌsang mga mamagꞌeyag duꞌun it langit. Mga giyuna ya ngaytu, magꞌugad-ugad i eyag nira, temed Ampuꞌang Diyus, talagang ega magꞌugad-ugad i adat yat kanya.