Exodo 28:2 - Tagbanwa

² Pataiꞌan mu si Aaron it ega basta-bastang pakayan nga bagay it katengdanan ya, isaꞌun galangen it mga taw baw ipabetang nira kanya it mataꞌas.

Exodo 28:2 Iomraidhean Croise

Exodo 40:13

In nalimpiyuꞌ mu na, isꞌul mu nat ki Aaron i ega ngayan basta-basta nga pakayan ya baw paturuꞌan mu gasiꞌ kanya it lana. Kat atkaytu nga buwat mu it kanya, ipasiguru mu kanya nga sasirduti nga magsirbi it aken.

Juan 1:14

Si Jesus ngaytung pagpangaranat Ampang, nagbalyung taw bawnga nanaꞌidan situt banwa nga kaꞌibaan tami. Nagpasar tu kat mata namen i kabantugan ya, nga kabantugan ya ngaytu, kabantugan it paeꞌesa-esang Anak it Diyus Amaꞌ. Natantuwan namen gasiꞌ i kadakulat ildaw ya baw kamatuudan talaga i muꞌsang ipiyaliꞌwan ya.

Roma 13:14

Kaꞌilangan, kat muꞌsang bagay, patibayaꞌ kamung pirmi it Ampuꞌan nga si Jesu-Cristo, isaꞌun yanay maltegan kat pangaꞌgenan mi, kanya nang adat. Ega na sumbayaꞌen i sadiling kaꞌirgan nga maraꞌe-raꞌet u begayan pat rugar kat pikiran mi.

Roma 3:22

In daꞌga talagang kat pagsarig it kamataynen ni Jesu-Cristo baw kamatuudang pamayaꞌ it kanya, iyan i ikapisiꞌ tat kataldengan kat panleteg it Ampuꞌang Diyus. Mapakay tu kat maski siyung taw ka, muꞌsang taw, surubung.

Galacia 3:27

Baw kayti, muꞌsa asat imyu nga nagpabawtis nga yay katandaꞌ it maglalagpit na ngaytu it ki Cristo, subuk piyakay na si Cristo, nga ireg sugiden magpasbung nat kanyang adat.

Hebreo 2:9

Temed itu na talaga i miyabut. Kat dekeyeꞌ nga timpu binwat gasiꞌ si Jesus nga mababaꞌ pat mga anghil isaꞌun, kat kadakulat ildaw it Ampuꞌang Diyus it aten, lumabay si Jesus it kamataynen nga tanggungun ya i kasalaꞌan tami nga muꞌsa nga mga taw. Temed lamang ipiyabetang kanya it atkayan, yan nagang binggayan kanya it kabantugan baw pagkamataꞌas sabap it kamataynen ya ngayti.

Hebreo 7:26

Kanya i Piyakamataꞌas nga Sasirduti nga bagay talaga it aten nga kaꞌilangan. Ka alaid nga pirmi i nakem ya kat muꞌsang kasalaꞌan. Ega talagay karaꞌe-raꞌetan nga magpangbit kat nakem ya, baw egay maski unu nga magkaꞌiway it kanya. Dakulay piyagbelagan it kanya baw aten nga makasalaꞌan baw kayti, binggayan na kanyat Ampuꞌang Diyus it piyakamataꞌas nga pudir duꞌun it langit.

2 Pedro 1:17

Sabap kaꞌibaan ya naga kami, iyan ipiyalteg it Diyus Amaꞌ i kataꞌasan baw kabantug ni Jesu-Cristo ngaytu. Baw nagnegan namen i ampang yat kanya, nga duꞌun it ega basta-bastang kabantugan ya nga duꞌut langit i garing. Ampang ya ngayting magꞌaat, “Itu i pagmaꞌa-maꞌalen ku nga anak ku, nga talagang kasasagyaan ku.”

1 Juan 3:2

Mga pagmaꞌalen ku, kayti mga anak tami nang matuud it Ampuꞌang Diyus. Lamang ega paꞌ magkaꞌrutan ta in maꞌunuy pamilug ta duꞌun. Temed ituy pagsisiguruun ta, asan it pamaꞌuliꞌ situ ni Jesu-Cristo, masbungan ta na kanya, ka maltegan ta nat magayen in maꞌunu kanya.

Mga Ipiyalteg 19:8

Ta, asawaen ya ngayti, piyapakayan nat pirmira nga abel nga maputiꞌ nga limpiyuꞌ nga banar.” Iyan limpiyuꞌ nga pakayan ngaytu, yay paꞌaaten, mga mataldeng nga buwat it mga taawan it Ampuꞌang Diyus.

Mga Ipiyalteg 5:10

Binwat mu sira nga bilang sasirduti isaꞌun kapagsirbi na sirang muꞌsa it Ampuꞌang Diyus tami. Binwat mu gasiꞌ sira nga mga adiꞌ isaꞌun kapamegbeg na sira duꞌut sinirungat langit.”