Exodo 2:24 - Tagbanwa

²⁴ Nagnegan it Ampuꞌang Diyus i pangabang nira ngayti. Ega naga nalipatan yay isiyanggup ya ngayti duꞌun it mga kiyaꞌapuꞌ-apuꞌan nira nga si Abraham, si Isaac baw si Jacob.

Exodo 2:24 Iomraidhean Croise

Genesis 15:13

Bawnga piyakisugidan siꞌ kanya it AMPUꞌANG DIYUS. Maat i inaat ya, “Ituy kamatuudan, mga tungtung-inapuꞌ mu, manumpang sira duꞌut banwat beken. Ega lamang desang manumpang, magsirbi gasiꞌ sira ka uripnen duꞌun. Talagang ipabetang sira it makuriꞌ, seledat epat nga gatus nga taꞌun.

Genesis 16:11

Kayti,” maat ya, “magbebteng ka na. Sumakit yan, lalaki. Si Ismael i ipangaran mut kanya, ka nagnegan yan it AMPUꞌANG DIYUS i pangabang mu sabap it kakuriꞌan mu ngaytu.

Genesis 17:7

Talagang magtetdek naytut imu i isiyanggup ku ngaytu. Maski ega nay ikaw ka mga kaꞌanakan mu mana, maneꞌteꞌ i pakiꞌupakat ku it seked maꞌlay nga banar. Tindak magtindak tu, itu nga isiyanggup ku ngaytu it imu, nga aku i Ampuꞌang Diyus mi, nga magꞌildaw it imu seked it mga kaꞌanakan mu magtungtung-magꞌinapuꞌ.

Genesis 18:18

Sabap piniliꞌ ku kanya nga garingan it esang dakulaꞌ nga bangsa. Baw muꞌsang bangsat taw kat sinirungat langit, talagang begayan kut dakulang ildaw nga subuk manggaring situt kanya.

Genesis 22:16

Magꞌaat i inaat, “Aku nga AMPUꞌANG DIYUS mismu i magsanggup it imu. Kayti nga ega ipiyagꞌimet mut aken i paeꞌesa-esang anak mu, talagang ildawan ku ikaw nga banar.

Genesis 26:2

Ka nagpakikita it ki Isaac i AMPUꞌANG DIYUS baw inaat kanya, “Isaac, ayaw kat paꞌaduꞌun it Egipto. Duꞌun i aduꞌunan mu it rugar nga iꞌaat ku it imu ka duꞌun i taꞌidan mu.

Genesis 26:24

Pagꞌabut ya duꞌun, nagpakikita siꞌ it kanya i AMPUꞌANG DIYUS it iti nga lagi nga delem baw inaat kanya, nga magꞌaat, “Aku i Ampuꞌang Diyus it amaꞌ mu nga si Abraham. Ayaw kat iꞌlam ka pagtatarimaen kuytu ikaw. Talagang ildawan ku ikaw baw padaklen ku nga banar i mga tungtung-inapuꞌ mu uyun kat isiyanggup ku it ki Abraham ngayti nga manigsirbi ku.”

Genesis 26:3

Baw mintras duꞌun ka, ildawan baw tarimaen ku ikaw. Sabap itung mga banwa ngaytu, ibgay ku it imu, nga subliyen it anak-inapuꞌ mu. Talagang tumanen ku i isiyanggup ku it amaꞌ mu nga si Abraham.

Genesis 32:28

“Ta kayti,” maat ya, “ega na si Jacob ngayan i ngaran mu. Si Israel na, sabap nagpatikeseg ka kat Ampuꞌang Diyus baw kat mga taw, baw nakaꞌindaꞌeg ka.”

Genesis 35:11

Maat siꞌ i beken nga ipiyagꞌaat yat kanya, “Aku i Ampuꞌang Diyus nga landaw nga gunaan. Dumakel ka nga taw, anak-inapuꞌ mu, magdadaklan sira nga mga taw. Manggaring-garing kat mga tungtung-inapuꞌ mu i subuk dakel na nga bangsa, lamang esa-esay puꞌun nira. Baw limiꞌwan kat mga inapuꞌ mu i mga magꞌadiꞌ.

Genesis 35:12

Baw itung banwa ngaytu nga isiyanggup ku it apuꞌ mu nga si Abraham baw amaꞌ mu nga si Isaac nga ibgay ku it kanira, ibgay ku nagaytu it imu, subliyen it anak-inapuꞌ mu.”

Genesis 8:1

Ta, ega nalipatan it Ampuꞌang Diyus si Noe baw muꞌsang mga kaꞌibaan ya duꞌut pagsasakayan nira ngayti. Aypaꞌ ka piyaꞌyep ya nay deres kat sagpaw it lugtaꞌ. Ta, nagpapuꞌun nat mebas-ebas na i danum,

Exodo 6:5

Baw beken, nagnegan ku i panganin-anin it mga Israelita nga pagꞌuripnen it mga taga Egipto baw talagang ega paglilipaten ku i ipiyakiꞌupakat ku ngayti it kagiyaringanan nira.

Mga Binwat 7:34

Talagang magkaltegan ku i muꞌsang pakuriꞌ it mga taga Egipto kat piniliꞌ ku ngaytu nga mga taawan. Magkagnegan ku talaga i mga pangabang nira. Aypaꞌ limnampud aku na ka naꞌbut nay timpu nga iribri ku sira. Ta kayti, papaꞌuliꞌen ku ikaw duꞌun it Egipto.’”

Mga Pagbayaꞌen 2:18

Kada pagbayaꞌen nga pagrumraan it AMPUꞌANG DIYUS, pagtabangen ya isaꞌun daꞌna malipi-lipi i mga Israelita it mga kalaban nira mintras egen i pagbayaꞌen ngayti. Ka pagsanguꞌan ya nagay mga Israelita ngayti sabap it panganin-anin nira kat kakuriꞌan nga paglabayen nira.

1 Samuel 9:16

“Dedelem nga atkaytuy uras, may ipaꞌasitu kut imu nga esang taw kat kuyunang mga tungtung-inapuꞌ ni Benjamin. Paturuꞌan muy ulu ya it lana ka ipasiguru mu nga adiꞌ na it mga taawan ku nga mga Israelita. Kanya na i rimibri it mga Israelita kat mga kalaban nira nga mga Filisteo, ka magkasanguꞌ aku nat magkaltegan ku nga kakuriꞌan it mga piniliꞌ ku ngaytung mga taw.”