Exodo 20:2 - Tagbanwa

² “Aku i AMPUꞌANG DIYUS mi, nga nagpaliꞌwan it imyu duꞌun it Egipto baw duꞌun it pagkaꞌuripen mi.

Exodo 20:2 Iomraidhean Croise

1 Mga Adiꞌ 18:39

Pagkalteg it kadakel ngayti, namagkeleb sira baw namagpanggagaꞌuy nga magꞌaat, “AMPUꞌANG DIYUS talaga i Diyus! AMPUꞌANG DIYUS lamang talagay Diyus!”

Exodo 15:26

Maat ya it kanira, “In talagang tingled i nakem mi kat pagsunud mi it aken, nga buwat mi purus mataldeng kat panleteg ku, baw sunudun mi i muꞌsang mga urdin baw pabetang-betang ku, ega ipalabay ku it imyu i mga sarut nga ipiyapanaw ku duꞌun it mga taga Egipto. Aku ngaytu nga AMPUꞌANG DIYUS i Manigꞌubaꞌubat mi.”

Exodo 20:1

Atkaytu na i inaat it Ampuꞌang Diyus duꞌun it kadakel ngayti.

Exodo 6:6

Aypaꞌ, ituy iꞌaat mu it mga Israelita. Aaten mu nga maat ku, ‘AMPUꞌANG DIYUS aku nga matuud. Talagang iribri ku kamu kat pakuriꞌ it mga taga Egipto. Ipatanud ku it mga taga Egipto ngaytu i beꞌgat it alima ku. Rigaen ku talaga sira. Temed iyan kamu, ipaliꞌwan ku na kamu kat panguripen nira it imyu.

Jeremias 31:33

Itu siꞌ i ipakiꞌupakat ku it bangsa nga Israel kat pagdadarapaꞌen. Mga urdin ku, idawaꞌ ku na kat ulu nira baw ipatdek ku nang banar kat nakem nira. Simirbi sirang matuud it aken nga Ampuꞌang Diyus nira, baw arigraen ku sirang banar nga mga taawan ku.

Roma 10:12

Talagang muꞌsang bangsat taw i pagpaꞌiguꞌan kaytu, sabap kat panleteg it Ampuꞌang Diyus egay piyagbelagan it mga Judio baw taw nga ega Judio. Esa-esa i Ampuꞌan tami nga muꞌsa, baw egay kaskedan it ildaw nga ipagꞌatag ya kat muꞌsang magpandangep duꞌut kanya.

Roma 3:29

Baw ega lamang mga Judio i tanggapen ya, adimaat mga Judio lamang i ireg ya nga sakpen. Ega maat atkayan in daꞌga talagang sakpen ya i muꞌsang bangsat taw, kumpur pasakep it kanya.

Mga Pagbayaꞌen 2:1

Esang aldaw, iyan Anghil it AMPUꞌANG DIYUS, garing duꞌun it Gilgal naꞌaduꞌun kanyat Boquim, ka may aaten ya duꞌun it mga Israelita. Maat ya, “Ipiyaliꞌwan ku kamu duꞌun it Egipto, baw tiyaban ku kamu situt banwa ngaytu nga isiyanggup ku duꞌun it mga kagiyaringanan mi. Baw maat ku nga talagang ega ranggaꞌen ku i ipiyakiꞌupakat ku ngaytit imyu seked it kaꞌnu-kaꞌnu.

Mga Pagbayaꞌen 6:10

Inaat ku ngayan it imyu, ‘Aku i AMPUꞌANG DIYUS mi. Ayaw kamut kasalya sumamba it pagbete-beteꞌen nga mga diyus it mga Amorreo nga datiyan kat banwa ngaytu nga pataꞌidan ku it imyu.’ Temed daꞌkamu nagpagneg it aken.”