Exodo 26:1 - Tagbanwa

¹ Maat paꞌ it Ampuꞌang Diyus, “Buwaten mi gasiꞌ i Tabirnakulu, nga yay bilang balay ku nga magkapuru-purun. Bali it sang puluꞌ nga kakurtinaꞌan i makadingding. Pamwat mi it mga kurtinaꞌ ngaytu, maꞌiꞌinek nga panrara it pirmirang abel i gamiten, nga may uyut nga benang nga maluꞌnaw, indilibelen baw madarag gasiꞌ. Paburdaꞌan mu it mamagkaꞌrut murdaꞌ. Iburdaꞌ nira, ladawan it kerubin.

Exodo 26:1 Iomraidhean Croise

2 Samuel 7:2

Ta it atkayti, ipiyatawag ya i prupitaꞌ nga si Natan. Siyugi-sugid ya nga magꞌaat, “Kayti magkaltegan mu nga pagtataꞌidan ku, mabakas na nga pamalay-balay ka buwat-buwat ya purus tablaꞌ nga sedro. Temed iyan Kaban it Pakiꞌupakat it Ampuꞌang Diyus, duꞌun lamang it magkapuru-purun nga bala-balay.”

Exodo 25:18

Maglimbang it kiyaꞌpusan it saꞌeb ngaytu may kerubin. Bulawan nagay buwaten.

Exodo 25:4

benang nga maluꞌnaw, indilibelen baw madarag, pirmira nga abel, bulbul it kambing nga pagbubwaten na,

Exodo 25:8

Pabwaten mu sira it magkapuru-purun nga balay. Balay ngaytu, talagang ega basta-basta, ka subuk iyan nay taꞌidan ku isaꞌun kaꞌiba-iba mi na aku nga pirmi.

Exodo 26:31

Muwat kamu naga it sang kakurtinaꞌan nga maꞌiꞌinek naga nga panrara it pirmirang abel i gamiten. Palangan naga it benang nga maluꞌnaw, indilibelen baw madarag. Asat kurtinaꞌ ngaytu, paburdaꞌan mu it mamagkaꞌrut murdaꞌ it mga ladawan it kerubin.

Exodo 35:11

Ka sira i pabwaten it Tabirnakulu ngaytu baw muꞌsang kagamitan duꞌun. Itu may itu ngaytu i buwaten nira. Balay ngaytu nga magkapuru-purun, mga piyakaꞌatep ya, mga buwat-buwat kat dibwat, mga kakabitan baw pakpetan it kanira, mga piyakaꞌarigi ya baw mga uꞌulbudan it arigi ngaytu.

Exodo 35:6

benang nga maluꞌnaw, indilibelen baw madarag, pirmira nga abel, bulbul it kambing nga pagbubwaten na,

Exodo 40:2

“Kat intrada it uꞌnang bulan, ipatindeg mu na i Tabirnakulu ngaytu, nga itu nay papagsugi-sugidan nga balay.

Juan 1:14

Si Jesus ngaytung pagpangaranat Ampang, nagbalyung taw bawnga nanaꞌidan situt banwa nga kaꞌibaan tami. Nagpasar tu kat mata namen i kabantugan ya, nga kabantugan ya ngaytu, kabantugan it paeꞌesa-esang Anak it Diyus Amaꞌ. Natantuwan namen gasiꞌ i kadakulat ildaw ya baw kamatuudan talaga i muꞌsang ipiyaliꞌwan ya.

Juan 2:21

Temed iyan inaat ngaytu ni Jesus nga balay, sadili yang bilug i pagpaꞌiguꞌan ya.

Hebreo 8:2

Magbuwat kanyat buwat it Piyakamataꞌas nga Sasirduti duꞌun it matuud nga papagsambaan nga duꞌut langit, nga ega taw lamang i nagbuwat in daꞌga talagang Ampuꞌang Diyus.

Hebreo 9:2

Papagsambaan ngayti, balay nga magkapuru-purun baw dinwang bagiꞌ i seled ya. Iyan sang kaseledan, tiyaꞌwag nga Ega Basta-bastang Seled. Duꞌun kaytit iting seled i titidawan, lamisaan, baw tinapay nga ipagpasalamat nira duꞌut Ampuꞌang Diyus.

Hebreo 9:9

Iti ngayti, ladawan lamang ti. Iyan i pagpapuntuꞌan ya, kayti na ngaytu nga timpu. Ka iyan mga bagay ngayti nga pagbuwaten duꞌun nga ipagpasalamat baw ipagpanalisi nga ipagꞌangut it kapasinsiyaan, ega naga maat magkapataldeng it mga magsamba ngayti. Mabeꞌgat paꞌ kat nakem nira i binwat nirang mga kasalaꞌan.

Mga Ipiyalteg 19:8

Ta, asawaen ya ngayti, piyapakayan nat pirmira nga abel nga maputiꞌ nga limpiyuꞌ nga banar.” Iyan limpiyuꞌ nga pakayan ngaytu, yay paꞌaaten, mga mataldeng nga buwat it mga taawan it Ampuꞌang Diyus.

Mga Ipiyalteg 21:3

Baw siꞌ nga may nagnegan ku nga panggaꞌmarang dadakulaꞌ nga duꞌun it araꞌdungan ngaytit adiꞌ i sinraꞌan, nga magꞌaat, “Kayti iyan pamalay-balay it Ampuꞌang Diyus, asan nat mga taw. Pakisagpun na kanyat kanira ka mga taawan ya na sira. Baw talagang kanya ngaytu i Ampuꞌang Diyus nira, nga maꞌiba-iba nira nang pirmi.