Exodo 20:5 - Tagbanwa

⁵ Kuydaw mu masalyaan it panluudan nga sambaen i mga iyan ngayan, ka aku nga AMPUꞌANG DIYUS mu, maꞌimun. Talagang rigaen ku i muꞌsa nga pablag it aken, pati mga anak nira seked it ikaꞌpat nga tungtung-inapuꞌ.

Exodo 20:5 Iomraidhean Croise

1 Mga Adiꞌ 19:10

Katubag si Elias, maat ya, “Talagang piyanindegan ku nga banar ikaw nga AMPUꞌANG DIYUS nga landaw nga gunaan. Sabap talagang riyanggaꞌ nat mga Israelita i pakiꞌupakat mu it kanira. Siyari nira nat panranggaꞌ i mga papangantengan it ipagsamba it imu. Siyari na gasiꞌ nirat pangimatay it tarep basiꞌ i mga prupitaꞌ mu. Ta aku mana ngaytuy naꞌped nga mapiyamayaꞌ it imu, temed sigi nagang tiꞌes nirat aken isaꞌun maꞌimatay aku gasiꞌ.”

1 Mga Adiꞌ 21:29

“Unu, namuyaan mu in magꞌuꞌunu ngaytu nagpababaꞌ si Acab kat adapan ku? Ta, sabap it nagpababaꞌ naga ngaytu kanya, ega naga itabus kuy panriga ku mintras egen paꞌ kanya. Temed in ega nay kanya, paꞌabutan ku nat panriga ku i anak ya nga sumubli it kanya.”

2 Mga Adiꞌ 23:26

Temed maski atkayti na i kagayen it adat ni Josias, ega maat magꞌulibas i iseg it AMPUꞌANG DIYUS it mga taga Juda ngayti, sabap it karaꞌe-raꞌetan ngayti nga siyarit buwat ni Manases.

2 Mga Adiꞌ 5:18

Sana pasinsiyaen ya naga aku in kapanluud aku naga duꞌun it balay nga papagsambaan namen it ki Rimon, ka paꞌunu aku na lamang? Simpri, pagpaꞌaduꞌun it adiꞌ namen nga sumamba, reges nga makabayaꞌ aku naga.”

2 Mga Adiꞌ 5:27

Ta kayti it atkayay binwat mu, manindak na asat imu i bangbang ni Naaman. Seked it mga kaꞌanak-anakan mu mana may bangbangen naga.” Ta, kat iti nga laging uras biyangbang na si Giezi, namutiꞌ-putiꞌ nay bilug ya.

2 Cronica 25:14

Temed pagꞌuliꞌ na Amasias it nanrumpak ngayti it mga Edomita piyanrangpas ya i mga pagsambaen it mga Edomita ngayti nga pagbete-beteꞌen nga diyus. Pagꞌabut duꞌut Jerusalem iti nay ipiyatindeg ya nga kanya na nga pagsambaen baw pagtaꞌwagan nga pagꞌantengan it kamangyan.

Exodo 34:14

Ayaw kamu it samba it maski siyu u maski unu, magpuyra it aken. Sabap aku nga AMPUꞌANG DIYUS, maꞌimun aku. Iyan i ngaran ku, Maꞌimun.

Daniel 1:2

Ta, diyaꞌeg si Joaquim ngayti, ka ipiyaꞌalima kanya it Ampuꞌang Diyus duꞌun it ki Nabucodonosor ngayti. Riyangpasan pay Templo, nga papagsambaan nirat Ampuꞌang Diyus, ka piyataꞌnan it Ampuꞌang Diyus si Nabucodonosor nga may pisiꞌen ya nga mga kagamitan duꞌun. Mga iti ngayti, tiyaban yat miyuliꞌ duꞌun it Babilonia bawnga idiyuꞌun yat pagdawaꞌan it kamanggadan nga duꞌun it balay nga papagsambaan it pagbete-beteꞌen nga diyus ya.

Daniel 3:18

Temed maski ega buwaten ya nga iribri ya kami, magayen in maꞌrutan mu, kagalang-galang nga Adiꞌ, nga ega sirbiyan namen i mga diyus mu, pati tiyaw-taw ngayan nga bulawan nga ipiyapatindeg mu, ega sambaen namen.”

