Exodo 2:21 - Tagbanwa

²¹ Ta napakay ni Moises nga duꞌun nat iting mga taw i tiyaꞌidan ya. Naꞌlay na, naꞌasawa ya na si Zipora, nga esang anak ni Reuel ngayti.

Exodo 2:21 Iomraidhean Croise

Exodo 2:10

Iyan dakulaꞌ na, tiyaban ya na duꞌun it anak ngaytit adiꞌ. Talagang pabetang it anak ngaytit adiꞌ it waꞌwaꞌ ngayti, atnat ipiyagrasyaꞌ ya. Maat ya, “Ta it subuk nakuꞌmit ku lamang kanya duꞌun it danum, aypaꞌ si Moises i ipangaran kut kanya.”

Exodo 2:20

“Ta ari na kanya?” maat i amaꞌ nira ngayti. “Unuka ega piyabayaꞌ mi situ isaꞌun makakaꞌen kanya situt aten?” Egay beken, ipiyapisiꞌ ya si Moises ngayti.

Exodo 3:1

Ta it nakatakenaꞌ na si Moises duꞌut Madian, kanya na i manigꞌeper it mga tupa it punyangan ya ngayti nga si Reuel, nga esa gasiꞌ nga ngaran ya, si Jetro, nga esa kanya nga sasirduti duꞌut Madian ngayti. Kaꞌsa diyaran ya duꞌut sang bali it kapupuyangtan nga rugar. Nakaꞌbut kanya duꞌun it Horeb, nga esang bukid nga ipagpabetang nga bukid it Ampuꞌang Diyus.

Exodo 4:18

Miyuliꞌ na si Moises ka namꞌun duꞌut punyangan ya nga si Jetro. Pagꞌabut ya maat ya, “Amay, kupangigaꞌ aku baytut maꞌla-maꞌlay duꞌut Egipto duꞌut mga kasulsugan ku isaꞌun maꞌrutan ku in maꞌuꞌunu naga i kanirang kabetangan.” Pagkagneg ni Jetro, ega diyaꞌga ya.

Mga Binwat 7:29

Pagkagneg ni Moises it iting inampang, miyalagyu kanya nga lagi. Naꞌaduꞌun kanyat alaid nga banwa nga pagpangaranat Madian. Duꞌun nay piyangasawaan ya. Manganak sira, lalaki nga duwa.

1 Timoteo 6:6

Temed yay kamanggadan nga ega basta-basta, in pagsunudun tat magayen i kaꞌirgan it Ampuꞌang Diyus baw magkasagyaan tami i kabetangan ta.

Hebreo 11:25

Yanagay liyabi ya, makaꞌuyut naga kanya it mga kabilug ya nga mga taawan it Ampuꞌang Diyus maski pakuriꞌan, ega gat pasaga-saga it kasalaꞌan nga magkapisiꞌan it kasagyaan lamang nga ega magpaneꞌteꞌ.

Hebreo 13:5

Kaꞌilangan mangaꞌgenan kamu it ega kupagmanggad. Iyan i magayen, pagsagyaan mi na i kumpur magkaparagan mi, ega pagkudungagan nga pirmi. Sabap waytuy inaat it Ampuꞌang Diyus, maat ya, “Talagang ega pablagan u tananan ku kamu it seked kaꞌnu-kaꞌnu.”

Santiago 1:10

Temed iyan manggaden, magayen sagyaan ya in ipakilala it kanya nga egay kapulusan it kamanggadan ya ngayti kat panleteg it Ampuꞌang Diyus. Ka yay matuud, subung kanya lamang it bura-burak nga madaliꞌ abutun it kamataynen.