Exodo 24:18 - Tagbanwa

¹⁸ Pagtungul ni Moises, siyakep na kanya it kunum ngayti. Epat nga pulung aldaw baw delem i kaꞌlay ya duꞌun.

Exodo 24:18 Iomraidhean Croise

1 Mga Adiꞌ 19:11

Maat i tubag it AMPUꞌANG DIYUS it inampang ngayti ni Elias, “Manliꞌwan ka na, ka timindeg ka kat adapan ku duꞌun it bukid ngaytu.” Pagkaꞌampang ya kayti, nanarimbay nay AMPUꞌANG DIYUS. Uꞌnang miyabut, eyep it deres nga ereꞌeret nang sebeg. Napunggar i bukid ngayti baw namagkarmek i mga batu, temed ega pay duꞌut deres ngayti nga AMPUꞌANG DIYUS. Sumubli siꞌ, yimnegyeg i lugtaꞌ, temed ega pay AMPUꞌANG DIYUS duꞌun.

1 Mga Adiꞌ 19:8

Nagbangun siꞌ si Elias ka kimnaꞌen siꞌ. Pagkaꞌinum ya, kiminseg i ginawa ya. Sabap it pangaꞌen ngayti, ega ginteman kanya lamang naꞌlay nga luꞌug-luꞌug ya, ka kaꞌlay, epat nga pulung aldaw baw delem. Nakaꞌbut na kanya duꞌut Horeb nga pagpangaranan it Bukid it Ampuꞌang Diyus.

Exodo 24:17

Kat panleteg it mga taw, subung it magdidigalang nga apuy duꞌut siyagpawan ngayti i magsingkar ngayti nga kabantugan it AMPUꞌANG DIYUS.

Exodo 25:1

Inaat siꞌ it AMPUꞌANG DIYUS si Moises.

Exodo 32:1

Temed ta, it nakakaꞌlay si Moises duꞌut siyagpawan it bukid ngayti, binwat it mga Israelita, naꞌaduꞌun sira it ki Aaron, ka maat nira, “Muwat ka it mga ladawan it Ampuꞌang Diyus nga manguꞌna it aten nga ganti ni Moises, ka egaytu magkaꞌrutan tami in naꞌunu naytu si Moises ngaytu nga nagpaliꞌwan ngaytut aten duꞌut Egipto.”

Exodo 34:28

Kaꞌlay ni Moises duꞌut adapan it AMPUꞌANG DIYUS duꞌut bukid ngayti, epat siꞌ nga pulung aldaw baw delem. Egay maski unu nga pagkaꞌnen baw pagꞌimnun ya. Ipiyagsurat ya na duꞌun it piyanipis ya ngayti nga batu i mga inaat it AMPUꞌANG DIYUS kat pakiꞌupakat ya ngayti nga dapat nira nga sunudun. Itu na i Sang Puluꞌ nga Urdin.

Exodo 9:29

Tiyubag ni Moises, “Pagkaliꞌwan ku situt siyudad ngaytu, iptat ku nay mga alima ku ka manalangin na duꞌut AMPUꞌANG DIYUS. Medek nay panduldug baw timiꞌdaw nay uran ngaytu nga yilu. Sikayan maꞌrutan mu nga AMPUꞌANG DIYUS i magbebegbeg it muꞌsang banwa.

Exodo 9:33

Ta, limniꞌwan na na Moises duꞌut adapan it adiꞌ ngayti. Pagkaliꞌwan nira duꞌut siyudad, ipintat na ni Moises i alima ya ka nanalangin duꞌut AMPUꞌANG DIYUS. Mindek na nga matuud i panduldug baw tedag it yilu, baw timniꞌdaw nay uran.

Mateo 4:2

Iyan nagtaꞌlib nay epat nga pulung aldaw baw delem nga magpuwasa si Jesus, ginteman na kanya.

Marcos 1:13

Epat nga pulung aldaw i kaꞌlay ya duꞌun. Siyukdanan kanya ni Satanas, in unu makapakursud ya. Duꞌut rugar ngayti, may maꞌiꞌiseg nga mga ramu-ramu, temed pagsirbiyan si Jesus it mga anghil.

Lucas 4:2

Kaꞌlay ya duꞌun, epat nga pulung aldaw, nga egay maski unu nga pagkaꞌnen ya. Binwat ni Satanas, siyukdanan ya si Jesus in unu makapakursud ya. Ta, it iti na nga kaꞌlay nga egay kiyaꞌen ni Jesus ngayti, ginteman na kanya.