Exodo 20:3 - Tagbanwa

³ Kuydaw ka it may kilalaen baw sirbiyan mu nga maski unu nga ganti mu it aken.

Exodo 20:3 Iomraidhean Croise

1 Mga Adiꞌ 11:4

Ta, yan magurang na si Solomon, narundingan na kanya it mga asawa ya ngayti nga sumamba na it mga pagbete-beteꞌen nga diyus nga kanirang pagsambaen. Aypaꞌ ega naneꞌteꞌ nga tingled i nakem ya kat pagsirbi ya it AMPUꞌANG DIYUS. Piyasyangan ya nay adat it amaꞌ ya ngayti nga si David.

Exodo 32:8

Piyaswayan nira nga lagi i mga urdin ku. Minwat na sira it ipiyasbung it uꞌuybun it bakaꞌ nga bulawan i binwat. Iyan na i pagsambaen nira kayti baw pagꞌantengan it panalisi nga ipagsamba. Ka maat nira, ‘Waytu na i ladawan it Ampuꞌang Diyus tami nga nagpaliꞌwan it aten duꞌut Egipto.’

Exodo 34:14

Ayaw kamu it samba it maski siyu u maski unu, magpuyra it aken. Sabap aku nga AMPUꞌANG DIYUS, maꞌimun aku. Iyan i ngaran ku, Maꞌimun.

Isaias 42:8

Aku lamang nga AMPUꞌANG DIYUS i kamatuudan nga Ampuꞌan it muꞌsa. Ega ipalugut ku nga agawun it beken i kabantugan ku, u sambaen it maski siyu i mga pagbete-beteꞌen nga diyus.

Jeremias 25:6

Ipiyagꞌaat nira ngayan it imyu nga ayaw kamu it samba baw pagsirbi it mga pagbete-beteꞌen nga diyus. Ega beteꞌ paꞌisgen mi i AMPUꞌANG DIYUS it pagsamba mi it pagbete-beteꞌen nga diyus nga binwat lamang it alima mi. In beteꞌ nagpagneg kamu it kanya, siguradu nga ega yan rigaen ya kamu.

Daniel 3:18

Temed maski ega buwaten ya nga iribri ya kami, magayen in maꞌrutan mu, kagalang-galang nga Adiꞌ, nga ega sirbiyan namen i mga diyus mu, pati tiyaw-taw ngayan nga bulawan nga ipiyapatindeg mu, ega sambaen namen.”

Mateo 4:10

Maat siꞌ i tubag ni Jesus, “Magpaꞌalaid ka na, Satanas! Unu basaꞌan i magsusurat? Daꞌga magꞌaat nga, ‘Ampuꞌang Diyus mu lamang i sambaen mu, baw kanya lamang gasiꞌ i pagsirbiyan mu.’”

1 Corinto 8:4

Aypaꞌ, in pasar it karniꞌ nga ipagsalisi duꞌun it mga pagbete-beteꞌen nga diyus in unu, makaꞌen it kitang magpamayaꞌ u ega, ituy masugid ku. Magkaꞌrutan tami nga ega kamatuudan nga diyus i mga pagbete-beteꞌen lamang ngaytu. Ka talagang esa-esay Ampuꞌang Diyus. Kanya lamang i kamatuudan nga Ampuꞌan.

1 Corinto 8:6

temed in aten, esa-esa lamang talagay kamatuudan nga Ampuꞌang Diyus nga Amaꞌ tami. Kanyay garing it muꞌsa baw magpangaꞌgenan tami kat ikabantug ya baw kat ikasirbi it kanya. Esa-esa lamang gasiꞌ i Ampuꞌan nga si Jesu-Cristo, kanya nga nagguna it muꞌsang bagay, baw kanya nga puꞌun it baꞌgung kaꞌgenan tami.

Efeso 5:5

Ka pagsisiguruun ta nga egay uyu-uyut it kagayenan duꞌun it kaꞌadiꞌan ni Cristo baw Ampuꞌang Diyus i taw nga mapiyamakun duꞌun it ega asawa ya baw kanya nga maraꞌway i adat. Atnaga i taw nga maꞌirak it kusas nga magkapisiꞌ situt banwa, ka ega na Ampuꞌang Diyus i pagsambaen ya in daꞌga kusas lamang ngayti.

Deuteronomio 6:5

Kaꞌilangan maꞌalen mu kanya it ega desang awam, in daꞌga kat nakem mu nga tingled baw kat muꞌsang keseg mu.

Filipos 3:19

Temed nakasiguru nayan nga kamataynen nga egay kaskedang panriga i abutun nira. Itung mga taw, sadili nira nga bilug i piyakadiyus nira, ka pirmi nira nga pagsumbayaꞌen i maraꞌe-raꞌet nga kaꞌirgan it bilug nira. Ipagpatuꞌgud nira paꞌ i mga dapat sana nga eyaꞌan nira, baw ta, yanayan yay paglabiyen nira, mga bagay nga situt banwa.

Colosas 2:18

Ayaw kamut pabuyug-buyug it mga taw nga magsugid nga daꞌkamu maribri ka daꞌkamuy imyu magsamba it mga anghil baw daꞌkamu mapiyababaꞌ nga subung kunuꞌ it kanira. Ipagpaliꞌwan nira nga subraꞌ paꞌ sira it imyu sabap it dakel-dakel i subuk pagtagaynepen nira kunuꞌ nga mga bagay. Temed egay kamatuudan, magpatuꞌgud lamang sira ka pagpadisiran paꞌ sira it singkadan nirang nakem nga makasalaꞌan.

Mga Ipiyalteg 19:10

Pagkagneg ku, nanluud aku duꞌun it sarungaan it magpakisugi-sugid ngaytit aken, ka sambaen ku kanya. Temed maat yat aken, “Ayaw! Ega mu buwaten i atkayan. Kaꞌilangan Ampuꞌang Diyus lamang i sambaen mu. Ka aku, manigsirbi ya gasiꞌ subung it imu baw subung it mga sulsug mu kat pamayaꞌ, sira nga magpamatuud it panulduꞌ nga ipiyaꞌrut ni Jesus. Sabap kamatuudan ngayting ipiyaꞌrut ni Jesus, itu nay pagpatalandagan it ampang it mga prupitaꞌ.”

Mga Ipiyalteg 22:9

Temed maat i inaat yat aken, “Ayaw! Ega mu buwaten i atkayan. Iyan lamang, Ampuꞌang Diyus, i sambaen mu. Ka aku, manigsirbi ya gasiꞌ nga subung it imu, baw subung it mga sulsug mu kat pamayaꞌ nga mga prupitaꞌ baw muꞌsa nga mamagsunud nga banar it mga inaat nga mamagsusurat situt itung kasuratan.”

Mga Pagbayaꞌen 6:10

Inaat ku ngayan it imyu, ‘Aku i AMPUꞌANG DIYUS mi. Ayaw kamut kasalya sumamba it pagbete-beteꞌen nga mga diyus it mga Amorreo nga datiyan kat banwa ngaytu nga pataꞌidan ku it imyu.’ Temed daꞌkamu nagpagneg it aken.”