Exodo 20:4 - Tagbanwa

⁴ Kuydaw ka it buwat it ladawan nga sambaen mu nga subung it ladawan it maski unu nga kat langit, kat banwa baw kat danum.

Exodo 20:4 Iomraidhean Croise

1 Mga Adiꞌ 12:28

Aypaꞌ ka, pagkapakirunding ya it mga katimbang ya, nagpatunaw kanya it bulawan nga buwaten nga ipasbung it uꞌuybun it bakaꞌ. Duway ipiyabwat ya. Bawnga maat ya it mga sinakepan ya, “Iyan ayaw kamu nat pasasaw it paJerusalem, ka waytu na, bangsa nga Israel, i mga ladawan it Ampuꞌang Diyus mi nga nagpaliꞌwan ngayan it imyu kat pagkaꞌuripen mi duꞌun it Egipto.”

Exodo 32:1

Temed ta, it nakakaꞌlay si Moises duꞌut siyagpawan it bukid ngayti, binwat it mga Israelita, naꞌaduꞌun sira it ki Aaron, ka maat nira, “Muwat ka it mga ladawan it Ampuꞌang Diyus nga manguꞌna it aten nga ganti ni Moises, ka egaytu magkaꞌrutan tami in naꞌunu naytu si Moises ngaytu nga nagpaliꞌwan ngaytut aten duꞌut Egipto.”

Exodo 32:23

Ka maat nira it aken, ‘Muwat ka it mga ladawan it Ampuꞌang Diyus nga manguꞌnat aten nga ganti ni Moises, ka egaytu magkaꞌrutan tami in naꞌunu naytu si Moises ngaytu nga nagpaliꞌwan ngaytut aten duꞌut Egipto.’

Exodo 32:4

Pagkatanggap ni Aaron, binwat ya, tiyunaw ya na. Pagkatunaw, itinggis ya na duꞌun it urnuwan. Binwat ya nga ipiyasbung it uꞌuybun it bakaꞌ, bawnga piyalinuꞌ ya. Iyan nagayen-gayen ya na, maamaatan i kadakel ngayti, “Ta, waytu na i ladawan it Ampuꞌang Diyus tami, nga nagpaliꞌwan it aten duꞌut Egipto.”

Exodo 32:8

Piyaswayan nira nga lagi i mga urdin ku. Minwat na sira it ipiyasbung it uꞌuybun it bakaꞌ nga bulawan i binwat. Iyan na i pagsambaen nira kayti baw pagꞌantengan it panalisi nga ipagsamba. Ka maat nira, ‘Waytu na i ladawan it Ampuꞌang Diyus tami nga nagpaliꞌwan it aten duꞌut Egipto.’

Isaias 42:8

Aku lamang nga AMPUꞌANG DIYUS i kamatuudan nga Ampuꞌan it muꞌsa. Ega ipalugut ku nga agawun it beken i kabantugan ku, u sambaen it maski siyu i mga pagbete-beteꞌen nga diyus.

Mga Binwat 17:29

Ta, it kita, subuk ipiyanganak it Ampuꞌang Diyus, dapat nga ega pikiren ta nga subung kanya lamang it tiyaw-taw nga bulawan u pirak nga binwat u batu nga piyarparan. Ka mga ladawan ngaytu, uyun lamang kat kakayaan baw kiyaꞌrutat taw.

Roma 1:23

Kamatuudan, inindiꞌan niray Ampuꞌang Diyus nga ega basta-bastay kabantugan baw egen it egay kaskedan, ka yay pagragaen nirat sumamba, ladawan lamang it taw. Taꞌway baꞌ in unuka atkayan it, muꞌsang taw, pagsasakpan it kamataynen! Baw beken pang pagsambaen nira, mga ladawan it muꞌsang kalasit ramu-ramu, maglayug, magpanaw baw magkambang.

Mga Ipiyalteg 16:2

Aypaꞌ napanaw i uꞌnang anghil, ka iliyamaꞌ ya na situt banwa i rugud it kanya ngayting pagseskelen nga karung. Ta pagkalamaꞌ ya kayti, iyan mga taw nga nagpaꞌimandaꞌan it markaꞌ ngaytit kumakaꞌen ngayti nga ramu-ramu baw simnamba it ladawan ya, piyamungadan na sira it maꞌengat-engat baw marignaꞌ nang pamungad.

Mga Ipiyalteg 9:20

Temed lamang atnakayti, iyan naꞌped naga nga mga taw nga ega natay it iting panriga nga ipiyamatay, daꞌsira naga nangindiꞌ it pagsirbi nirat diwata. Baw daꞌsira gasiꞌ nangindiꞌ it pagsamba nirat mga pagbete-beteꞌen nira nga mga diyus nga pamagbuwaten nira, mga ladawan nga yay binwat, bulawan, pirak, tumbaga, batu baw kayu, nga ega naga magkalteg, magkagneg u magkapanaw.