Exodo 2:3 - Tagbanwa

³ Temed iyan ega na mapakay nga itaguꞌ, binwat it babay ngayti, nagbuwat it baꞌay. Pagkaꞌman linimbug ya it paparkat bawnga ibintang ya na duꞌun i waꞌwaꞌ ngayti. Idiyuꞌlung ya duꞌut kasalaysayan nga duꞌut danum it Nilo.

Exodo 2:3 Iomraidhean Croise

Genesis 11:3

Iyan nakatiꞌen-tiꞌen na sira duꞌun, nagꞌupa-upakaten sira. Maat nira, “Esa-esa ga, muwat tamit dakel nga dakel nga padseneng lugtaꞌ, lugtaꞌ ngayang magkabwat tang dakut. Pakaꞌyawun tami nga banar isaꞌun demsen nga demsen.” Piyadsen na ngayti nira nga lugtaꞌ i ganti nirat batu nga ipagbuwat-buwat it balay. Piyulitan nirat alkitran isaꞌun magdeke-deketen.

Genesis 14:10

Mabulauꞌun i sikayting rugar. Duꞌut mga bulauꞌ ngayti may magtumbud nga alkitran. Ta it diyaꞌeg i lima ngayti nga mga adiꞌ, nanganya-kanya na sirat palagyu, pati mga sundaluꞌ nira. Mga adiꞌ it Sodoma baw Gomorra, duꞌun it mga bulauꞌ ngayti i kanirang piyatataguꞌan. Iyan beken, namukid na.

Genesis 6:14

Takaꞌ imu, magbuwat ka it subuk dakulang baul nga masakayan mi. Kayu nga sipres i buwaten mu. Seled-seleden mu in maꞌman mu na baw palanayan mut paparkat i paseled paliꞌwan isaꞌun ega tubudan.

Exodo 1:22

Ta it atkayti, ipiyagꞌurdin na it adiꞌ it muꞌsang mga sinakepan ya, nga magꞌaat, “Iyan kada lalaki nga ipanganak it mga Hebreo, ibuntal mi duꞌun it danum it Nilo. Takaꞌ in babay, pataꞌnan mi lamang nga egen sira.”

Mateo 2:13

Pagkagaring it mga mapipikir ngayti, nanagaynep si Jose. Tagaynep ya, miyabut i esang anghil it Ampuꞌang Diyus, nga magpaꞌa-paꞌaat it kanya, “Jose, magbangun kamu na, ka magliꞌid kamung lagi situ. Tabanen muy waꞌwaꞌ ngayan duwa magꞌinaꞌ baw malagyu kamu duꞌut Egipto. Baw ayaw kamut liꞌi-liꞌid duꞌun mintras ega pay aat kut imu, sabap ipatulus ni Herodes i waꞌwaꞌ ngaytu ka imatayen.”

Mateo 2:16

Iyan namuyaan ni Herodes nga palan nalabawan i pikir ya, ka ega tiyuman it mga mapipikir ngayti i pakiꞌupakat ya ngaytit kanira, miniseg kanyat iseg banar. Ipiyagꞌurdin ya nga pangimatayen i muꞌsa nga mangaꞌwaꞌ nga lalaki duꞌun it Betlehem ngayti, pati duꞌun it linibut ya, garing it mga madaragen sareg it magꞌidad nat duwang taꞌun, isaꞌun siguradung makaꞌuyut nga maꞌimatay si Jesus ngayti nga paꞌaaten, ka ega magkalipatan ni Herodes i inaat it mga mapipikir ngayti sabap it paglebat it iting bituꞌun.

Mga Binwat 7:19

Dakulaꞌ nang binwat ya nga pangakal kat bangsa ta. Piyakuriꞌan ya nga banar i mga kagiyaringanan tami, ka pagregesen ya sira nga pataꞌnan na duꞌut liꞌwan i mga madaragen nira isaꞌun ega na maꞌgen.