Exodo 26:30 - Tagbanwa

³⁰ Atkaytu nay pamatindeg mi it Tabirnakulu ngaytu nga ibayaꞌ mu nga banar it kumpur pabetang-betang ngaytu nga ipagꞌaat ku it imu kayti situt bukid ngaytu.

Exodo 26:30 Iomraidhean Croise

Exodo 25:9

Kaꞌilangan, pamwat mi it balay ngayan baw muꞌsang kagamitan nga iduꞌun, isunud mu it pabetang-betang nga iꞌaat ku na it imu kayti.”

Exodo 27:8

Pamwat mi it papangantengan ngaytu, buwas i seled ya, baw buwaten, tablaꞌ nga akasya naga, subung naga it pabetang-betang nga ipagꞌaat ku it imu kayti situt bukid ngaytu.”

Exodo 40:2

“Kat intrada it uꞌnang bulan, ipatindeg mu na i Tabirnakulu ngaytu, nga itu nay papagsugi-sugidan nga balay.

Mga Binwat 7:44

Maat paꞌ ni Esteban, “May ipiyagbegay nagat Ampuꞌang Diyus it mga kagiyaringanan tami nga magkapuru-purun nga bala-balay, iyan duꞌun paꞌ sirat kapupuyangtan nga rugar, iti ngayti nga magpamatuud it duꞌun kanya nagang pirmi it kanira. Bala-balay ngayti, talagang ipiyasbung it ladawan nga ipiyalteg it ki Moises, subung nagat ipiyagꞌurdin it kanya.

Hebreo 8:2

Magbuwat kanyat buwat it Piyakamataꞌas nga Sasirduti duꞌun it matuud nga papagsambaan nga duꞌut langit, nga ega taw lamang i nagbuwat in daꞌga talagang Ampuꞌang Diyus.

Hebreo 8:5

Temed, pagsirbi nira ngaytu, bilang ladawan lamang it duꞌun it langit. Sabap iyan ipagkupatindeg na ni Moises i magkapuru-purun nga papagsambaan, maseked-seked talaga nga inaat it Ampuꞌang Diyus it kanya nga kaꞌilangan ibayaꞌ nga banar it pabetang-betang nga ipiyalteg it kanya duꞌun it Bukid it Sinai.

Hebreo 9:23

Ta, it atkayti, kat pagsamba it mga taw it tagnaꞌ, nga ladawan lamang it kamatuudang pagsamba duꞌun it langit, ega mapakay nga ega paglimpiyuꞌun nira i muꞌsang bagay it duguꞌ it mga ramu-ramu nga ipagpanalisi. Temed, iyan ipaglimpiyuꞌ nga panalisi nga bagay it kamatuudan ngaytung pagsamba duꞌun it langit, kaꞌilangan subraꞌ pang kagayen it mga ramu-ramu ngayti.