Exodo 20:16 - Tagbanwa

¹⁶ Kuydaw ka it panistugu it egay matuud kuntraꞌ kat maꞌiba mu.

Exodo 20:16 Iomraidhean Croise

Mateo 19:18

“Unu may unu yan nga mga urdin?” ingkut it mangaꞌwaꞌen ngayti. “Itu may itu,” maat i tubag ni Jesus. “Kuydaw ka it pangimatay it masigkataw mu. Kuydaw ka it pamakun duꞌun it ega asawa mu. Kuydaw ka it panakaw. Kuydaw ka it panistigu it egay matuud.

Lucas 3:14

May mga sundaluꞌ gasiꞌ nga miningkut it ki Juan. Maat nira, “Ta, amen, unu gasiꞌ i magayen nga buwaten namen?” Maat gasiꞌ i tubag ni Juan it kanira, “Ayaw kamut panreges-reges it maski siyu u manistigu it ega matuud isaꞌun lamang kapamirak kamu. Yay magayen nga adaten mi, pagsagyaan mi na i suwildu mi.”

Mga Binwat 6:13

Bawnga may timnindeg nga magpanistigu it kaꞌambutan nga magꞌaat, “Talagang itung taw, sigi-siging ampang ya nga panibabaꞌ it Templo ngaytung ega basta-bastang papagsambaan tamit Ampuꞌang Diyus baw kuntraꞌ kat mga urdin ya.

Efeso 4:31

Aypaꞌ iyan talagay kaꞌilangan, awaꞌen mi na i muꞌsa ngaytu kat pangaꞌgenan mi, nakem nga makusakal, kaꞌiseg, pakitabug, baw masisigra nga ampang nga pandalaꞌ mit beken. Ayaw kamu nat pangampang-ampang it maꞌiba mi nga talagang kupanggated kamut kanira. Ibuntal mi na talagay muꞌsa ngaytu.

1 Timoteo 1:10

mga mapiyamakun kat ega asawa nira, mga mamagbuwat it maraꞌway kat subung nga lalaki baw subung nga babay, mga mamagdakep it taw ka uripnen, mga maꞌaꞌambut pati mga magpanistigu it kaꞌambutan, baw in unu pay beken nga kuntraꞌ kat tamaꞌ nga pangadal.

2 Timoteo 3:3

Yay matuud, ega pagbalyen nira i kabetangan it beken. Daꞌsira magpasinsiya, in daꞌga, mapiyamuwat-buwat na, ega magkaꞌrut sumupil it sadili nira, maꞌiseg, pagraꞌwayen niray in unu nga magayen.

Santiago 4:11

Mga sulsug ku kat pamayaꞌ, paꞌalaidan mi i adat nga pagdiya-diyampaꞌen. Sabap in siyu nga pagdiyampaꞌen ya i sulsug ya kat pamayaꞌ, nga bilang pagbetanganan yat ukuman, egay beken, pagtibabaꞌen yay urdin it Ampuꞌang Diyus. Ipagpabetang ya nga egay kapulusan it ipiyagꞌurdin nga magsigraras tami it esa may esa. Simpri basta pagtibabaꞌen muy urdin ngaytu, ega maꞌaat ka nga magsunud, in daꞌga pagpasaꞌliyan mu na, adimaat mataꞌas ka paꞌ it Ampuꞌang Diyus.