Exodo 24:4 - Tagbanwa

⁴ Bawnga isiyurat ni Moises i muꞌsa ngayti nga inaat it AMPUꞌANG DIYUS. Pagꞌeyag siꞌ it aldaw nga kadedelman pang banar, nagbuwat si Moises it papangantengan duꞌut siyangkedan it bukid ngayti. Bawnga nagpatindeg kanya it sang puluꞌ may duwang batu i batu. Piyapatu-patuꞌan ya, sang puluꞌ may duwang kuyunan nga mga tungtung-inapuꞌ ni Jacob.

Exodo 24:4 Iomraidhean Croise

Genesis 12:7

temed nagpakikita i AMPUꞌANG DIYUS it ki Abram baw maat ya, “Ibgay kut kaꞌanak-anakan mu i itung banwa.” Aypaꞌ binwat ni Abram duꞌun, nagpatindeg it esang papangantengan it ipagsamba duꞌun it AMPUꞌANG DIYUS nga nagpakikita it kanya.

Genesis 28:18

Madlem paꞌ, nagbangun na si Jacob. Egay beken, batu ngayting inulunan ya, ipiyatindeg ya nga bilang arandeman, bawnga biyuꞌbuꞌan yat lana i duꞌut sagpaw.

Genesis 28:22

Baw itu, batu ngaytu nga ipiyatindeg ku nga binwat ku nga arandeman, magbaraꞌ nang pagsambaan it Ampuꞌang Diyus. Kada iꞌildaw mut aken nga unu-unu nga bagay, ega talaga lilipaten ku nga ibgay ku it imu i ikasang puluꞌ nga bagiꞌ.”

Genesis 31:45

Aypaꞌ miniliꞌ si Jacob it sangbat nga maꞌabwa-abwat nga batu, bawnga ipiyatindeg ya.

1 Mga Adiꞌ 11:30

Pagsusmu nira, sakaling inawaꞌ it prupitaꞌ ngayti i gulamen ya ngayti, giniꞌsik-giꞌsik yat sang puluꞌ may duwang giꞌsik.

1 Mga Adiꞌ 18:31

Pangayus ya, miniliꞌ kanya it sang puluꞌ may duwang batu i batu nga ipiyapatu-patuꞌ ya it sang puluꞌ may duwa ngayting anak ni Jacob, kanya ngayti nga binggayan it AMPUꞌANG DIYUS it ngaran ngayti nga Israel.

Esdras 6:17

Giyamit nira nga ipagsamba nga pasalamat, sang gatus i tudu nga bakaꞌ, duwang gatus i lalaki nga tupa, baw epat nga gatus i mga uꞌuybun naga it tupa. Ta, panalisi nga ipagꞌangut it kapasinsiyaan it kasalaꞌan it muꞌsang bangsa nga Israel, giyamit nira, sang puluꞌ may duwa i mga mandangan, nga kada esa, papatu-patuꞌ it sang puluꞌ may duwa ngayti nga kuyunang mga tungtung-inapuꞌ ni Israel.

Exodo 17:14

Bawnga maat siꞌ it AMPUꞌANG DIYUS it ki Moises, “Isurat muy itung kaꞌulugan, nga pasar it pandaꞌeg mi ngaytu, isaꞌun ega malipatan mi, baw aaten mu gasiꞌ si Josue nga talagang puuꞌun ku i mga Amalecita situt sinirungat langit.”

Exodo 17:15

Duꞌun kayti, nagbuwat si Moises it papangantengan it ipagsamba. Piyangaranan ya it “AMPUꞌANG DIYUS i Manigꞌuꞌna ku kat pandaꞌeg.”

Exodo 24:7

Bawnga pinsiꞌ ya i siyuratan ya it pakiꞌupakat it AMPUꞌANG DIYUS it kanira bawnga biyasa ya na duꞌun it mga taw. Maamaatan sira, “Talagang sunudun namen i muꞌsa ngaytu nga ipiyagꞌurdin it AMPUꞌANG DIYUS.”

Exodo 34:27

Pagkatupus it AMPUꞌANG DIYUS it muꞌsang pagꞌaaten ya ngayti, maat ya it ki Moises, “Isurat mu i mga inaat ku ngaytu, sabap itu ngaytu i pakiꞌupakat ku, nga basta sunudun mi gaytu, siguradung maꞌimyu i ipiyagsanggup ku ngaytut imu baw kat mga Israelita.”

Lucas 22:30

isaꞌun sang tamiyan i magkaꞌen baw magꞌinum duꞌun it kaꞌadiꞌan ku. Baw kaꞌibaan ku na kamu kat pamegbeg ku ngaytut mga taawan ku nga bilang tungtung-inapuꞌ it sang puluꞌ may duwang iriyasyaꞌ ni Israel.”

Galacia 2:9

Aypaꞌ, iyan mga pagkilalaen nga piyakapagbayaꞌen it mga magpamaalaꞌ duꞌut Jerusalem, nga si Santiago, si Pedro baw si Juan, iyan namuyaan nira nga kat keseg it ildaw it Ampuꞌan it aken, dakulay paglapusan it pangadal ku kat mga taw nga ega Judio, tiyanggap nira kami ni Bernabe baw napakay sira nga kaꞌuyutan kami na nira nga mga manigbuwat it buwaten it Ampuꞌan. Ta piyagꞌupa-upakatan namen nga ipasigi namen nay amen nga pangadal duꞌun it mga taw nga ega Judio. Iyan kabilug namen nga mga Judio, yanay kanira.

Josue 4:20

Duꞌun na kayti ipiyaruknuꞌ-ruknuꞌ ni Josue i sang puluꞌ may duwa ngayting batu nga ipiyapisiꞌ ya ngayti duꞌut Jordan.

Josue 4:5

bawnga inaat ya, “Paꞌuliꞌ kamu daꞌan duꞌun it pamagtitindegan ngaytit mga sasirduti ka kumuꞌmit kamu it taga sangbat it imyuy batu, ka papatu-patuꞌan mi i sang puluꞌ may duwa nga kuyunan tami nga mga tungtung-inapuꞌ ni Israel.

Mga Ipiyalteg 21:14

Baw may sang puluꞌ baw duwa gasing batu i batu nga papaꞌgen it kutaꞌ it siyudad ngayti. Magsusurat gasiꞌ duꞌun i mga ngaran it sang puluꞌ may duwang apustul it paꞌaaten ngaytung Uꞌuybun It Tupa.