Exodo 25:2 - Tagbanwa

² Maat ya, “Itu siꞌ i iꞌaat mu it mga Israelita. Aaten mu sira nga megay sira it kumpur kat nakem nira nga ireg nira nga ibgay it aken. Ikaw naga i tumanggap.

Exodo 25:2 Iomraidhean Croise

Esdras 1:6

Tiyabang sira nga matuud it mga kabanwa nira nga patuduꞌ. Binggayan sira it mga pirak baw bulawan. Binggayan paꞌ gasiꞌ sira it mga beken nga kaꞌilangan baw mga ayep, puyra it mga buluntad nga ipagbegay kat ikaꞌayus it Templo.

Esdras 2:68

Pagꞌabut duꞌun it naranggaꞌan ngaytit Templo it mga dakepan ngayti nga piyaꞌuliꞌ duꞌun it Jerusalem, iyan beken nga mga ginuꞌu it mga kuyunan nira, nagbuluntad sirat megay it magamit it ipatindeg naga ngayti nga Templo duꞌun it pagtitindegan ya nga lagi.

Esdras 7:16

Tabanen mu na gasiꞌ i kumpur ibgay it imyu it mga taga Babilonia nga pirak u bulawan, baw iyan buluntad nga begay it mga kabanwa mu baw mga sasirduti, nga egay beken nga pagꞌargan, balay ngayti nga papagsambaang balay it Ampuꞌang Diyus nira duꞌun it Jerusalem.

Exodo 25:1

Inaat siꞌ it AMPUꞌANG DIYUS si Moises.

Exodo 25:3

Itu may itu i mga ibgay nira, bulawan, pirak, tumbaga,

2 Corinto 9:7

Iyan i magayen, in magbegay tat tabang, megay i kada esa it kat sadili ya nga napikir, mayaꞌngan i nakem, baw ega desang magkaregesan lamang. Sabap iyan talagay kaꞌirgan it Ampuꞌang Diyus, begay-matag.