Mga Bilang 14:33

Iyan mga anak mi, magluꞌug-luꞌug it seledat epat nga pulung taꞌun, seked it matay kamu na nga muꞌsa. Paliꞌ mi naga i karigaan nira ngaytu ka daꞌkamu na naneꞌteꞌ it aken.

Mateo 4:9

Maat siꞌ ni Satanas ngayti, “Talagang ibgay kuytut imu i muꞌsa ngaytu, basta manluud ka nga sumamba it aken.”

Juan 15:18

“Talagang isgan kamu nat kadakel nga ega magpamayat aken, temed dedemdemen mi tu nga aku, inisgan aku it kadakel ngayti parabir inisgan nira kamu.

Juan 7:7

Kamu, ega yan mapakay nga isgan it katataawan. Temed aku, pagꞌisgan nira, sabap it ipagpaliꞌwan ku i mga buwat nira nga mararaꞌe-raꞌet.

Juan 9:2

Iningkut kanyat mga alagad ya ngayti, maat nira, “Manigtulduꞌ, siyu manggid i may kasalaꞌan ka sumakit i itung taw, beleg na? Unu kanya u mga giyaringan ya?”

Roma 1:30

Mga mapiyangguꞌyas na, magpakitabug nat Ampuꞌang Diyus, mapiyanregda-regda, mapiyataꞌas-taꞌas baw mapiyatuꞌgud na. Pirmi na sirang magꞌimbintu it karaꞌe-raꞌetan nga ega paꞌ nabwat it beken. Masutil sirat mga giyaringan nira,

Roma 8:7

Sabap talagang iyan singkadan ngaytung kaꞌiꞌirgan it taw, kuntraꞌ talagat Ampuꞌang Diyus ka ega magpasakep it mga urdin garing duꞌun it kanya. Baw yay matuud, egay kaya nira nga pasakep it mga ituꞌun ngaytu.

1 Corinto 10:22

Ta, it maꞌimun i Ampuꞌang Diyus, unu, ireg tami nga angutun i iseg ya? Unu, subray aten nga kakayaan it kanya?

Santiago 4:4

Kamung mga taw, subung kamut pagꞌaꞌasawaeng babay nga barapakun, nga ega paglabiyen yay pagꞌasawa, ka atkayay buwat mi duꞌun it Ampuꞌang Diyus. Unu, ega magkaꞌrutan mi nga basta iyan i ragaen mi, mga bagay situt banwa ngaytu, pagkuntraꞌen mi i Ampuꞌang Diyus? Yay matuud, in siyu-siyu nga pagtemden ya nga ega kaꞌirgan it Ampuꞌang Diyus in daꞌga mga kaꞌiꞌirgan situt banwa i ragaen ya, egay beken, magkasiguru ya i sadili ya nga kakuntraꞌ it Ampuꞌang Diyus.

Josue 23:16

Eeꞌ baꞌ, basta ega sunudun mi i pakiꞌupakat it imyu it AMPUꞌANG DIYUS mi, ka sumamba kamu baw magsirbi it mga pagbete-beteꞌen nga diyus, talagang maꞌangut mi yan i iseg it AMPUꞌANG DIYUS. Ta, baraꞌan mi kayan, yanayan, egay pagduwa-duwa nga mapuuꞌ kamung muꞌsa situt banwa ngaytu nga ibinggay yat imyu, banwa ngaytu nga bastanti i muꞌsa.”

Mga Pagbayaꞌen 2:19

Temed basta yan natay i pagbayaꞌen nira ngayti, buwaten it mga Israelita, paꞌuliꞌan nira siꞌ i pagsambaen nira ngayti nga pagbete-beteꞌen nga mga diyus. Subraꞌ paꞌ it karaꞌe-raꞌetan it mga kagiyaringanan nira i kanira nga mga pagbuwaten. Talagang namagpategas sira nga ega indiꞌan nira i karaꞌe-raꞌetan nira ngayti.