Exodo 27:1 - Tagbanwa

¹ “Itu gasiꞌ i buwaten mi, papangantengan nga kayu nga akasya nagay buwaten. Tulung parasikwan i katagbaw ya. Limang parasikwan i kaꞌabwat, atnagay kalayaw.

Exodo 27:1 Iomraidhean Croise

Esdras 3:2

Pagkatingped, biyaꞌgu na nira i papangantengan nga pagꞌantengan it mga pagbuwaten nga ipagsamba nira it Ampuꞌang Diyus it bangsa nira nga Israel, uyun kat magsusurat duꞌun it mga urdin nga ipiyaskel it ki Moises nga manigsirbi it Ampuꞌang Diyus it tagnaꞌ. Kat buwat nira ngayti, piyanguꞌnaan sira ni Jesua nga anak ni Josadac, mga kaꞌibaan ya nga sasirduti, baw si Zorobabel nga anak ni Sealtiel, kaꞌuyutan it beken nga mga kaduguꞌan ya.

Exodo 17:15

Duꞌun kayti, nagbuwat si Moises it papangantengan it ipagsamba. Piyangaranan ya it “AMPUꞌANG DIYUS i Manigꞌuꞌna ku kat pandaꞌeg.”

Exodo 24:4

Bawnga isiyurat ni Moises i muꞌsa ngayti nga inaat it AMPUꞌANG DIYUS. Pagꞌeyag siꞌ it aldaw nga kadedelman pang banar, nagbuwat si Moises it papangantengan duꞌut siyangkedan it bukid ngayti. Bawnga nagpatindeg kanya it sang puluꞌ may duwang batu i batu. Piyapatu-patuꞌan ya, sang puluꞌ may duwang kuyunan nga mga tungtung-inapuꞌ ni Jacob.

Exodo 35:16

Tumbaga ngayang papangantengan, pati daꞌta-daꞌtag ya nga tumbaga naga, mga papasaꞌnan baw beken pang kagamitan nga kaꞌuyutan it papangantengan ngaytu. Papangugasan nga palangganaꞌ nga tumbaga baw magtitindeg nga dadaꞌtunan ya.

Exodo 40:10

Bawnga isunud mu nga paꞌidan i papangantengan ngaytut ipagsamba baw mga kagamitan ya, isaꞌun magꞌega basta-basta nga banar.

Exodo 40:6

Ipiyasigi it AMPUꞌANG DIYUS i munaꞌaw ya, nga magꞌaat, “Iyan tumbaga ngayan nga papangantengan it ipagsamba, asan i betangan mu it sarungaan it Tabirnakulu ngaytu nga patuꞌ it salakwatan ya.

Hebreo 13:10

Kita nga magpamayaꞌ it ki Jesus, kamataynen ya duꞌut krus i ipagkapasinsiya it kasalaꞌan tami. Temed sira nga magsalisi pat ramu-ramu nga ipagꞌangut it kapasinsiyaan it kasalaꞌan, talagang egay uyu-uyut nirat kapasinsiyaan nga mapisiꞌ duꞌut krus ngayti.