Exodo 24:6 - Tagbanwa

⁶ Binwat ni Moises, biyagiꞌ yay duguꞌ it inimatay ngayti nga ramu-ramu. Sang bagiꞌ, ibintang ya duꞌut karung. Sang bagiꞌ, ibiyuꞌbuꞌ ya na duꞌun it papangantengan ngayti.

Exodo 24:6 Iomraidhean Croise

2 Mga Adiꞌ 17:15

Talagang piyasngelan nira i mga urdin ya baw mga paꞌimbanda yat kanira. Baw diyaꞌga nira i pakiꞌupakat ya it mga kagiyaringanan nirat tagnaꞌ. Yay siyari nirat samba, mga pagbete-beteꞌen nga diyus nga egay kapulusan. Unupat nagbalyu gasiꞌ sira nga ega nay kapulusan kat panleteg it AMPUꞌANG DIYUS. Nagpaꞌuyun na sira nga banar it mga bangsa kat linibut nira, lamang garing paꞌ it tagnaꞌ ipiyagbenge-bengel na nga lagi it AMPUꞌANG DIYUS nga ega paꞌuyunan nira.

Exodo 12:22

Baw itu pay beken nga buwaten mi, manu kamu it pungru-pungru it isopo, ka itu ngaytu, itulsuk mi duꞌut duguꞌ it inimatay mi ngaytu nga uꞌuybun nga magbebtang duꞌut karung bawnga paꞌidan mi nay ayun kat dibwat nga papasꞌanan it talaꞌep baw tukdug nga duwa nga piyakpetan it talaꞌep baw kat aꞌabriyan ya. Kaꞌilangan egay maski siyu it imyu nga manliꞌwan basta ega paꞌ maꞌyag.

Exodo 12:7

Pagkaꞌimatay nira, buwaten it kada esa, manu it duguꞌ ka paꞌidan i ayun kat dibwat nga papasꞌanan it talaꞌep baw tukdug nga duwa nga piyakpetan it talaꞌep baw kat aꞌabriyan ya, in ari-aring balay i pagkaraꞌnenan kaytu.

Exodo 24:8

Aypaꞌ pinsiꞌ na ni Moises i duguꞌ ngayti duꞌut karung, ka ipiniꞌtik ya na nga ayun duꞌut mga taw ngayti. Maat ya, “Itu, duguꞌ ngaytu, i magpapaꞌgen it pakiꞌupakat ngaytu it AMPUꞌANG DIYUS it imyu, pagbegay ya it mga urdin ya ngaytu.”

Jeremias 31:32

Nga itu ngaytu nga pakiꞌupakat, ega na subung it pakiꞌupakat ku ngayti it mga kagiyaringanan nira, iyan ipiyaliꞌwan ku na sira kat pagkaꞌuripen nira duꞌun it Egipto. Ka tagnaꞌ ngayti nga ipiyakiꞌupakat ku, riyanggaꞌ nira maski namuyaan na niray kagayen it pangarigra ku it kanira, nga subung nat pangarigra it esang lalaki it pagraa-rarasan ya nga asawa.

1 Corinto 11:25

Pagkatupus it kaꞌen nira singkel ya i iꞌimnan. Maat ya, “Rugud it iꞌimnan ngaytu, keseg it baꞌgung pakiꞌupakat it Ampuꞌang Diyus kat katataawan nga egay beken nga keseg ngaytu in daꞌga sadili ku nga duguꞌ nga ipaturuꞌ ku. Kada imnun mi tu, buwaten mi nga pirmi nga atkaytu nga pagdemdem mi gasit aken.”

Colosas 1:20

Baw ipiyabetang-betang ya gasiꞌ nga kat keseg it kamataynen ni Jesus nga ipiyaturuꞌ yay duguꞌ ya duꞌut krus, papaꞌuliꞌen ya kat sadili ya i muꞌsang-muꞌsa, nga situt banwa baw kat langit gasiꞌ, isaꞌun magkagayen siꞌ.

Hebreo 12:24

Talagang aten nga piyatpadan, si Jesus, nga kanya i nagpapaꞌgen it Baꞌgu ngaytung Pakiꞌupakat, baw duguꞌ ya nga subuk ipiniꞌtik yat aten. Yay subrang may kapulusan, subraꞌ paꞌ it duguꞌ ngayti ni Abel nga magꞌangut lamang it kablesan.

Hebreo 8:9

Nga itu ngaytu nga pakiꞌupakat, ega na subung it pakiꞌupakat ku ngayti it mga kagiyaringanan nira, iyan ipiyaliꞌwan ku na sira kat pagkaꞌuripen nira duꞌun it Egipto. Ka lamang atkayan, ega inintindi nira i pakiꞌupakat ku ngayti. Aypaꞌ ka piyabaya-bayaꞌan ku na sira.

Hebreo 9:18

Ta atkayan naga, iyan ipiyatindeg i uꞌna ngayting pakiꞌupakat, egay keseg ya in egay duguꞌ it mga inimatay nga ramu-ramu.

Hebreo 9:19

Ka iyan nakapaꞌyag na ni Moises duꞌut kadaklan it mga taw i kaꞌyagan it kada urdin, minsiꞌ na kanyat duguꞌ it bakaꞌ baw kambing, duguꞌ nga may ragiꞌ na nga danum. Miyanu gasiꞌ it bulbul it tupa nga liyuuꞌ it madarag, idiyuꞌun yat pungru-pungru it isopo, bawnga itiyaꞌen duꞌut duguꞌ ngayti, ka wiyaswasan ya i kadaklan it taw baw pagsusuratan yat mga urdin ngaytit Ampuꞌang Diyus.

Hebreo 9:21

Inanuꞌan ya gasiꞌ it duguꞌ i balay ngayting papagsambaan baw muꞌsang mga kagamitan in magsamba.

1 Pedro 1:19

In daꞌga iyan ega basta-bastang duguꞌ ni Cristo nga ipiyaturuꞌ ya, yay ikiyaliꞌwan mi. Ka kabilangan ya, isiyalisi nga uꞌuybun it tupa nga egay maski unu nga rindi it bilug.

1 Pedro 1:2

Kamu ngaytu, piniliꞌ it Diyus Amaꞌ uyun naga kat pagnanakmen ya na nga lagi baw nakapabetang-betang ya garing paꞌ it katagnaꞌ-tagnaꞌan. Piniliꞌ ya kamu isaꞌun kat keseg it Espiritu Santo nga magsasarum kat bilug mi, buwaten kamu nga masiyunudun it ki Jesu-Cristo, nga napasinsiya nay mga kasalaꞌan mi sabap it ipiyaturuꞌ nga duguꞌ ya. Ipagpanalangin ku nga sana magbastanti nga pirmi asat imyu i ildaw baw kaꞌimbengan it nakem nga ipagbegay it Ampuꞌang Diyus.